ﻫﯚﻛﯜﻡ ﺋﯧﻼﻥ ﻗﯩﻠﯩﻨﯩﭗ ﺋﯘﺯﯗﻥ ﺋﯚﺗﻤﻪﻱ، ﺋﺎﻗﺴﺎﺭﺍﻱ ﺑﺎﻳﺎﻧﺎﺗﭽﯩﺴﻰ Dana Perino ﺑﺎﻳﺎﻧﺎﺕ ﺋﯧﻼﻥ ﻗﯩﻠﯩﭗ، ﯞﺍﺷﯩﻨﮕﯩﺘﻮﻥ ﺭﺍﻳﻮﻧﻠﯘﻕ ﺳﻮﺕ ﻣﻪﻫﻜﯩﻤﯩﺴﯩﻨﯩﯔ ﻗﺎﺭﺍﺭﯨﻐﺎ ﻧﺎﺭﺍﺯﯨﻠﯩﻖ ﺑﯩﻠﺪﯛﺭﺩﻯ. ﺑﺎﻳﺎﻧﺎﺗﺘﺎ، ﻫﯚﻛﯜﻣﻨﯩﯔ ﺋﺎﻣﯧﺮﯨﻜﯩﻨﯩﯔ ﻛﯚﭼﻤﻪﻧﻠﯩﻚ ﻗﺎﻧﯘﻧﯩﻐﺎ ﺧﯩﻼﭖ ﺋﯩﻜﻪﻧﻠﯩﻜﻰ، ﻫﯚﻛﯜﻣﻪﺗﻨﯩﯔ ﻫﯚﻛﯜﻣﮕﻪ ﻗﺎﺭﺷﻰ ﺋﺎﻟﯩﻲ ﺳﻮﺗﻘﺎ ﺋﻪﺭﺯ ﺳﯘﻧﯩﺪﯨﻐﺎﻧﻠﯩﻘﻰ ﺑﯩﻠﺪﯛﺭﯛﻟﺪﻯ.

ﺑﺎﻳﺎﻧﺎﺗﺘﺎ ﻳﻪﻧﻪ ﻣﯘﻧﺪﺍﻕ ﺩﯦﻴﯩﻠﺪﻯ: "ﺑﯩﺰ ﺳﻮﺗﻨﯩﯔ ﻫﯚﻛﯜﻣﻰ ﺳﻪﯞﻩﺑﻠﯩﻚ ﺋﻪﻧﺪﯨﺸﻪ ﺋﯩﭽﯩﺪﯨﻤﯩﺰ ﯞﻩ ﻫﯚﻛﯜﻣﮕﻪ ﻗﺎﺭﯨﺘﺎ ﻧﺎﺭﺍﺯﻯ ﺋﯩﻜﻪﻧﻠﯩﻜﯩﻤﯩﺰﻧﻰ ﺑﯩﻠﺪﯛﺭﯨﻤﯩﺰ"، " ﺋﻪﮔﻪﺭ ﺑﯘ ﻫﯚﻛﯜﻡ ﺋﯩﺠﺮﺍ ﻗﯩﻠﯩﻨﺴﺎ، ﻧﯚﯞﻩﺗﺘﻪ ﮔﯘﺋﺎﻧﺘﺎﻧﺎﻣﻮﺩﺍ ﺗﯘﺗﯘﭖ ﺗﯘﺭﯗﻟﯘﯞﺍﺗﻘﺎﻥ ﯞﻩ ﺋﺎﻣﯧﺮﯨﻜﯩﻐﺎ ﻗﺎﺭﺷﻰ ﻗﻪﺳﻪﻡ ﺋﯩﭽﻜﻪﻥ ﺑﯩﺮ ﺗﯜﺭﻛﯜﻡ ﺋﺎﻣﯧﺮﯨﻜﺎ ﺩﯛﺷﻤﻪﻧﻠﯩﺮﯨﻨﯩﯖﻤﯘ ﺋﺎﻣﯧﺮﯨﻜﯩﻐﺎ ﻳﻪﺭﻟﯩﺸﯩﺸﯩﮕﻪ ﻳﻮﻝ ﺋﯧﭽﯩﻠﯩﺪﯗ، ﺑﯘ ﺋﺎﻣﯧﺮﯨﻜﺎ ﺧﻪﻟﻘﯩﻨﯩﯔ ﺑﯩﺨﻪﺗﻪﺭﻟﯩﻜﯩﮕﻪ ﺗﻪﻫﺪﯨﺘﺘﯘﺭ."

