ﺋﯘﻳﻐﯘﺭ > خەۋەرلەر > ﺑﯜﮔﯜﻧﻜﻰ ﻗﯩﺴﻘﺎ ﺧﻪﯞﻩﺭﻟﻪﺭ

700 ﻣﯩﻠﻴﺎﺭﺕ ﺩﻭﻟﻼﺭﻟﯩﻖ ﺋﺎﻣﯧﺮﯨﻜﺎ ﭘﯘﻝ ﻣﯘﺋﺎﻣﯩﻠﻪ ﺑﺎﺯﯨﺮﯨﻨﻰ ﻗﯘﺗﻘﯘﺯﯗﺵ ﭘﯩﻼﻧﯩﻨﻰ ﻣﺎﻗﯘﻟﻠﯩﻐﺎﻧﻠﯩﻘﻰ، ﺩﯗﻧﻴﺎ ﻣﯩﻘﻴﺎﺳﯩﺪﺍ ﻗﯩﺰﻏﯩﻦ ﻗﺎﺭﺷﻰ ﺋﯧﻠﯩﻨﺪﻯ

مۇخبىرىمىز ئۆمەر قانات

2008-10-04

ﭘﺮﯦﺰﯨﺪﯦﻨﺖ ﺟﻮﺭﺝ ﺑﯘﺵ ﻫﯚﻛﯜﻣﯩﺘﻰ ﺋﻮﺗﺘﯘﺭﯨﻐﺎ ﻗﻮﻳﻐﺎﻥ 700 ﻣﯩﻠﻴﺎﺭﺕ ﺩﻭﻟﻼﺭﻟﯩﻖ ﺋﺎﻣﯧﺮﯨﻜﺎ ﺑﯘﻝ ﻣﯘﺋﺎﻣﯩﻠﻪ ﺑﺎﺯﯨﺮﯨﻨﻰ ﻗﯘﺗﻘﯘﺯﯗﺵ ﭘﯩﻼﻧﯩﻨﯩﯔ ﺋﺎﻣﯧﺮﯨﻜﺎ ﺩﯙﻟﻪﺕ ﻣﻪﺟﻠﯩﺴﻰ ﺋﺎﯞﺍﻡ ﭘﺎﻻﺗﺎﺳﻰ ﺗﻪﺭﯨﭙﯩﺪﯨﻦ ﻣﺎﻗﯘﻟﻼﻧﻐﺎﻧﻠﯩﻘﻰ، ﺩﯗﻧﻴﺎ ﺩﯙﻟﻪﺗﻠﯩﺮﻯ ﺗﻪﺭﯨﭙﯩﺪﯨﻦ ﻗﯩﺰﻏﯩﻦ ﻗﺎﺭﺷﻰ ﺋﯧﻠﯩﻨﺪﻯ.

ﻧﯘﺭﻏﯘﻧﻠﯩﻐﺎﻥ ﺩﯙﻟﻪﺕ ﺭﻩﻫﺒﻪﺭﻟﯩﺮﻯ، ﺋﺎﻣﯧﺮﯨﻜﺎ ﺩﯙﻟﻪﺕ ﻣﻪﺟﻠﯩﺴﻰ ﺋﺎﯞﺍﻡ ﭘﺎﻻﺗﺎﺳﯩﻨﯩﯔ ﻣﻪﺯﻛﯘﺭ ﭘﯩﻼﻧﻨﻰ ﻗﻮﺑﯘﻝ ﻗﯩﻠﻐﺎﻧﻠﯩﻘﯩﻨﻰ، ﻣﻪﺳﺌﯘﻟﯩﻴﻪﺗﭽﺎﻥ ﯞﻩ ﻛﯧﺮﻩﻛﻠﯩﻚ ﺑﯩﺮ ﻫﻪﺭﯨﻜﻪﺕ ﺩﻩﭖ ﻛﯚﺭﺳﻪﺗﺘﻰ.

