ﻣﻪﻟﯘﻡ ﺑﻮﻟﯘﺷﯩﭽﻪ، 5 - ﻧﻮﻳﺎﺑﯩﺮ ﺋﯜﺭﯛﻣﭽﯩﺪﻩ 3 - ﻧﯚﯞﻩﺗﻠﯩﻚ ﺋﯘﻳﻐﯘﺭ ﺋﯧﻠﯩﺪﯨﻜﻰ ﺳﻪﻫﯩﻴﻪ ﺗﺎﺭﻣﺎﻗﻠﯩﺮﻯ ﻳﯩﻐﯩﻨﻰ ﭼﺎﻗﯩﺮﯨﻠﻐﺎﻥ. ﻳﯩﻐﯩﻨﺪﺍ، ﭼﻮﺷﻘﺎ ﺯﯗﻛﯩﻤﯩﻨﯩﯔ ﻧﯚﯞﻩﺗﺘﻪ ﺋﯘﻳﻐﯘﺭ ﺋﯧﻠﯩﺪﯨﻜﻰ 14 ﺭﺍﻳﻮﻧﻐﺎ ﺗﺎﺭﻗﺎﻟﻐﺎﻧﻠﯩﻘﻰ ﺋﺎﺷﻜﺎﺭﯨﻼﻧﻐﺎﻥ.

ﺧﻪﯞﻩﺭﺩﻩ ﺋﻮﺗﺘﯘﺭﯨﻐﺎ ﻗﻮﻳﯘﻟﯘﺷﯩﭽﻪ، ﻣﻪﺯﻛﯘﺭ ﺯﯗﻛﺎﻡ ﺑﯩﻠﻪﻥ ﻳﯘﻗﯘﻣﻼﻧﻐﯘﭼﯩﻼﺭ ﺋﯘﻳﻐﯘﺭ ﺋﯧﻠﯩﻨﯩﯔ ﺟﻪﻧﯘﺏ - ﺷﯩﻤﺎﻟﯩﺪﯨﻜﻰ ﻣﻪﻛﺘﻪﭘﻠﻪﺭﺩﻩ ﺋﻮﺧﺸﺎﺵ ﻛﯚﺭﯛﻟﮕﻪﻥ. ﻳﯘﻗﯘﻣﺪﺍﺭﻻﺭ 10 ﻳﺎﺷﺘﯩﻦ 20 ﻳﺎﺷﻘﯩﭽﻪ ﺑﻮﻟﻐﺎﻧﻼﺭ ﺋﺎﺭﯨﺴﯩﺪﺍ ﺑﯩﺮ ﻗﻪﺩﻩﺭ ﻛﯚﺭﯛﻧﻪﺭﻟﯩﻚ ﺑﻮﻟﯘﭖ، ﺑﯘ ﻳﺎﺷﺘﯩﻜﯩﻠﻪﺭﻧﯩﯔ ﻳﯘﻗﯘﻣﻠﯩﻨﯩﺶ ﻧﯩﺴﺒﯩﺘﻰ 75 ﭘﯩﺮﺳﻪﻧﺘﻨﻰ ﺋﯩﮕﯩﻠﻪﻳﺪﯨﻜﻪﻥ.

ﺋﯚﺗﻜﻪﻥ ﻫﻪﭘﺘﻪ ﺋﯜﺭﯛﻣﭽﻰ ﺷﻪﻫﻪﺭﻟﯩﻚ ﺳﻪﻫﯩﻴﻪ ﺋﯩﺪﺍﺭﯨﺴﻰ ﺋﯘﻗﺘﯘﺭﯗﺵ ﭼﯩﻘﯩﺮﯨﭗ، ﺋﻪﮔﻪﺭ ﻣﻪﻛﺘﻪﭘﻠﻪﺭﺩﻩ ﻳﯘﻗﯘﻣﺪﺍﺭﻻﺭ ﺳﺎﻧﻰ ﺋﺎﮔﺎﻫﻼﻧﺪﯗﺭﯗﺵ ﺩﻩﺭﯨﺠﯩﺴﯩﺪﯨﻦ ﺋﺎﺷﻘﺎﻥ ﺷﺎﺭﺍﺋﯩﺘﺘﺎ ﺩﻩﺭﺱ ﺗﻮﺧﺘﯩﺘﯩﺸﻨﻰ ﺑﻪﻟﮕﯩﻠﯩﮕﻪﻥ.

ﻧﯚﯞﻩﺗﺘﻪ ﻣﻪﺯﻛﯘﺭ ﯞﯨﺮﯗﺱ ﺑﯩﻠﻪﻥ ﻳﯘﻗﯘﻣﻼﻧﻐﺎﻧﻼﺭﻧﯩﯔ ﻣﯩﻠﻠﻪﺕ ﺗﻪﺭﻛﯩﺒﻰ ﺋﯧﻨﯩﻖ ﺋﻪﻣﻪﺱ. ﺧﯩﺘﺎﻱ ﺩﺍﺋﯩﺮﯨﻠﯩﺮﻯ ﺋﯧﻼﻥ ﻗﯩﻠﻐﺎﻥ ﺧﻪﯞﻩﺭﻟﻪﺭﮔﻪ ﻗﺎﺭﯨﻐﺎﻧﺪﺍ، ﺧﯩﺘﺎﻱ ﺳﻪﻫﯩﻴﻪ ﺩﺍﺋﯩﺮﯨﻠﯩﺮﻯ ﺋﯘﻳﻐﯘﺭ ﺋﯧﻠﯩﻨﯩﯔ ﻫﻪﺭﻗﺎﻳﺴﻰ ﺟﺎﻳﻠﯩﺮﯨﺪﺍ ﯞﺍﻛﺴﯩﻨﺎ ﺋﻪﻣﻠﻪﺵ ﺧﯩﺰﻣﯩﺘﯩﻨﻰ ﻛﯜﭼﻪﻳﺘﻜﻪﻥ. ﻫﺎﻟﺒﯘﻛﻰ ﯞﺍﻛﺴﯩﻨﺎ ﺋﻪﻣﻠﻪﺵ ﺧﯩﺰﻣﯩﺘﯩﻨﯩﯔ ﺟﻪﻧﯘﺑﻰ ﺋﯘﻳﻐﯘﺭ ﺋﯧﻠﯩﺪﯨﻜﻰ ﺗﻪﺭﻩﻗﻘﯩﻴﺎﺕ ﺋﻪﻫﯟﺍﻟﻰ ﻫﺎﺯﯨﺮﭼﻪ ﻣﻪﻟﯘﻡ ﺋﻪﻣﻪﺱ.