ﺩﯨﻴﺎﺭﯨﻢ ﺗﻮﺭ ﺑﯧﺘﻰ ﺩﯨﻠﻤﯘﺭﺍﺕ ﭘﻪﺭﻫﺎﺕ ﯞﻩ ﺩﯨﻠﺸﺎﺕ ﭘﻪﺭﻫﺎﺗﺘﯩﻦ ﺋﯩﺒﺎﺭﻩﺕ ﺋﺎﻛﺎ - ﺋﯘﻛﯩﻼﺭ ﺗﻪﺭﯨﭙﯩﺪﯨﻦ ﻗﯘﺭﯗﻟﻐﺎﻥ ﺑﻮﻟﯘﭖ، ﻧﯚﯞﻩﺗﺘﻪ ﺑﯘﻻﺭﺩﯨﻦ ﺩﯨﻠﺸﺎﺕ ﭘﻪﺭﻫﺎﺕ ﺋﯩﺰ - ﺩﯦﺮﻩﻛﺴﯩﺰ ﻏﺎﻳﯩﭗ؛ ﺋﺎﻛﯩﺴﻰ ﺩﯨﻠﻤﯘﺭﺍﺗﻨﯩﯔ ﺑﯩﻠﺪﯛﺭﯛﺷﯩﭽﻪ، ﺩﯨﻠﺸﺎﺕ ﭘﻪﺭﻫﺎﺕ 24 - ﺋﯩﻴﯘﻝ ﻛﯜﻧﻰ ﺗﯘﺗﻘﯘﻥ ﻗﯩﻠﯩﻨﯩﭗ ﺑﯩﺮ ﻫﻪﭘﺘﻪ ﺳﻮﺭﺍﻕ ﻗﯩﻠﯩﻨﻐﺎﻥ ﯞﻩ ﮔﯘﻧﺎﻫﺴﯩﺰ ﺩﻩﭖ ﻗﺎﺭﯨﻠﯩﭗ ﻗﻮﻳﯘﯞﯦﺘﯩﻠﮕﻪﻥ؛ ﺋﺎﺭﻗﯩﺪﯨﻦ ﺑﯩﺮ ﻗﺎﻧﭽﻪ ﻛﯜﻥ ﺋﯚﺗﻜﻪﻧﺪﻩ ﻳﻪﻧﻰ 7 - ﺋﺎﯞﻏﯘﺳﺖ ﻛﯜﻧﻰ ﺩﯨﻠﺸﺎﺕ ﭘﻪﺭﻫﺎﺕ ﺋﯩﻜﻜﯩﻨﭽﻰ ﻗﯧﺘﯩﻢ ﺗﯘﺗﻘﯘﻥ ﻗﯩﻠﯩﻨﻐﺎﻥ ﯞﻩ ﻫﺎﺯﯨﺮﻏﺎ ﻗﻪﺩﻩﺭ ﺋﯘﻧﯩﯖﺪﯨﻦ ﻫﯧﭽﻘﺎﻧﺪﺍﻕ ﺋﯘﭼﯘﺭ ﺋﯧﻠﯩﺶ ﻣﯘﻣﻜﯩﻦ ﺑﻮﻟﻤﯩﻐﺎﻥ. ﭼﻪﺗﺌﻪﻟﻠﻪﺭﺩﯨﻜﻰ ﺋﺎﺧﺒﺎﺭﺍﺕ ﺋﻮﺭﮔﺎﻧﻠﯩﺮﻯ ﯞﻩ ﻛﯩﺸﯩﻠﯩﻚ ﻫﻮﻗﯘﻕ ﺗﻪﺷﻜﯩﻼﺗﻠﯩﺮﻯ ﺑﯘ ﻫﻪﻗﺘﻪ ﺳﯜﺭﯛﺷﺘﯜﺭﯛﺷﻜﻪ ﺑﺎﺷﻠﯩﺪﻯ.

ﺋﯩﻨﯩﺴﯩﻨﯩﯔ ﺗﻪﻗﺪﯨﺮﯨﺪﯨﻦ ﺟﯩﺪﺩﯨﻲ ﺋﻪﻧﺪﯨﺸﻪ ﻗﯩﻠﯩﯟﺍﺗﻘﺎﻥ ﺩﯨﻠﻤﯘﺭﺍﺕ ﭘﻪﺭﻫﺎﺕ ﻧﯚﯞﻩﺗﺘﻪ ﺧﻪﻟﻘﺌﺎﺭﺍﺩﯨﻜﻰ ﺋﺎﻻﻗﯩﺪﺍﺭ ﺗﻪﺷﻜﯩﻼﺗﻼﺭﻏﺎ ﻣﯘﺭﺍﺟﻪﺕ ﺳﯘﻧﯘﭖ، ﺋﯩﻨﯩﺴﻰ ﺩﯨﻠﺸﺎﺕ ﭘﻪﺭﻫﺎﺗﻨﯩﯔ ﻧﯚﯞﻩﺗﺘﯩﻜﻰ ﺋﻪﻫﯟﺍﻟﯩﺪﯨﻦ ﻣﻪﻟﯘﻣﺎﺕ ﺋﯧﻠﯩﺶ ﯞﻩ ﺋﯘﻧﯩﯔ ﻗﻮﻳﯘﯞﯦﺘﯩﻠﯩﺸﻰ ﺋﯜﭼﯜﻥ ﻳﺎﺭﺩﻩﻡ ﺳﻮﺭﯨﺪﻯ.

