ﻣﻪﺯﻛﯘﺭ ﺋﯩﺘﺘﯩﭙﺎﻗﻨﯩﯔ ﻗﯘﺭﯗﻟﯘﺷﯩﺪﺍ ﺧﺎﺭﺭﯨﻲ ﯞﻭﻥ ﺑﻮﻣﻤﯧﻠﻨﯩﯔ ﺭﻭﻟﻰ ﻧﺎﻫﺎﻳﯩﺘﻰ ﺯﻭﺭ ﺑﻮﻟﯘﭖ، ﺋﯘ ﺋﯘﺯﯗﻥ ﻳﯩﻠﻼﺭﺩﯨﻦ ﺑﯧﺮﻯ ﺧﯩﺘﺎﻳﺪﯨﻜﻰ ﻣﯘﺳﺘﻪﺑﯩﺘﻠﯩﻜﻜﻪ ﻗﺎﺭﺷﻰ ﻫﻪﺭﯨﻜﻪﺕ ﺋﯧﻠﯩﭗ ﺑﯧﺮﯨﯟﺍﺗﻘﺎﻥ ﻫﻪﺭ ﻗﺎﻳﺴﻰ ﮔﯘﺭﯗﻫﻼﺭﻧﻰ ﺋﯩﺘﺘﯩﭙﺎﻗﻼﺷﺘﯘﺭﯗﺷﻘﺎ ﺗﯩﺮﯨﺸﯩﭗ ﻛﯧﻠﯩﯟﺍﺗﻘﺎﻥ ﺷﻪﺧﺲ ﺋﯩﺪﻯ.

ﺧﻪﯞﻩﺭﻟﻪﺭﺩﻩ ﻛﯚﺭﺳﯩﺘﯩﻠﯩﺸﯩﭽﻪ، ﯞﻭﻥ ﺑﻮﻣﻤﯧﻠﻨﯩﯔ ﺗﻪﺷﻪﺑﺒﯘﺳﻰ ﺑﯩﻠﻪﻥ ﻳﯧﻘﯩﻨﺪﺍ ﮔﻮﻟﻼﻧﺪﯨﻴﻪ ﺗﯩﺒﻪﺗﻨﻰ ﻫﯩﻤﺎﻳﻪ ﻗﯩﻠﯩﺶ ﺗﻪﺷﻜﯩﻼﺗﻰ ﻗﯘﺭﯗﻟﻐﺎﻧﻠﯩﻘﯩﻨﯩﯔ 20 ﻳﯩﻠﻠﯩﻘﻰ ﻣﯘﻧﺎﺳﯩﯟﯨﺘﻰ ﺑﯩﻠﻪﻥ ﺋﯘﻳﯘﺷﺘﯘﺭﯗﻟﻐﺎﻥ ﭘﺎﻳﺘﻪﺧﺖ ﺋﺎﻣﺴﺘﯧﺮﺩﺍﻣﺪﯨﻜﻰ ﺑﯩﺮ ﭘﺎﺋﺎﻟﯩﻴﻪﺕ ﺟﻪﺭﻳﺎﻧﯩﺪﺍ "ﺋﯘﻳﻐﯘﺭ، ﺗﯩﺒﻪﺕ، ﺧﯩﺘﺎﻱ ﻛﯩﺸﯩﻠﯩﻚ ﻫﻮﻗﯘﻕ ﺋﯩﺘﺘﯩﭙﺎﻗﻰ"ﻧﯩﯔ ﺭﻩﺳﻤﯩﻲ ﻗﯘﺭﯗﻟﻐﺎﻧﻠﯩﻘﻰ ﺋﯧﻼﻥ ﻗﯩﻠﯩﻨﻐﺎﻥ.

ﺑﯘ ﻫﻪﻗﺘﯩﻜﻰ ﺧﻪﯞﻩﺭﻟﻪﺭﺩﻩ ﻣﻪﺯﻛﯘﺭ ﺋﯩﺘﺘﯩﭙﺎﻗﻨﯩﯔ ﺑﯘ ﻳﯩﻞ 12 ‏- ﺋﺎﻳﻨﯩﯔ 10 ‏- ﻛﯜﻧﻰ "ﺩﯗﻧﻴﺎ ﻛﯩﺸﯩﻠﯩﻚ ﻫﻮﻗﯘﻕ ﻛﯜﻧﻰ" ﻣﯘﻧﺎﺳﯩﯟﯨﺘﻰ ﺑﯩﻠﻪﻥ ﺋﺎﻣﯩﺴﺘﯧﺮﺩﺍﻣﺪﺍ ﺯﻭﺭ ﻛﯚﻟﻪﻣﻠﯩﻚ ﭘﺎﺋﺎﻟﯩﻴﻪﺕ ﺋﯧﻠﯩﭗ ﺑﯧﺮﯨﺸﻘﺎ ﺗﻪﻳﻴﺎﺭﻟﯩﻖ ﻛﯚﺭﯛﯞﺍﺗﻘﺎﻧﻠﯩﻘﻰ ﺋﯩﻠﮕﯩﺮﻯ ﺳﯜﺭﯛﻟﮕﻪﻥ.

ﺧﺎﺭﺭﯨﻲ ﯞﻭﻥ ﺑﻮﻣﻤﯧﻞ ﮔﻮﻟﻼﻧﺪﯨﻴﻪ ﺳﻮﺗﺴﯩﻴﺎﻟﯩﺴﺘﻼﺭ ﭘﺎﺭﺗﯩﻴﯩﺴﯩﻨﯩﯔ ﻏﻮﻟﻠﯘﻕ ﺷﻪﺧﺴﻠﯩﺮﯨﺪﯨﻦ ﺑﯩﺮﯨﺪﯗﺭ. ﻣﻪﺯﻛﯘﺭ ﭘﺎﺭﺗﯩﻴﻪ ﺋﯩﻠﮕﯩﺮﻯ ﻣﺎﯞ ﺯﯦﺪﯗﯕﻨﯩﯔ ﺳﻮﺗﺴﯩﻴﺎﻟﯩﺴﺘﯩﻚ ﺗﻪﻟﯩﻤﺎﺗﯩﻐﺎ ﺋﻪﮔﻪﺷﻜﻪﻥ. ﻟﯧﻜﯩﻦ 1980 ‏- ﻳﯩﻠﻼﺭﺩﯨﻦ ﺑﺎﺷﻼﭖ ﺧﯩﺘﺎﻱ ﺳﻮﺗﺴﯩﻴﺎﻟﯩﺰﻣﻰ ﺑﯩﻠﻪﻥ ﺑﻮﻟﻐﺎﻥ ﭼﻪﻙ - ﭼﯧﮕﺮﺍﺳﯩﻨﻰ ﺋﺎﻳﺮﯨﭗ، ﺧﯩﺘﺎﻳﻨﯩﯔ ﻛﯩﺸﯩﻠﯩﻚ ﻫﻮﻗﯘﻕ ﺧﺎﺗﯩﺮﯨﺴﯩﻨﻰ ﺗﻪﻧﻘﯩﺪ ﻗﯩﻠﯩﺪﯨﻐﺎﻥ ﭘﺎﺭﺗﯩﻴﻪ - ﮔﯘﺭﯗﻫﻼﺭﻧﯩﯔ ﺑﯩﺮﻯ ﺑﻮﻟﯘﭖ ﻗﺎﻟﻐﺎﻥ ﺋﯩﺪﻯ.