ﺷﯩﻨﺨﯘﺍ ﺗﻮﺭﯨﻨﯩﯔ ﺧﻪﯞﯨﺮﯨﺪﯨﻦ ﺋﺎﺷﻜﺎﺭﯨﻠﯩﻨﯩﺸﯩﭽﻪ، ﺋﯜﺭﯛﻣﭽﯩﺪﯨﻜﻰ ﻣﻪﻟﯘﻡ ﺋﻮﺗﺘﯘﺭﺍ ﻣﻪﻛﺘﻪﭘﻨﯩﯔ ﺑﯩﺮ ﺋﻮﻗﯘﻏﯘﭼﯩﺴﯩﻨﯩﯔ ﭼﻮﺷﻘﺎ ﺯﯗﻛﺎﻡ ﯞﯨﺮﯗﺳﻰ ﻳﯘﻗﺘﯘﺭﯗﯞﺍﻟﻐﺎﻧﻠﯩﻘﻰ ﻣﻪﻟﯘﻡ ﺑﻮﻟﻐﺎﻥ. ﺋﯜﺭﯛﻣﭽﻰ ﺳﻪﻫﯩﻴﻪ ﺩﺍﺋﯩﺮﯨﻠﯩﺮﯨﻨﯩﯔ ﺗﺎﺭﻗﯩﺘﯩﺸﯩﭽﻪ، 6 - ﺳﯧﻨﺘﻪﺑﯩﺮﮔﯩﭽﻪ ﺋﯜﺭﯛﻣﭽﯩﺪﻩ ﭼﻮﺷﻘﺎ ﺯﯗﻛﺎﻡ ﺑﯩﻠﻪﻥ ﻳﯘﻗﯘﻣﻼﻧﻐﺎﻥ ﺩﻩﭖ ﺩﯨﺌﺎﮔﻨﻮﺯ ﻗﻮﻳﯘﻟﻐﺎﻧﻼﺭ 43 ﻛﻪ ﻳﻪﺗﻜﻪﻥ، ﺑﯘﻻﺭﻧﯩﯔ ﻛﯚﭘﯩﻨﭽﯩﺴﻰ ﺋﻮﻗﯘﻏﯘﭼﯩﻼﺭ ﺋﯩﻜﻪﻥ.

ﻫﺎﺯﯨﺮﻏﯩﭽﻪ ﺧﯩﺘﺎﻱ ﻫﯚﻛﯜﻣﯩﺘﻰ ﻣﻪﻛﺘﻪﭘﻠﻪﺭﻧﯩﯔ ﻗﺎﭼﺎﻥ ﻗﺎﻳﺘﺎ ﺩﻩﺭﺱ ﺑﺎﺷﻼﻳﺪﯨﻐﺎﻧﻠﯩﻘﯩﻨﻰ ﺋﻮﻗﺘﯘﺭﻣﯩﺪﻯ.

ﺋﺎﻣﯧﺮﯨﻜﺎ ﺋﺎﯞﺍﺯﻯ ﺭﺍﺩﯨﺌﻮﺳﯩﻨﯩﯔ ﺋﯜﺭﯛﻣﭽﻰ ﺋﺎﻫﺎﻟﯩﻠﯩﺮﯨﻨﻰ ﺯﯨﻴﺎﺭﻩﺕ ﻗﯩﻠﯩﭗ ﺗﺎﺭﻗﺎﺗﻘﺎﻥ ﺧﻪﯞﯨﺮﯨﮕﻪ ﻗﺎﺭﯨﻐﺎﻧﺪﺍ،ﺋﯜﺭﯛﻣﭽﯩﺪﻩ ﺧﯩﺘﺎﻱ ﺩﺍﺋﯩﺮﯨﻠﯩﺮﻯ ﺩﯛﺷﻪﻧﺒﻪ ﻛﯜﻧﻰ ﺑﺎﺭﻟﯩﻖ ﻳﻮﻝ ﺋﯧﻐﯩﺰ ﻟﯩﺮﯨﻨﻰ ﺗﻮﺳﯘﭖ ﺟﯩﺪﺩﯨﻲ ﻫﺎﻟﻪﺕ ﻳﯜﺭﮔﯜﺯﯛﺵ ﺑﯩﻠﻪﻥ ﺗﻪﯓ، ﺋﯩﭽﻜﻰ ﺟﻪﻫﻪﺗﺘﯩﻦ ﺋﺎﻣﻤﯩﻐﺎ ﻫﻪﺭ ﺋﯧﻬﺘﯩﻤﺎﻟﻐﺎ ﻗﺎﺭﺷﻰ ﺋﺎﺯ ﺑﻮﻟﻐﺎﻧﺪﺍ ﺋﯜﭺ ﻛﯜﻧﻠﯜﻙ ﺋﻮﺯﯗﻗﻠﯘﻕ ﻫﻪﻡ ﺳﯘ ﺗﻪﻳﻴﺎﺭﻻﭖ ﻗﻮﻳﯘﺷﻨﻰ ﺋﯘﻗﺘﯘﺭﻏﺎﻥ. ﺋﯜﺭﯛﻣﭽﯩﺪﻩ ﺑﺎﺭﻟﯩﻖ ﺩﯗﻛﺎﻧﻼﺭ ﺗﺎﻗﺎﻟﻐﺎﻥ.

