Dunya uyghur qurultiyi jüme küni xitayning myunxindiki konsulxanisi aldida namayish ötküzüp, guangdungning shawgüen shehiride yüz bergen xitay ishchilarning "‏26 - Iyun" uyghur ishlemchilirini öltürüsh weqesige naraziliq bildürgen idi.

"Wetinim" tor békitining xewer qilishiche, shu küni kech saet 17:00 de namayish axirliship aridin 15 minut ötkende on nechche neper uyghur ösmür qiz - Oghullar konsulxana binasigha xam tuxum étip, konsulxana binasining dérize, tamlirini reswa qiliwetken. Weqe yüz bergen waqit namayish tarqap bixeterlikni qoghdash üchün kelgen saqchilar qaytip bolghan waqit idi.

Bu heqtiki xewerlerde konsulxanigha tuxum atqan balilarning 6 yashtin 9 yashqiche bolghan ariliqtiki ösmürler ikenliki, ularning ichide 5neper qiz balining barliqi ilgiri sürülgen.

Merkizi gérmaniyidiki dunya uyghur qurultiyi shawgüendiki weqe munaswiti bilen bayanat élan qilip, xitay dairilirining weqediki mesuliyitini jawabkarliqqa tartqan shundaqla dunyaning her qaysi jayliridiki uyghurlarni namayish ötküzüp, xitayni eyibleshke chaqirghan idi. Shu küni gérmaniyidin bashqa, shwétsiyidimu namayish ötküzülgen.

Pikir - Qarashliringizni otturigha qoyung

Pikir - Bayanliringiz tor bashqurghuchisi teripidin testiqlinishi kérek bolup, tor bette shu zaman élan qilinmaydu. Bir az waqittin kéyin, pikir - Bayanliringizning testiqlanghan yaki testiqlanmighanliqini qayta tekshürüp körüshigizni soraymiz. Pikir - Qarashliringizni töwendiki jedwel arqiliq, uyghur kona yéziqi boyiche yolliyalaysiz.

Isim (ixtiyar)

Sheher (ixtiyar)

Pikir - Qarashliringiz