ﻧﯚﯞﻩﺗﺘﻪ ﺋﻪﻧﮕﻠﯩﻴﯩﺪﯨﻜﻰ ﻣﺎﻧﭽﯧﺴﺘﯧﺮ ﺷﻪﻫﻪﺭ ﺋﯘﻧﯩﯟﯦﺮﺳﯩﺘﯧﺘﯩﺪﺍ ﺋﻮﻗﯘﯞﺍﺗﻘﺎﻥ ﺩﯨﻠﻤﯘﺭﺍﺕ ﭘﻪﺭﻫﺎﺕ، ﺋﯩﻨﯩﺴﯩﻨﯩﯔ ﻫﺎﺯﯨﺮﻏﺎ ﻗﻪﺩﻩﺭ ﺧﯩﺘﺎﻱ ﻫﯚﻛﯜﻣﯩﺘﯩﮕﻪ ﻗﺎﺭﺷﻰ ﭘﺎﺋﺎﻟﯩﻴﻪﺗﻠﻪﺭﮔﻪ ﻗﺎﺗﻨﯩﺸﯩﺶ ﯞﻩ ﻗﻮﻟﻼﺷﺘﯩﻦ ﺋﯚﺯﯨﻨﻰ ﺋﯘﺯﺍﻕ ﺗﯘﺗﯘﭖ ﻛﻪﻟﮕﻪﻧﻠﯩﻜﯩﻨﻰ؛ ﺷﯘﻧﺪﺍﻗﺘﯩﻤﯘ، ﺯﯨﻴﺎﻧﻜﻪﺷﻠﯩﻜﻜﻪ ﺋﯘﭼﺮﺍﺷﺘﯩﻦ ﺧﺎﻟﯩﻲ ﺑﻮﻻﻟﻤﯩﻐﺎﻧﻠﯩﻘﯩﻨﻰ ﺋﻪﺳﻜﻪﺭﺗﺘﻰ.
 
ﻏﻪﻳﺮﯨﻲ ﺭﻩﺳﻤﯩﻲ ﻣﻪﻟﯘﻣﺎﺗﻼﺭﺩﯨﻦ ﻗﺎﺭﯨﻐﺎﻧﺪﺍ، ﻧﯚﯞﻩﺗﺘﻪ ﺋﯜﺭﯛﻣﭽﯩﺪﻩ ﺑﻪﺯﻯ ﺋﯘﻳﻐﯘﺭﻻﺭ ﻛﯧﭽﯩﻠﯩﺮﻯ ﺋﯚﺯﻟﯩﺮﯨﻨﻰ ﺳﺎﻗﭽﻰ ﺩﻩﭖ ﺗﻮﻧﯘﺷﺘﯘﺭﻏﺎﻥ ﻧﺎﻣﻪﻟﯘﻡ ﻛﯩﺸﯩﻠﻪﺭ ﺗﻪﺭﯨﭙﯩﺪﯨﻦ ﺗﯘﺗﯘﭖ ﻛﯧﺘﯩﻠﻤﻪﻛﺘﻪ. ﻳﻪﻧﻪ ﺑﻪﺯﻯ ﺟﺎﻳﻼﺭﺩﺍ ﺧﯩﺘﺎﻱ ﭘﯘﻗﺮﺍﻟﯩﺮﯨﻨﯩﯔ ﺋﯘﻳﻐﯘﺭﻻﺭﻧﯩﯔ ﺋﯚﻳﯩﮕﻪ ﺳﺎﻗﭽﻰ ﻓﻮﺭﻣﯩﺴﻰ ﺑﯩﻠﻪﻥ ﻛﯩﺮﯨﭗ ﺯﯨﻴﺎﻧﻜﻪﺷﻠﯩﻚ ﻗﯩﻠﻐﺎﻧﻠﯩﻘﯩﻤﯘ ﺑﯩﻠﯩﻨﻤﻪﻛﺘﻪ. ﻣﺎﻧﺎ ﺑﯘ ﺋﻪﻫﯟﺍﻝ ﺗﯘﺗﻘﯘﻧﻼﺭﻧﯩﯔ ﺋﺎﺋﯩﻠﻪ - ﺗﺎﯞﺍﺑﺎﺗﯩﻨﻰ ﺟﯩﺪﺩﯨﻲ ﺷﻪﻛﯩﻠﺪﻩ ﺋﻪﻧﺪﯨﺸﯩﮕﻪ ﺳﺎﻟﻤﺎﻗﺘﺎ.