ﺑﯘﻧﯩﯔ ﺑﯩﻠﻪﻥ، ﺑﯧﻴﺠﯩﯔ ﺋﺎﻫﺎﻟﯩﻠﯩﺮﯨﻨﯩﯔ ﺩﯨﻘﻘﯩﺘﻰ ﺑﯩﺮﺩﯨﻨﻼ ﺗﻴﻪﻧﺌﻪﻧﻤﯧﻦ ﺋﻪﺗﺮﺍﭘﯩﺪﯨﻦ، ﺷﯩﻨﺠﯧﻜﯘ ﻛﻮﭼﯩﺴﯩﺪﯨﻜﻰ ﺋﯘﻳﻐﯘﺭ ﺋﺎﺷﺨﺎﻧﯩﺴﯩﻐﺎ ﺑﻮﺭﺍﻟﺪﻯ. ﺧﯩﺘﺎﻳﻨﯩﯔ ﺳﺎﻗﭽﻰ ﺩﺍﺋﯩﺮﯨﻠﯩﺮﻯ، ﺑﯘ ﯞﻩﻗﻪﺩﻩ 5 ﺋﺎﺩﻩﻡ ﻳﺎﺭﯨﻼﻧﺪﻯ، ﺩﻩﭖ ﺑﺎﻳﺎﻥ ﻗﯩﻠﺪﻯ.

ﺧﻮﯕﻜﻮﯕﺪﺍ ﭼﯩﻘﯩﺪﯨﻐﺎﻥ 'ﻣﯩﯖﭙﺎﯞ ﮔﯧﺰﯨﺘﻰ'ﻧﯩﯔ ﺑﺎﻳﺎﻥ ﻗﯩﻠﯩﺸﯩﭽﻪ، ﺷﯩﻨﺠﯧﻜﯘ ﻛﯘﭼﯩﺴﯩﺪﯨﻜﻰ ﺋﯘﻳﻐﯘﺭ ﺋﺎﺷﺨﺎﻧﯩﺴﯩﺪﺍ ﮔﺎﺯ ﭘﺎﺭﺗﻼﺵ ﯞﻩﻗﻪﺳﻰ ﻳﯜﺯ ﺑﻪﺭﮔﻪﻧﺪﯨﻦ ﻛﯧﻴﯩﻦ، ﺑﯘ ﮔﯧﺰﯨﺘﻨﯩﯔ ﻣﯘﺧﺒﯩﺮﻯ، ﻳﺎﺭﯨﻼﻧﻐﺎﻥ ﻛﯩﺸﯩﻠﻪﺭﻧﯩﯔ ﺑﯧﻴﺠﯩﯔ ﺟﯩﺸﯘﻳﺘﻪﻥ ﺩﻭﺧﺘﯘﺭﺧﺎﻧﯩﺴﯩﻐﺎ ﺋﯧﻠﯩﭗ ﻛﯧﻠﯩﻨﮕﻪﻧﻠﯩﻜﯩﻨﻰ ﻛﯚﺭﮔﻪﻥ. ﺩﻭﺧﺘﯘﺭﺧﺎﻧﺎ ﺧﺎﺩﯨﻤﻰ 'ﺋﯜﺳﺘﻰ - ﺑﯧﺸﻰ ﻗﺎﻧﻐﺎ ﻣﯩﻠﻪﻧﮕﻪﻥ 18 ﻧﻪﭘﻪﺭ ﻳﺎﺭﯨﺪﺍﺭ ﻛﻪﻟﺪﻯ، ﺑﯘﻧﯩﯔ ﺋﯩﭽﯩﺪﻩ ﺋﯩﻜﻜﻰ ﻧﻪﭘﻪﺭ ﻛﯩﭽﯩﻚ ﺑﺎﻻ ﺑﺎﺭ، ﺑﯩﺮ ﻳﺎﺷﺎﻧﻐﺎﻥ ﺋﺎﺩﻩﻡ ﺩﻭﺧﺘﯘﺭﺧﺎﻧﯩﻐﺎ ﺋﯧﻠﯩﭗ ﻛﯧﻠﯩﻨﮕﻪﻧﺪﯨﻦ ﻛﯧﻴﯩﻦ ﻫﯘﺷﺴﯩﺰﻻﻧﺪﻯ، ﺑﯘ ﺩﻭﺧﺘﻮﺭﺧﺎﻧﯩﺪﺍ ﺋﺎﻳﺎﻟﯩﻨﻰ ﺩﺍﯞﺍﻟﯩﺘﯩﯟﺍﺗﻘﺎﻥ ﺑﯩﺮ ﻛﯩﺸﯩﻤﯘ ﺋﯘﻳﻐﯘﺭ ﺋﺎﺷﺨﺎﻧﯩﺴﯩﺪﺍ ﻳﺎﺭﯨﻼﻧﻐﺎﻧﺪﯨﻦ ﻛﯧﻴﯩﻦ، ﻫﺎﺯﯨﺮ ﺑﯘ ﺩﻭﺧﺘﯘﺭﺧﺎﻧﯩﻨﯩﯔ ﺑﯩﻤﺎﺭﻯ ﺑﻮﻟﯘﭖ ﻗﺎﻟﺪﻯ ' ﺩﯦﮕﻪﻥ.

ﺷﯘﻧﯩﯖﺪﯨﻦ ﻛﯧﻴﯩﻨﻼ، ﺑﯘ ﺩﻭﺧﺘﯘﺭﺧﺎﻧﯩﻨﯩﯔ 7 ‏ - ﻧﻮﻣﯘﺭﻟﯘﻕ ﺑﯩﻨﺎﺳﯩﺪﯨﻜﻰ 2119 ﻧﻮﻣﯘﺭﻟﯘﻕ ﻛﯧﺴﻪﻟﺨﺎﻧﯩﻨﻰ ﺳﺎﻗﭽﯩﻼﺭ ﻗﻮﺭﺷﯩﯟﺍﻟﻐﺎﻥ. ﺳﺎﻗﭽﯩﻼﺭ ﻫﺎﺯﯨﺮ ﺑﯘ ﺟﺎﻳﻐﺎ ﻣﯘﺧﺒﯩﺮﻻﺭﻧﯩﯔ ﻛﯧﻠﯩﺸﯩﻨﻰ ﭼﻪﻛﻠﻪﭖ ﻗﺎﻟﻤﺎﻱ، ﺑﻪﻟﻜﻰ ﺑﯘ ﻛﯧﺴﻪﻟﺨﺎﻧﯩﻐﺎ ﻛﻪﻟﮕﻪﻥ ﻫﻪﺭ ﻗﺎﻧﺪﺍﻕ ﺋﺎﺩﻩﻣﻨﻰ ﺗﻮﺳﺎﭖ ﺗﻪﻛﺸﯜﺭﯛﯞﺍﺗﯩﺪﯗ.