Awbéy 2‏ - Doxturxanisining tashqi késellikler bölümide dawaliniwatqan li pemililik bir bimar charshenbe küni radiomizgha özining weqede yarilanghan bimarlar bilen bir yataqxanida yétiwatqanliqini, kelgen - Ketkenlerdin toqunushta ölgen uyghurlarning on nechchige yétidighanliqi, yaridarlarning 300 din ashidighanliqidin xewer tapqanliqini bildürgen.
 
Shinxua agéntliqi bu heqtiki xewiride weqede 2 uyghurning ölgenliki, yaridarlarning yüzdin ashidighanliqini ilgiri sürgen idi. Lékin awbéy 2‏ - Doxturxanisida yétiwatqan yuqiriqi bimar radiomizgha mundaq deydu": oyunchuq zawutida yarilanghanlar nahayiti köp, shinjangliqlardin ölgenler on nechchige yétishi mumkin. Yarilanghanlar 300 din ashidu. Bu yerde yétip dawaliniwatqanlarning ichide junggoluq yaridarlarmu bar. Shinjangliqlar bizge oxshimaydu."

Awbéy xelq doxturxanisi nöwetchi ishxanisidiki bir séstra mezkur duxturxanining 50 din artuq uyghur yaridarni dawalashqa mesul bolghanliqini, bir qisim yaridarlarning doxturxanidin ayrilghanliqini bildürgen. Lékin guangjudiki uyghur aptonom rayoni ish bashqarmisining bir emeldari weqede on nechche uyghurning ölgenlikini ret qilip, bu jehettiki uchurda hökümet élan qilghan melumatni asas qilishni tekitligen.

Shüyri oyunchuq zawutining bir xadimi radiomizgha uyghur ishlemchilerning bashqa jaygha yötkep kétilgenlikini, ularning bashqa bir zawutqa orunlashturulidighanliqini bildürgen.

Dairiler shawgüendiki weqede öltürülgen 2 uyghur yashning jesitini aldinqi küni qeshqer toqquzaq nahiyisining zemin yézisidiki ailisige apirip, xupiyane halda depne qilghan idi.

Pikir - Qarashliringizni otturigha qoyung

Pikir - Bayanliringiz tor bashqurghuchisi teripidin testiqlinishi kérek bolup, tor bette shu zaman élan qilinmaydu. Bir az waqittin kéyin, pikir - Bayanliringizning testiqlanghan yaki testiqlanmighanliqini qayta tekshürüp körüshigizni soraymiz. Pikir - Qarashliringizni töwendiki jedwel arqiliq, uyghur kona yéziqi boyiche yolliyalaysiz.

Isim (ixtiyar)

Sheher (ixtiyar)

Pikir - Qarashliringiz