ﺋﯘﻳﻐﯘﺭ > خەۋەرلەر > ﺑﯜﮔﯜﻧﻜﻰ ﻗﯩﺴﻘﺎ ﺧﻪﯞﻩﺭﻟﻪﺭ

ﻛﺎﻧﺪﯨﻠﯩﺰﺍ ﺭﺍﻳﺲ ﺭﯗﺳﯩﻴﯩﻨﻰ ﺋﺎﮔﺎﻫﻼﻧﺪﯗﺭﺩﻯ

مۇخبىرىمىز شۆھرەت ھوشۇر

2008-09-18

ﺋﺎﻣﯧﺮﯨﻜﺎ ﺗﺎﺷﻘﻰ ﺋﯩﺸﻼﺭ ﻣﯩﻨﯩﺴﺘﯩﺮﻯ ﻛﺎﻧﺪﯨﻠﯩﺰﺍ ﺭﺍﻳﺲ ﺑﯜﮔﯜﻥ ﺭﯗﺳﯩﻴﯩﻨﯩﯔ ﺧﻪﻟﻘﺌﺎﺭﺍ ﻣﻪﺳﯩﻠﯩﻠﻪﺭ ﻫﻪﻗﻘﯩﺪﯨﻜﻰ ﭘﻮﺯﯨﺘﺴﯩﻴﯩﺴﯩﻨﻰ ﺋﻪﻳﯩﺒﻠﯩﺪﻯ. ﺋﯘ ﺳﯚﺯﯨﺪﻩ ﺭﯗﺳﯩﻴﯩﻨﻰ ﺩﯙﻟﻪﺕ ﺋﯩﭽﻰ ﻣﻪﺳﯩﻠﯩﺴﯩﺪﻩ ﺩﯨﻜﺘﺎﺗﻮﺭﻟﯘﻕ ﻗﯩﻠﯩﯟﺍﺗﯩﺪﯗ، ﺧﻪﻟﻘﺌﺎﺭﺍ ﻣﻪﺳﯩﻠﯩﻠﻪﺭﺩﻩ ﺑﻮﻟﺴﺎ ﺋﯚﻛﺘﻪﻣﻠﯩﻚ ﻗﯩﻠﯩﯟﺍﺗﯩﺪﯗ ﺩﻩﭖ ﺋﺎﮔﺎﻫﻼﻧﺪﯗﺭﺩﻯ ﯞﻩ ﺭﯗﺳﯩﻴﯩﻨﯩﯔ ﻳﯧﻘﯩﻨﺪﯨﻦ ﺑﯘﻳﺎﻧﻘﻰ ﺗﻪﺧﯩﺮﺳﯩﺰ ﻫﻪﺭﯨﻜﻪﺗﻠﯩﺮﯨﻨﯩﯔ ﺧﻪﺗﯩﺮﯨﻨﻰ ﺋﻪﺳﻜﻪﺭﺗﯩﭗ ﺋﯚﺗﺘﻰ.

ﺭﯗﺳﯩﻴﻪ، ﺋﯚﺗﻜﻪﻥ ﺋﺎﻳﺪﺍ، ﮔﺮﯗﺯﯨﻴﯩﮕﻪ ﺋﻪﺳﻜﯩﺮﯨﻲ ﻫﯘﺟﯘﻡ ﻗﯩﻠﻐﺎﻥ، 2 ﻫﻪﭘﺘﯩﻨﯩﯔ ﺋﺎﻟﺪﯨﺪﺍ، ﺟﻪﻧﯘﺑﯩﻲ ﺋﻮﺳﺴﯧﺘﯩﻴﻪ ﯞﻩ ﺋﺎﺑﺨﺎﺯﯨﻴﯩﻨﯩﯔ ﻣﯘﺳﺘﻪﻗﯩﻠﻠﯩﻘﯩﻨﻰ ﺋﯧﺘﯩﺮﺍﭖ ﻗﯩﻠﻐﺎﻥ، ﺗﯜﻧﯜﮔﯜﻥ ﺑﯘ ﺋﯩﻜﻜﻰ ﺭﺍﻳﻮﻥ ﺑﯩﻠﻪﻥ ﺩﻭﺳﺘﻠﯘﻕ ﺷﻪﺭﺗﻨﺎﻣﯩﺴﻰ ﺋﯩﻤﺰﺍﻟﯩﻐﺎﻥ ﺋﯩﺪﻯ.

ﺭﺍﻳﯩﺴﻨﯩﯔ ﺳﯚﺯﻯ، ﺭﯗﺳﯩﻴﯩﻨﯩﯔ ﺟﻪﻧﯘﺑﻰ ﺋﻮﺳﺴﯧﺘﯩﻴﻪ ﯞﻩ ﺋﺎﺑﺨﺎﺯﯨﻴﻪ ﺑﯩﻠﻪﻥ ﺩﻭﺳﺘﻠﯘﻕ ﺷﻪﺭﺗﻨﺎﻣﯩﺴﻰ ﺋﯩﻤﺰﺍﻟﯩﺸﯩﺪﯨﻦ ﺑﯩﺮ ﻛﯜﻥ ﻛﯧﻴﯩﻨﮕﻪ ﺗﻮﻏﺮﺍ ﻛﻪﻟﺪﻯ. ﻧﯚﯞﻩﺗﺘﻪ ﺧﻪﻟﻘﺌﺎﺭﺍ ﺟﺎﻣﺎﺋﻪﺕ ﺭﯗﺳﯩﻴﻪ ﺑﯩﻠﻪﻥ ﺋﺎﻣﯧﺮﯨﻜﺎ ﺩﯨﭙﻠﻮﻣﺎﺗﯩﻴﯩﺴﯩﻨﯩﯔ ﺗﻪﺭﻩﻗﻘﯩﻴﺎﺗﯩﻨﻰ ﺋﻪﻧﺪﯨﺸﻪ ﺋﯩﭽﯩﺪﻩ ﻛﯚﺯﻩﺗﻤﻪﻛﺘﻪ.