ﻓﺮﺍﻧﺴﯩﻴﻪ ﺋﺎﮔﯧﻨﺘﻠﯩﻘﯩﻨﯩﯔ ﺑﺎﻳﺎﻥ ﻗﯩﻠﯩﺸﯩﭽﻪ، ﺧﯩﺘﺎﻳﻨﯩﯔ ﺑﯘ ﻗﯧﺘﯩﻤﻘﻰ ﺳﻮﺕ ﻫﯚﻛﻤﯩﺪﻩ 'ﻣﺎﺟﯩﺮﺍﻏﺎ ﺋﺎﺭﯨﻼﺷﺘﻰ' ﺩﻩﭖ ﻗﺎﻣﺎﻕ ﺟﺎﺯﺍﺳﻰ ﻫﯚﻛﯜﻡ ﻗﯩﻠﻐﺎﻥ ﻳﻪﻧﻪ ﺋﯜﭺ ﺋﯘﻳﻐﯘﺭ ﺑﺎﺭ.

ﺧﻪﯞﻩﺭﺩﻩ ﺋﯧﻴﺘﯩﻠﯩﺸﯩﭽﻪ، ﺷﻴﺎﯞﮔﯘﻩﻥ ﯞﻩﻗﻪﺳﻰ ﻳﯜﺯ ﺑﯧﺮﯨﭗ 10 ﻛﯜﻧﺪﯨﻦ ﻛﯧﻴﯩﻦ، 7‏ - ﺋﺎﻳﻨﯩﯔ 5 ‏ - ﻛﯜﻧﻰ، ﺋﯜﺭﯛﻣﭽﯩﺪﻩ ﺋﯘﻳﻐﯘﺭﻻﺭ ﻫﯚﻛﯜﻣﻪﺗﻨﯩﯔ ﺷﻴﺎﯞﮔﯘﻩﻥ ﯞﻩﻗﻪﺳﯩﻨﻰ ﺑﯩﺮ ﺗﻪﺭﻩﭖ ﻗﯩﻠﻤﯩﻐﺎﻧﻠﯩﻘﯩﻐﺎ ﻧﺎﺭﺍﺯﻯ ﺑﻮﻟﯘﭖ ﻛﻪﯓ ﻛﯚﻟﻪﻣﻠﯩﻚ ﻧﺎﻣﺎﻳﯩﺶ ﺋﯚﺗﻜﯜﺯﮔﻪﻥ ﺋﯩﺪﻯ. ﺧﯩﺘﺎﻱ ﻫﯚﻛﯜﻣﯩﺘﻰ ﺑﯘ ﻧﺎﻣﺎﻳﯩﺸﻨﻰ ﺑﺎﺳﺘﯘﺭﺩﻯ ﯞﻩ ﺑﯘ ﯞﻩﻗﻪﺩﻩ 200 ﺩﯨﻦ ﺋﺎﺭﺗﯘﻕ ﺋﺎﺩﻩﻡ ﺋﯚﻟﺪﻯ، 400 ﺩﯨﻦ ﺋﺎﺭﺗﯘﻕ ﺋﺎﺩﻩﻡ ﺗﯘﺗﯘﻟﺪﻯ ﺩﻩﭖ ﺋﯧﻼﻥ ﻗﯩﻠﻐﺎﻥ ﺋﯩﺪﻯ.

