ﺑﯘ ﻳﯩﻠﻘﻰ ﺭﻭﺯﺍ ﻫﯧﻴﺖ ﻧﺎﻣﯩﺰﻯ ﺋﺎﻣﯧﺮﯨﻜﯩﻨﯩﯔ ﻫﻪﺭ ﻗﺎﻳﺴﻰ ﺟﺎﻳﻠﯩﺮﯨﺪﺍ ﺟﯜﻣﻠﯩﺪﯨﻦ ﭘﺎﻳﺘﻪﺧﺖ ﯞﺍﺷﯩﻨﮕﺘﻮﻥ ﺋﻪﺗﺮﺍﭘﯩﺪﯨﻜﻰ ﻣﯘﺳﯘﻟﻤﺎﻥ ﺟﺎﻣﺎﺋﻪﺗﻠﯩﺮﯨﻨﯩﯔ ﻣﻪﺳﭽﯩﺘﻠﯩﺮﯨﺪﻩ ﺋﯚﺗﻜﯜﺯﯛﻟﮕﻪﻧﺪﯨﻦ ﺑﺎﺷﻘﺎ ﻳﻪﻧﻪ ﺋﺎﻣﯧﺮﯨﻜﺎ - ﺗﯜﺭﻙ ﺩﻭﺳﺘﻠﯘﻕ ﺟﻪﻣﯩﻴﯩﺘﻰ ﺩﻩﭖ ﺋﺎﺗﺎﻟﻐﺎﻥ ﺟﻪﻣﯩﻴﻪﺗﻨﯩﯔ ﺗﻪﺷﻜﯩﻠﻠﯩﺸﻰ ﺑﯩﻠﻪﻥ ﯞﺍﺷﯩﻨﮕﺘﻮﻥ ﺷﻪﻫﯩﺮﻯ ﻳﯧﻨﯩﺪﯨﻜﻰ ﺷﯩﻤﺎﻟﯩﻲ ﯞﯨﺮﺟﯩﻨﯩﻴﻪ ﺷﯩﺘﺎﺗﯩﻨﯩﯔ ﻓﺎﺋﯩﺮﻓﺎﻛﯩﺲ ﺷﻪﻫﻪﺭﻟﯩﻚ ﺋﻮﺗﺘﯘﺭﺍ ﻣﻪﻛﺘﻪﭘﻨﯩﯔ ﺗﻪﻧﺘﻪﺭﺑﯩﻴﻪ ﺯﺍﻟﯩﺪﯨﻤﯘ ﺋﯘﻳﯘﺷﺘﯘﺭﯗﻟﻐﺎﻥ ﺑﻮﻟﯘﭖ، ﻧﺎﻣﺎﺯﻏﺎ ﭘﺎﻳﺘﻪﺧﺖ ﺋﻪﺗﺮﺍﭘﯩﺪﺍ ﻳﺎﺷﺎﻳﺪﯨﻐﺎﻥ ﺗﯜﺭﻛﻠﻪﺭ ﯞﻩ ﺋﺎﺯ ﺳﺎﻧﺪﯨﻜﻰ ﻗﺎﺯﺍﻗﻼﺭ ﻫﻪﻡ ﺋﯚﺯﺑﯧﻜﻠﻪﺭﺩﯨﻦ ﺑﺎﺷﻘﺎ ﻳﻪﻧﻪ ﻛﯚﭖ ﺳﺎﻧﺪﯨﻜﻰ ﺋﯘﻳﻐﯘﺭﻻﺭ ﺋﯩﺸﺘﯩﺮﺍﻙ ﻗﯩﻠﺪﻯ.