ﺟﻮﺭﺝ ﺑﯘﺵ ﻫﯚﻛﯜﻣﯩﺘﻰ ﺋﻮﺗﺘﯘﺭﯨﻐﺎ ﻗﻮﻳﻐﺎﻥ ﺋﺎﻣﯧﺮﯨﻜﺎ ﭘﯘﻝ ﻣﯘﺋﺎﻣﯩﻠﻪ ﺑﺎﺯﯨﺮﯨﻨﻰ ﻗﯘﺗﻘﯘﺯﯗﺵ ﭘﯩﻼﻧﯩﻨﯩﯔ ﺋﺎﻣﯧﺮﯨﻜﺎ ﺋﺎﯞﺍﻡ ﭘﺎﻻﺗﺎﺳﻰ ﺗﻪﺭﯨﭙﯩﺪﯨﻦ ﻗﻮﺑﯘﻝ ﻗﯩﻠﯩﻨﻐﺎﻧﻠﯩﻘﯩﺪﯨﻦ ﺧﯘﺭﺳﻪﻥ ﺋﯩﻜﻪﻧﻠﯩﻜﯩﻨﻰ ﺑﯩﻠﺪﯛﺭﮔﻪﻥ ﻓﺮﺍﻧﺴﯩﻴﻪ ﺳﻮﺩﺍ ﻣﯩﻨﺴﯩﺘﯩﺮﻯ ﻛﺮﯨﺴﺘﻴﺎﻥ ﻻﮔﺎﺭﺩﻯ، "ﺑﯘ ﻗﻮﺑﯘﻝ ﻗﯩﻠﯩﻨﯩﺸﻘﺎ ﺗﯧﮕﯩﺸﻠﯩﻚ ﺑﯩﺮ ﺗﻪﺩﺑﯩﺮ ﺋﯩﺪﻯ" ﺩﯦﮕﻪﻥ.

ﻳﺎﯞﺭﯗﭘﺎ ﺋﯩﺘﺘﯩﭙﺎﻗﻰ ﻛﻮﻣﯩﺘﯧﺘﯩﻨﯩﯔ ﺑﺎﺷﻠﯩﻘﻰ ﺑﺎﺭﻭﺳﺎ، ﺋﺎﻣﯧﺮﯨﻜﺎ ﺩﯙﻟﻪﺕ ﻣﻪﺟﻠﯩﺴﻰ ﺋﻪﺯﺍﻟﯩﺮﻯ ﺑﯘﺵ ﻫﯚﻛﯜﻣﯩﺘﯩﻨﯩﯔ ﻗﯘﺗﻘﯘﺯﯗﺵ ﭘﯩﻼﻧﯩﻨﻰ ﻗﻮﺑﯘﻝ ﻗﯩﻠﯩﺶ ﺋﺎﺭﻗﯩﻠﯩﻖ ﺋﯚﺯﻟﯩﺮﯨﻨﯩﯔ ﻣﻪﺳﺌﯘﻟﯩﻴﻪﺗﭽﺎﻧﻠﯩﻘﯩﻨﻰ ﻛﯚﺭﺳﻪﺗﺘﻰ" ﺩﯦﺪﻯ.

ﺋﺎﻣﯧﺮﯨﻜﺎ ﭘﯘﻝ ﻣﯘﺋﺎﻣﯩﻠﻪ ﺑﺎﺯﯨﺮﯨﻨﻰ ﻗﯘﺗﻘﯘﺯﯗﺵ ﭘﯩﻼﻧﯩﻨﯩﯔ ﺩﯙﻟﻪﺕ ﻣﻪﺟﻠﯩﺴﯩﺪﻩ ﻗﻮﺑﯘﻝ ﻗﯩﻠﯩﻨﻐﺎﻧﻠﯩﻘﯩﻨﻰ ﻗﯩﺰﻏﯩﻦ ﻗﺎﺭﺷﻰ ﺋﺎﻟﯩﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﮔﻪﻥ ﺧﯩﺘﺎﻱ ﺧﻪﻟﻖ ﺑﺎﻧﻜﯩﺴﯩﻨﯩﯔ ﺑﺎﻳﺎﻧﺎﺗﭽﯩﺴﻰ، ﺩﯗﻧﻴﺎ ﭘﯘﻝ ﻣﯘﺋﺎﻣﯩﻠﻪ ﺑﺎﺯﯨﺮﯨﻨﻰ ﺗﯘﺭﺍﻗﻼﺷﺘﯘﺭﯗﺷﺘﺎ ﺧﯩﺘﺎﻱ ﯞﻩ ﺋﺎﻣﯧﺮﯨﻜﺎ ﺋﻮﺭﺗﺎﻕ ﻣﻪﻧﭙﯩﺌﻪﺗﻜﻪ ﺋﯩﮕﻪ ﺩﯦﺪﻯ.