ﻣﯩﯖﭙﺎﯞ ﮔﯧﺰﯨﺘﯩﻨﯩﯔ ﺑﺎﻳﺎﻥ ﻗﯩﻠﯩﺸﯩﭽﻪ، ﮔﯘﺍﯕﺪﻭﯓ ﺋﯚﻟﻜﯩﺴﯩﻨﯩﯔ ﺷﻴﺎﯞﮔﯘﻩﻥ ﺷﻪﻫﻪﺭﻟﯩﻚ ﺋﻮﺗﺘﯘﺭﺍ ﺳﻮﺕ ﻣﻪﻫﻜﯩﻤﯩﺴﻰ، 2009‏ - ﻳﯩﻞ 6‏ - ﺋﺎﻳﻨﯩﯔ 25‏ - ﻛﯜﻧﻰ ﻛﯧﭽﻪ ﺳﺎﺋﻪﺕ 23 ﺗﻪ، 'ﺷﯜﺭﻯ' ﺷﯩﺮﻛﯩﺘﯩﺪﯨﻜﻰ ﭘﺮﺍﻛﺘﯩﻜﺎﻧﺖ ﻗﯩﺰ ﺧﯘﺍﯓ xx ﻳﺎﺗﯩﻘﯩﻐﺎ ﻗﺎﻳﺘﯩﯟﺍﺗﻘﺎﻧﺪﺍ، 'ﺷﯜﺭﻯ' ﺯﺍﯞﯗﺗﯩﻨﯩﯔ ﺑﯩﺮ ﺋﯘﻳﻐﯘﺭ ﺋﯩﺸﭽﯩﺴﻰ ﺋﯘﻧﯩﯔ ﻛﻪﻳﻨﯩﮕﻪ ﻛﯩﺮﯨﯟﺍﻟﻐﺎﻥ. ﺑﯘﻧﻰ ﻛﯚﺭﮔﻪﻥ ﺷﺎﯞ ﺟﻪﻧﺨﯘﺍ ﺑﺎﺷﻘﯩﻼﺭﻧﻰ ﻗﯘﺗﺮﯨﺘﯩﭗ ﺟﯧﺪﻩﻝ ﭼﯩﻘﺎﺭﻏﺎﻥ، ﺩﻩﭖ ﺟﺎﻛﺎﺭﻟﯩﻐﺎﻥ ﯞﻩ 6‏ - ﺋﺎﻳﻨﯩﯔ 26 ‏ - ﻛﯜﻧﻰ ﻗﯘﺗﺮﺍﺗﻘﯘﻟﯘﻕ ﻗﯩﻠﯩﭗ ﺋﺎﺩﻩﻡ ﺗﻮﭘﻼﭖ، ﺷﯜﺭﻯ ﺋﻮﻳﯘﻧﭽﯘﻕ ﺯﺍﯞﯗﺗﯩﻨﯩﯔ ﻫﺎﺷﯩﻤﺠﺎﻥ ﺋﻪﻣﻪﺕ، ﺳﺎﺩﯨﻘﺠﺎﻥ ﻏﺎﺯﯨﺪﯨﻦ ﺋﯩﺒﺎﺭﻩﺕ ﺋﯩﻜﻜﻰ ﺋﯘﻳﻐﯘﺭ ﺋﯩﺸﭽﯩﺴﯩﻨﻰ ﭘﻮﻻﺕ ﺗﯘﺭﯗﺑﺎ ﺑﯩﻠﻪﻥ ﺋﯘﺭﯗﭖ ﺋﯚﻟﺘﯜﺭﮔﻪﻥ ﯞﻩ ﺩﺍﯞﺍﻻﺵ ﺧﺎﺩﯨﻤﻠﯩﺮﯨﻐﺎ ﺗﻮﺳﻘﯘﻧﻠﯘﻕ ﻗﯩﻠﻐﺎﻥ ﺑﺎﺵ ﺟﯩﻨﺎﻳﻪﺗﭽﻰ ﺷﻴﺎﯞ ﺟﻪﻧﺨﯘﺍﻏﺎ ﺋﯚﻟﯜﻡ ﺟﺎﺯﺍﺳﻰ، ﻗﻪﺳﺘﻪﻥ ﺯﻩﺧﻤﯩﻠﻪﻧﺪﯛﺭﯛﺵ ﺟﯩﻨﺎﻳﯩﺘﻰ ﺋﯚﺗﻜﯜﺯﺩﻯ، ﺩﻩﭖ ﺑﯧﻜﯩﺘﯩﻠﮕﻪﻥ ﺷﯜ ﭼﯩﻠﻴﺎﯕﻐﺎ ﻣﯘﺩﺩﻩﺗﺴﯩﺰ ﻗﺎﻣﺎﻕ ﺟﺎﺯﺍﺳﻰ ﻫﯚﻛﯜﻡ ﻗﯩﻠﻐﺎﻥ.

ﺷﻴﺎﯞﮔﯘﻩﻥ ﺷﻪﻫﯩﺮﻯ ﯞﯗﺟﺎﯓ ﺭﺍﻳﻮﻧﻠﯘﻕ ﺳﻮﺕ ﻣﻪﻫﻜﯩﻤﯩﺴﯩﻤﯘ، ﻳﯩﮕﯩﺮﻣﻪ ﺋﺎﻟﺘﯩﻨﭽﻰ ﺋﯩﻴﯘﻥ ﻛﯜﻧﯩﺪﯨﻜﻰ ﻣﺎﺟﯩﺮﺍﻏﺎ ﺋﺎﺭﯨﻼﺷﻘﺎﻥ ﻟﯘ ﺷﻴﺎﯞﭼﺎﯓ، ﻟﻴﺎﯞ ﻳﯘﺟﯜﻥ، ﭼﯧﻦ ﻳﯩﻴﯘ ﯞﻩ ﻳﺎﺭﻣﻪﻣﻪﺕ ﺋﯩﺴﻤﺎﺋﯩﻞ، ﺋﻮﺳﻤﺎﻧﺠﺎﻥ ﺋﻮﺑﯘﻝ، ﻳﯜﺳﯜﭘﺠﺎﻥ ﺗﯘﺭﺩﯨﺪﯨﻦ ﺋﯩﺒﺎﺭﻩﺕ 6 ﻛﯩﺸﯩﮕﻪ 5 ﻳﯩﻠﻠﯩﻘﺘﯩﻦ 8 ﻳﯩﻠﻠﯩﻘﻘﯩﭽﻪ ﻗﺎﻣﺎﻕ ﺟﺎﺯﺍﺳﻰ ﻫﯚﻛﯜﻡ ﻗﯩﻠﻐﺎﻥ.