ﺋﺎﻣﯧﺮﯨﻜﺎ ﺗﺎﺷﻘﻰ ﺋﯩﺸﻼﺭ ﻣﯩﻨﯩﺴﺘﯩﺮﻟﯩﻜﯩﻨﯩﯔ ﻣﯘﺋﺎﯞﯦﻦ ﺑﺎﺷﻠﯩﻘﻰ ﻣﺎﺭﯨﻴﺎ ﺋﻮﺗﯧﺮﻭ ﺑﯜﮔﯜﻥ 'ﺩﺍﻻﻱ ﻻﻣﺎ ﺑﯩﺮ ﺩﯨﻨﻰ ﺩﺍﻫﻰ، ﺋﯘﻧﯩﯔ ﺋﺎﺭﯗﻧﺎﭼﺎﻟﺪﯨﻜﻰ ﺑﯘﺗﺨﺎﻧﯩﻨﻰ ﺯﯨﻴﺎﺭﻩﺕ ﻗﯩﻠﯩﺸﻰ ﺋﯚﺯﯨﻨﯩﯔ ﺑﯘﺭﭼﯩﻨﻰ ﺋﺎﺩﺍ ﻗﯩﻠﻐﺎﻧﻠﯩﻘﻰ' ﺩﻩﭖ ﺟﺎﻛﺎﺭﻟﯩﺪﻯ.

ﺑﯩﺮﻟﻪﺷﻤﻪ ﺋﺎﮔﯧﻨﺘﻠﯩﻘﯩﻨﯩﯔ ﺑﺎﻳﺎﻥ ﻗﯩﻠﯩﺸﯩﭽﻪ، ﻳﻪﻛﺸﻪﻧﺒﻪ ﻛﯜﻧﻰ ﻳﯧﺘﯩﭗ ﻛﯧﻠﯩﺪﯨﻐﺎﻥ ﺩﺍﻻﻻﻣﺎﻧﻰ ﺩﺍﻏﺪﯗﻏﯩﻠﯩﻖ ﻗﺎﺭﺷﻰ ﺋﯧﻠﯩﺶ ﺋﯜﭼﯜﻥ ﺗﻪﻳﻴﺎﺭﻟﯩﻖ ﻛﯚﺭﯨﯟﺍﺗﻘﺎﻥ ﺋﺎﺭﯗﻧﺎﭼﺎﻝ ﺷﯩﺘﺎﺗﯩﻨﯩﯔ ﺗﺎﯞﺍﯓ ﺷﻪﻫﻪﺭﭼﯩﺴﯩﺪﯨﻜﻰ ﻣﻪﺷﻬﯘﺭ ﺑﯘﺗﺨﺎﻧﯩﻨﯩﯔ ﺑﺎﺵ ﺭﺍﻫﯩﭙﻰ ﺗﯘﻟﻜﯘ ﺭﯨﻨﭙﻮﭼﻰ ﺑﯜﮔﯜﻥ 'ﺩﺍﻻﻱ ﻻﻣﺎ ﺑﯩﺰﻧﯩﯔ ﻗﻪﻟﺒﯩﻤﯩﺰﺩﻩ' ﺩﻩﭖ ﺟﺎﻛﺎﺭﻟﯩﺪﻯ. ﺧﯩﺘﺎﻳﻨﯩﯔ ﺗﺎﺷﻘﻰ ﺋﯩﺸﻼﺭ ﻣﯩﻨﯩﺴﯩﺘﯩﺮﻟﯩﻜﻰ ﺑﺎﻳﺎﻧﺎﺗﭽﯩﺴﻰ ﻣﺎﺟﺎﯞﺷﯜ ﺑﻮﻟﺴﺎ 'ﺩﺍﻻﻱ ﻻﻣﺎﻧﯩﯔ ﺟﻪﻧﯘﺑﯩﻲ ﺗﯧﺒﻪﺗﻨﻰ ﺯﯨﻴﺎﺭﻩﺕ ﻗﯩﻠﯩﺸﻰ ﺋﯘﻧﯩﯔ ﺟﻮﯕﮕﻮﻏﺎ ﻗﺎﺭﺷﻰ ﺑﯚﻟﮕﯜﻧﭽﻰ ﺋﯩﻜﻪﻧﻠﯩﻜﯩﻨﻰ ﺋﺎﺷﻜﺎﺭﯨﻼﻳﺪﯗ' ﺩﻩﭖ ﺟﺎﻛﺎﺭﻟﯩﺪﻯ.