ﺋﺎﻣﯧﺮﯨﻜﺎ ﺋﯘﻳﻐﯘﺭﻟﯩﺮﻯ ﺟﻪﻣﺌﯩﻴﯩﺘﯩﻨﯩﯔ ﻣﯘﻧﺎﺳﯩﯟﻩﺗﻠﯩﻚ ﺋﻪﺭﺑﺎﺑﻠﯩﺮﯨﻨﯩﯔ ﺋﯧﻴﺘﯩﺸﯩﭽﻪ، ﺑﯘ ﺋﺎﻣﯧﺮﯨﻜﯩﺪﯨﻜﻰ ﺋﯘﻳﻐﯘﺭﻻﺭﻧﯩﯔ ﻳﯧﻘﯩﻨﻘﻰ ﻳﯩﻠﻼﺭﺩﯨﻦ ﺑﯘﻳﺎﻧﻘﻰ ﺗﯘﻧﺠﻰ ﻗﯧﺘﯩﻢ ﺋﻪﯓ ﻛﯚﭖ ﺋﺎﺩﻩﻡ ﻗﺎﺗﻨﯩﺸﯩﭗ، ﺑﯩﺮﻟﯩﻜﺘﻪ ﻫﯧﻴﺖ ﻧﺎﻣﯩﺰﻯ ﺋﻮﻗﯘﺷﻰ ﺑﻮﻟﯘﭖ ﻫﯧﺴﺎﺑﻠﯩﻨﯩﺪﯨﻜﻪﻥ. ﻧﺎﻣﺎﺯﺩﯨﻦ ﻛﯧﻴﯩﻦ، ﺋﯘﻳﻐﯘﺭﻻﺭ ﺑﯩﺮ - ﺑﯩﺮﯨﻨﻰ ﻫﯧﻴﺖ ﺑﯩﻠﻪﻥ ﻗﯩﺰﻏﯩﻦ ﺗﻪﺑﺮﯨﻜﻠﻪﺷﺘﻰ ﺷﯘﻧﯩﯖﺪﻩﻙ ﺋﯘﻳﻐﯘﺭ ﺧﻪﻟﻘﯩﻨﯩﯔ ﻣﯩﻠﻠﯩﻲ ﺋﯚﺭﭖ - ﺋﺎﺩﻩﺗﻠﯩﺮﻯ ﺑﻮﻳﯩﭽﻪ ﺟﺎﻣﺎﺋﻪﺕ ﺑﻮﻟﯘﭖ ﺋﯘﻳﯘﺷﯘﭖ ﺑﯩﺮ ﻗﯩﺴﯩﻢ ﺋﺎﺋﯩﻠﯩﻠﻪﺭﮔﻪ ﭘﻪﺗﻪ ﺋﻮﻗﯘﺩﻯ.

ﻫﯧﻴﺖ ﻧﺎﻣﯩﺰﯨﻐﺎ ﻗﺎﺗﻨﺎﺷﻘﺎﻥ ﻛﯩﺸﯩﻠﻪﺭﻧﯩﯔ ﺋﯧﻴﺘﯩﺸﯩﭽﻪ، 5 - ﯞﻩ 7 - ﺋﯩﻴﯘﻝ ﻗﯩﺮﻏﯩﻨﭽﯩﻠﯩﻘﻠﯩﺮﯨﺪﯨﻦ ﻛﯧﻴﯩﻦ ﭼﻪﺗﺌﻪﻟﻠﻪﺭﺩﯨﻜﻰ، ﺟﯜﻣﻠﯩﺪﯨﻦ ﺋﺎﻣﯧﺮﯨﻜﯩﺪﯨﻜﻰ ﺋﯘﻳﻐﯘﺭﻻﺭ ﺋﺎﺭﯨﺴﯩﺪﺍ ﺗﯧﺨﯩﻤﯘ ﺋﯩﺘﺘﯩﭙﺎﻗﻠﯩﺸﯩﺶ، ﺑﯩﺮ - ﺑﯩﺮﯨﻨﻰ ﻗﻪﺩﯨﺮﻟﻪﺵ، ﺋﯚﺯ ﻣﯩﻠﻠﯩﻲ ﯞﻩ ﺩﯨﻨﻰ ﻛﯩﻤﻠﯩﻜﻠﯩﺮﯨﻨﻰ ﻛﯜﭼﻪﻳﺘﯩﺶ ﻛﻪﻳﭙﯩﻴﺎﺗﻠﯩﺮﻯ ﺋﻪﯞﺝ ﺋﯧﻠﯩﺸﻘﺎ ﺑﺎﺷﻠﯩﻐﺎﻥ. ﺋﺎﻣﯧﺮﯨﻜﺎ - ﺗﯜﺭﻙ ﺩﻭﺳﺘﻠﯘﻕ ﺟﻪﻣﺌﯩﻴﯩﺘﻰ ﺭﺍﻣﯩﺰﺍﻥ ﻣﻪﺯﮔﯩﻠﯩﺪﻩ ﺋﯘﻳﻐﯘﺭﻻﺭﻏﺎ ﺋﯩﭙﺘﺎﺭ ﺑﯧﺮﯨﭗ، ﻫﺎﻝ ﺳﻮﺭﯨﻐﺎﻥ ﺋﯩﺪﻯ.