Bu bimar 7 - Ayning 1 - Küni etigen saet 7 : 30 etrapida doxturxanining taziliq öyide ölük halda bayqalghan. Alaqidar kishiler ölgüchining doxturxanigha élip kélingen bir heptidin béri késellik ehwalining yaxshi ikenlikini, gerche azraq yötilish ehwali bolsimu, beden témpraturisining izchil normal bolup kelgenlikini ilgiri sürüshmekte.

Hazir xitay jamaet xewpsizlik orgini we sehiye tarmaqliri bimarning ölüsh sewebi üstide tekshürüsh élip bériwatqan bolup, sehiye tarmaqliri bu kishining ölümige choshqa zukimi wirusining seweb bolmighanliqini ilgiri sürmekte.

B b s din melum bolushiche, béyjingning chawyang rayonidiki bir bashlanghuch mektepning oqughuchilirida kolliktip halda wirus bilen yuqumlinish ehwali körülgen. Bu mektepte 16 balida qizish alametliri körülgen bolup, hazirghiche bularning ichidin 7 nepirining mezkur wirus bilen yuqumlanghanliqi éniq boldi. Qalghanliri dawamliq tekshürülmekte. Bu qétimqi weqe xitayda tunji qétim kolliktip yuqumlinish weqesining yüz bérishi bolup, seyshenbe küni mektep taqilip, yuqumlanghan balilar we ular bilen uchrashqanlar karantingha élinghan.

Xitayda H1N1 wirusi bilen yuqumlanghanghuchilarning sani hazirghiche 867 neper, xongkongda 785 neper dep élan qilindi. Bügüngiche dunyada bu wirus bilen yuqumlanghuchilarning sani 70 minggha yetken bolup, buning ichide ölgenlerning sani 311 neper.

Pikir - Qarashliringizni otturigha qoyung

Pikir - Bayanliringiz tor bashqurghuchisi teripidin testiqlinishi kérek bolup, tor bette shu zaman élan qilinmaydu. Bir az waqittin kéyin, pikir - Bayanliringizning testiqlanghan yaki testiqlanmighanliqini qayta tekshürüp körüshigizni soraymiz. Pikir - Qarashliringizni töwendiki jedwel arqiliq, uyghur kona yéziqi boyiche yolliyalaysiz.

Isim (ixtiyar)

Sheher (ixtiyar)

Pikir - Qarashliringiz