ﺑﺎﻳﺎﻧﺎﺗﺘﺎ ﻳﻪﻧﻪ ﺋﺎﻣﯧﺮﯨﻜﺎ ﻫﯚﻛﯜﻣﯩﺘﯩﻨﯩﯔ، ﺋﺎﻣﯧﺮﯨﻜﺎ ﺧﻪﻟﻘﯩﻨﯩﯔ ﺑﯩﺨﻪﺗﻪﺭﻟﯩﻜﻰ ﻫﻪﻡ ﺋﯘﻳﻐﯘﺭ ﻣﻪﻫﺒﯘﺳﻼﺭﻧﯩﯖﻤﯘ ﺋﺎﻣﺎﻧﻠﯩﻘﯩﻨﻰ ﻧﻪﺯﻩﺭﺩﻩ ﺗﯘﺗﯘﭖ، ﺋﯘﻻﺭﻧﻰ ﻳﻪﺭﻟﻪﺷﺘﯜﺭﯨﺪﯨﻐﺎﻥ 3 ‏ - ﺑﯩﺮ ﺩﯙﻟﻪﺗﻨﻰ ﺋﯩﺰﺩﻩﻳﺪﯨﻐﺎﻧﻠﯩﻘﻰ ﺋﻪﺳﻜﻪﺭﺗﯩﻠﺪﻯ. ﺗﯜﻧﯜﮔﯜﻥ ﻳﻪﻧﻪ ﺋﺎﻣﯧﺮﯨﻜﺎ ﺩﯙﻟﻪﺕ ﻣﻪﺟﯩﻠﯩﺴﯩﻨﯩﯔ Dana Rohrabacher ﯞﻩ Bill Delahunt ﻗﺎﺗﺎﺭﻟﯩﻖ ﺋﺎﯞﺍﻡ ﭘﺎﻻﺗﺎ ﺋﻪﺯﺍﻟﯩﺮﻯ ﺳﻮﺗﻨﯩﯔ ﻗﺎﺭﺍﺭﯨﻨﻰ ﺋﻪﺧﻼﻗﯩﻲ ﻧﯘﻗﺘﯩﺪﯨﻦ ﺗﻮﻏﺮﺍ ﺑﯩﺮ ﻗﺎﺭﺍﺭ ﺩﻩﭖ ﺑﯩﻠﺪﯛﺭﺩﻯ.

ﺋﺎﻣﯧﺮﯨﻜﺎ ﺳﻮﺗﻰ ﺑﯩﻠﻪﻥ ﺋﺎﻣﯧﺮﯨﻜﺎ ﻫﯚﻛﯜﻣﯩﺘﻰ ﻧﯚﯞﻩﺗﺘﻪ ﺋﯘﻳﻐﯘﺭ ﺗﯘﺗﻘﯘﻧﻼﺭﻧﯩﯔ ﺋﺎﻣﯧﺮﯨﻜﺎ ﺩﯛﺷﻤﯩﻨﻰ ﺋﻪﻣﻪﺳﻠﯩﻜﯩﺪﻩ ﯞﻩ ﺋﯘﻻﺭﻧﯩﯔ ﺋﻪﺭﻛﯩﻨﻠﯩﻚ ﺟﻪﯕﭽﯩﺴﻰ ﺋﯩﻜﻪﻧﻠﯩﻜﯩﺪﻩ ﺋﻮﺧﺸﺎﺵ ﭘﯩﻜﯩﺮﺩﻩ، ﺋﻪﻣﻤﺎ، ﺋﯘﻳﻐﯘﺭ ﺗﯘﺗﻘﯘﻧﻼﺭﻧﻰ ﺋﺎﻣﯧﺮﯨﻜﯩﻐﺎ ﻳﻪﺭﻟﻪﺷﺘﯜﺭﯛﺷﻨﯩﯔ، ﺋﺎﻣﯧﺮﯨﻜﺎ ﻣﻪﻧﭙﻪﺋﻪﺗﯩﮕﻪ ﭘﺎﻳﺪﯨﻠﯩﻖ ﻳﺎﻛﻰ ﺯﯨﻴﺎﻧﻠﯩﻖ ﺋﯩﻜﻪﻧﻠﯩﻜﻰ ﯞﻩ ﺋﺎﻣﯧﺮﯨﻜﺎ ﻗﺎﻧﯘﻧﻠﯩﺮﯨﻐﺎ ﺋﯘﻳﻐﯘﻥ ﻳﺎﻛﻰ ﺋﻪﻣﻪﺳﻠﯩﻜﻰ ﺋﯩﺨﺘﯩﻼﭖ ﺋﯩﭽﯩﺪﯨﺪﯗﺭ.

ﺋﯘﻳﻐﯘﺭ ﻣﻪﻫﺒﯘﺳﻼﺭﻧﯩﯔ ﺋﺎﺩﯞﻭﻛﺎﺗﻠﯩﺮﻯ ﮔﯘﺋﺎﻧﺘﺎﻧﺎﻣﻮﺩﯨﻜﻰ ﺋﯘﻳﻐﯘﺭ ﻣﻪﻫﺒﯘﺳﻼﺭﻧﯩﯔ ﺋﯘ ﻳﻪﺭﺩﯨﻜﻰ ﺑﺎﺷﻘﺎ ﻣﻪﻫﺒﯘﺳﻼﺭﺩﯨﻦ ﺋﺎﻻﻫﯩﺪﻩ ﭘﻪﺭﻗﻠﯩﻖ ﺋﻪﻫﯟﺍﻟﺪﺍ ﺋﯩﻜﻪﻧﻠﯩﻜﯩﻨﻰ، ﺷﯘﯕﺎ ﺋﯘﻻﺭﻏﺎ ﺋﺎﻻﻫﯩﺪﻩ ﭘﻪﺭﻗﻠﯩﻖ ﻣﯘﺋﺎﻣﯩﻠﻪ ﻗﯩﻠﯩﻨﯩﺸﻰ ﻛﯧﺮﻩﻛﻠﯩﻜﯩﻨﻰ ﺗﻪﻛﯩﺘﻠﻪﭖ ﻛﻪﻟﻤﻪﻛﺘﻪ.