Авбей 2‏ - Дохтурханисиниң ташқи кесәлликләр бөлүмидә давалиниватқан ли пәмилилик бир бимар чаршәнбә күни радиомизға өзиниң вәқәдә яриланған бимарлар билән бир ятақханида йетиватқанлиқини, кәлгән - Кәткәнләрдин тоқунушта өлгән уйғурларниң он нәччигә йетидиғанлиқи, яридарларниң 300 дин ашидиғанлиқидин хәвәр тапқанлиқини билдүргән.
 
Шинхуа агентлиқи бу һәқтики хәвиридә вәқәдә 2 уйғурниң өлгәнлики, яридарларниң йүздин ашидиғанлиқини илгири сүргән иди. Лекин авбей 2‏ - Дохтурханисида йетиватқан юқириқи бимар радиомизға мундақ дәйду": оюнчуқ завутида яриланғанлар наһайити көп, шинҗаңлиқлардин өлгәнләр он нәччигә йетиши мумкин. Яриланғанлар 300 дин ашиду. Бу йәрдә йетип давалиниватқанларниң ичидә җуңголуқ яридарларму бар. Шинҗаңлиқлар бизгә охшимайду."

Авбей хәлқ дохтурханиси нөвәтчи ишханисидики бир сестра мәзкур духтурханиниң 50 дин артуқ уйғур яридарни давалашқа мәсул болғанлиқини, бир қисим яридарларниң дохтурханидин айрилғанлиқини билдүргән. Лекин гуаңҗудики уйғур аптоном райони иш башқармисиниң бир әмәлдари вәқәдә он нәччә уйғурниң өлгәнликини рәт қилип, бу җәһәттики учурда һөкүмәт елан қилған мәлуматни асас қилишни тәкитлигән.

Шүйри оюнчуқ завутиниң бир хадими радиомизға уйғур ишләмчиләрниң башқа җайға йөткәп кетилгәнликини, уларниң башқа бир завутқа орунлаштурулидиғанлиқини билдүргән.

Даириләр шавгүәндики вәқәдә өлтүрүлгән 2 уйғур яшниң җәситини алдинқи күни қәшқәр тоққузақ наһийисиниң зәмин йезисидики аилисигә апирип, хупиянә һалда дәпнә қилған иди.

Пикир - Қарашлириңизни оттуриға қойуң

Пикир - Байанлириңиз тор башқурғучиси тәрипидин тәстиқлиниши керәк болуп, тор бәттә шу заман елан қилинмайду. Бир аз вақиттин кейин, пикир - Байанлириңизниң тәстиқланған йаки тәстиқланмиғанлиқини қайта тәкшүрүп көрүшигизни сораймиз. Пикир - Қарашлириңизни төвәндики җәдвәл арқилиқ, уйғур кона йезиқи бойичә йоллийалайсиз.

Исим (ихтийар)

Шәһәр (ихтийар)

Пикир - Қарашлириңиз