ﺋﯘﻟﯘﻕ ﺋﯧﺮﺍ ﮔﯧﺰﯨﺘﯩﻨﯩﯔ ﺑﯜﮔﯜﻧﻜﻰ ﺧﻪﯞﯨﺮﯨﺪﻩ ﻛﯚﺭﺳﯩﺘﯩﺸﯩﭽﻪ، ﭼﻮﺷﻘﺎ ﺯﯗﻛﺎﻣﻰ ﻧﯚﯞﻩﺗﺘﻪ ﺋﯘﻳﻐﯘﺭ ﺋﯧﻠﯩﻨﻰ ﺋﯚﺯ ﺋﯩﭽﯩﮕﻪ ﺋﺎﻟﻐﺎﻥ ﺋﻮﻥ ﺋﯚﻟﻜﯩﺪﻩ ﺋﻮﺗﺘﯘﺭﺍ ‏ - ﺑﺎﺷﻼﻧﻐﯘﭺ ﻣﻪﻛﺘﻪﭖ ﺋﻮﻗﯘﻏﯘﭼﯩﻠﯩﺮﻯ ﺋﺎﺭﯨﺴﯩﺪﺍ ﺟﯩﺪﺩﯨﻲ ﺗﺎﺭﯨﻠﯩﯟﺍﺗﻘﺎﻥ ﺑﻮﻟﯘﭖ، ﺋﯘﻳﻐﯘﺭ ﺋﯧﻠﯩﺪﯨﻼ ﺋﻪﻣﻪﺱ، ﺑﺎﺷﻘﺎ ﺋﯚﻟﻜﯩﻠﻪﺭﺩﯨﻤﯘ ﻣﻪﻛﺘﻪﭘﻠﻪﺭ ﭼﻮﺷﻘﺎ ﺯﯗﻛﺎﻡ ﺳﻪﯞﻩﺑﻠﯩﻚ ﺩﻩﺭﺱ ﺗﻮﺧﺘﯩﺘﯩﺸﻘﺎ ﻣﻪﺟﺒﯘﺭ ﺑﻮﻟﻐﺎﻥ.

ﺏ ﺏ ﺱ ﺩﺍ ﻛﯚﺭﺳﯩﺘﯩﻠﯩﺸﯩﭽﻪ، ﺧﯩﺘﺎﻳﺪﺍ ﭼﻮﺷﻘﺎ ﺯﯗﻛﺎﻡ ﯞﯨﺮﻭﺳﻰ31 ﺋﯚﻟﻜﯩﻨﯩﯔ ﻫﻪﻣﻤﯩﺴﯩﮕﻪ ﺗﺎﺭﺍﻟﻐﺎﻥ. ﻫﻪﺗﺘﺎ ﺋﯘﻳﻐﯘﺭ، ﺗﯩﺒﻪﺕ ﺋﺎﭘﺘﻮﻧﻮﻡ ﺭﺍﻳﻮﻧﻠﯩﺮﯨﺪﯨﻤﯘ ﻛﯚﺭﯛﻟﮕﻪﻥ. ﻳﯘﻗﯘﻣﻼﻧﻐﺎﻧﻼﺭ ﺳﺎﻧﻰ 5592 ﮔﻪ ﻳﻪﺗﻜﻪﻥ.

ﻫﺎﻟﺒﯘﻛﻰ ﺑﻪﺯﻯ ﺋﯘﻳﻐﯘﺭﻻﺭ ﺋﯜﺭﯛﻣﭽﯩﺪﯨﻜﻰ ﻣﻪﻛﺘﻪﭘﻠﻪﺭﻧﯩﯔ ﺗﺎﻗﯩﻠﯩﺸﯩﻨﻰ، "1 - ﺳﯧﻨﺘﻪﺑﯩﺮ ﻣﻪﻟﯘﻡ ﺋﯘﻳﻐﯘﺭ ﻣﻪﻛﺘﯩﭙﯩﺪﯨﻜﻰ ﺑﺎﻟﯩﻼﺭﻧﯩﯔ ﯞﺍﻛﺴﯩﻨﯩﺪﯨﻦ ﻛﻮﻟﻠﯧﻜﺘﯩﭗ ﺯﻩﻫﻪﺭﻟﯩﻨﯩﺶ ﯞﻩﻗﻪﺳﻰ ﺑﯩﻠﻪﻥ ﻣﯘﻧﺎﺳﯩﯟﻩﺗﻠﯩﻚ" ﺩﻩﭖ ﮔﯘﻣﺎﻧﻼﻧﻤﺎﻗﺘﺎ.