ﺧﻪﯞﻩﺭﻟﻪﺭﺩﻩ ﺑﺎﻳﺎﻥ ﻗﯩﻠﯩﻨﯩﺸﯩﭽﻪ، ﺑﯘﻧﯩﯖﺪﯨﻦ 50 ﻳﯩﻞ ﺑﯘﺭﯗﻥ، ﺩﺍﻻﻱ ﻻﻣﺎ ﺋﯚﺯﯨﻨﯩﯔ ﻣﯘﻫﺎﺟﯩﺮﻩﺕ ﺳﻪﭘﯩﺮﯨﺪﻩ، 14‏ - ﺋﻪﯞﻻﺩ ﺩﺍﻻﻱ ﻻﻣﺎ ﺋﺎﻟﻪﻣﮕﻪ ﻛﻪﻟﮕﻪﻥ ﺋﺎﺭﯗﻧﺎﭼﺎﻟﺪﯨﻜﻰ ﺑﯘ ﺑﯘﺗﺨﺎﻧﯩﻨﻰ ﺯﯨﻴﺎﺭﻩﺕ ﻗﯩﻠﯩﭗ ﺋﯚﺗﻜﻪﻥ ﺋﯩﺪﻯ. 1962 ‏ - ﻳﯩﻠﻰ ﺑﯘ ﺭﺍﻳﻮﻧﺪﺍ ﺧﯩﺘﺎﻱ -ﻫﯩﻨﯩﺪﯨﺴﺘﺎﻥ ﭼﯧﮕﺮﺍ ﺋﯘﺭﯗﺷﻰ ﻳﯜﺯ ﺑﻪﺭﺩﻯ. ﺷﯘﻧﯩﯖﺪﯨﻦ ﻛﯧﻴﯩﻦ ﺑﯘ ﺋﯩﻜﻜﻰ ﺩﯙﻟﻪﺕ 13 ﻗﯧﺘﯩﻢ ﭼﯧﮕﺮﺍ ﺳﯚﻫﺒﯩﺘﻰ ﺋﯚﺗﻜﯜﺯﺩﻯ، ﺋﻪﻣﻤﺎ ﻫﯧﭽﻘﺎﻧﺪﺍﻕ ﻛﯧﻠﯩﺸﯩﻢ ﻫﺎﺳﯩﻞ ﺑﻮﻟﻤﯩﺪﻯ. ﻫﯧﻤﺎﻻﻳﺎ ﺋﯧﺘﻪﻛﻠﯩﺮﯨﺪﯨﻜﻰ ﺑﯘ ﮔﯜﺯﻩﻝ ﺭﺍﻳﻮﻥ ﻫﺎﺯﯨﺮ ﻳﻪﻧﯩﻼ، ﺧﯩﺘﺎﻱ ﺑﯩﻠﻪﻥ ﻫﯩﻨﯩﺪﺳﺘﺎﻧﺪﯨﻦ ﺋﯩﺒﺎﺭﻩﺕ ﺋﯩﻜﻜﻰ ﭼﻮﯓ ﻳﺎﺩﺭﻭ ﺩﯙﻟﯩﺘﯩﻨﯩﯔ ﺋﻮﺗﺘﯘﺭﯨﺴﯩﺪﺍ ﺗﺎﻻﺵ -ﺗﺎﺭﺗﯩﺸﺘﺎ ﺗﯘﺭﯗﯞﺍﺗﯩﺪﯗ.