ﺋﺎﻣﯧﺮﯨﻜﺎ ﺩﯙﻟﻪﺕ ﻣﻪﺟﻠﯩﺴﻰ ﺋﺎﯞﺍﻡ ﭘﺎﻻﺗﺎﺳﻰ ﺑﯘﺵ ﻫﯚﻛﯜﻣﯩﺘﯩﻨﯩﯔ 700 ﻣﯩﻠﻴﺎﺭﺕ ﺩﻭﻟﻼﺭﻟﯩﻖ ﻗﯘﺗﻘﯘﺯﯗﺵ ﭘﯩﻼﻧﯩﻨﻰ ﺟﯜﻣﻪ ﻛﯜﻧﻰ ﺋﯧﻠﯩﭗ ﺑﯧﺮﯨﻠﻐﺎﻥ ﻛﻪﺳﻜﯩﻦ ﻣﯘﻧﺎﺯﯨﺮﯨﻠﻪﺭﺩﯨﻦ ﻗﻮﺑﯘﻝ ﻗﯩﻠﻐﺎﻥ.

ﺑﯘ ﺋﺎﺭﯨﺪﺍ ﻳﺎﯞﺭﯗﭘﺎ ﺋﯩﺘﺘﯩﭙﺎﻗﻰ ﺋﻪﺯﺍ ﺩﯙﻟﻪﺗﻠﻪﺭﻧﯩﯔ ﺭﻩﻫﺒﻪﺭﻟﯩﺮﻯ ﺷﻪﻧﺒﻪ ﻛﯜﻧﻰ ﺩﯗﻧﻴﺎ ﭘﯘﻝ ﻣﯘﺋﺎﻣﯩﻠﻪ ﻛﺮﯨﺰﯨﺴﯩﻨﻰ ﺑﯩﺮ ﺗﻪﺭﻩﭖ ﻗﯩﻠﯩﺶ ﺋﯜﭼﯜﻥ ﺋﯧﻠﯩﻨﯩﺪﯨﻐﺎﻥ ﺗﻪﺩﺑﯩﺮﻟﻪﺭﻧﻰ ﻣﯘﺯﺍﻛﯩﺮﻩ ﻗﯩﻠﯩﺶ ﻣﻪﻗﺴﯩﺘﯩﺪﻩ ﭘﺎﺭﯨﺠﺪﺍ ﺋﺎﻟﯩﻲ ﺩﻩﺭﯨﺠﯩﻠﯩﻚ ﺑﯩﺮ ﻳﯩﻐﯩﻦ ﺑﺎﺷﻠﯩﺪﻯ. ﻓﺮﺍﻧﺴﯩﻴﻪ ﭘﺮﯦﺰﯨﺪﯦﻨﺘﻰ ﺳﺎﺭﻛﻮﺯﯨﻲ ﻳﺎﯞﺭﯗﭘﺎ ﺋﯩﺘﺘﯩﭙﺎﻗﻰ ﭘﯘﻝ ﻣﯘﺋﺎﻣﯩﻠﻪ ﺑﺎﺯﯨﺮﯨﺪﺍ ﻣﻪﯞﺟﯘﺕ ﻛﺮﯨﺰﯨﺴﻨﻰ ﺑﯩﺮ ﺗﻪﺭﻩﭖ ﻗﯩﻠﯩﺶ ﺋﯜﭼﯜﻥ ﺟﯩﺪﺩﻯ ﺗﻪﺩﺑﯩﺮ ﺋﯧﻠﯩﺸﻰ ﻛﯧﺮﻩﻙ ﺩﻩﭖ ﻛﯚﺭﺳﻪﺗﺘﻰ.