ۋەقەنى ئۆز كۆزى بىلەن كۆرگۈچىلەر، خېزۇ شەھىرىدە نامايىش قىلغان تىبەت ئوقۇغۇچىلاردىن 20 كىشىنىڭ ساقچىلار تەرىپىدىن تۇتقۇنغا ئۇچرىغانلىقىنى، دائىرىلەر پەيشەنبە كۈنى قوراللىق ساقچى قىسىملىرىنى يۆتكەپ كېلىپ، شەھەردە چارلاشنى كۈچەيتكەنلىكىنى بىلدۈرگەن.
چۇما ناھىيىسىدىكى نامايىش 14 - چېسلا يۈز بەرگەن بولۇپ، رويتېرس ئاگېنتلىقىنىڭ تۈنۈگۈن تارقاتقان خەۋىرىدە خىتاي قوراللىق ساقچى قىسىملىرىنىڭ چۇما ناھىيە بازىرىغا 70 كىلومېتىر مۇساپىدىكى لاڭمۇ لاما ئىبادەتخانىسىغا بارىدىغان يول ياقىسىغا بىر قانچە يەردە تەكشۈرۈش پونكىتى قۇرغانلىقىنى خەۋەر قىلغان ئىدى.
خېزۇ شەھىرىنىڭ ج خ دائىرىلىرى مۇخبىرىمىزغا ئالدىدا مەزكۇر ۋەقە توغرىسىدا پىكىر بىلدۈرمەيدىغانلىقىنى بىلدۈرگەن، كېيىن پوزىتسىيىسىنى ئۆزگەرتىپ، خېزۇ شەھىرىدە نامايىش بولغانلىقىنى رەت قىلغان. خەۋەرلەردە نامايىشچىلارنىڭ "تىبەتكە مۇستەقىللىققا"، " دالاي لاما ياشىسۇن" دېگەن شوئارلارنى توۋلىغانلىقىنى ئىلگىرى سۈرگەن.