ﺋﺎﯞﺑﯧﻲ 2‏ - ﺩﻭﺧﺘﯘﺭﺧﺎﻧﯩﺴﯩﻨﯩﯔ ﺗﺎﺷﻘﻰ ﻛﯧﺴﻪﻟﻠﯩﻜﻠﻪﺭ ﺑﯚﻟﯜﻣﯩﺪﻩ ﺩﺍﯞﺍﻟﯩﻨﯩﯟﺍﺗﻘﺎﻥ ﻟﻰ ﭘﻪﻣﯩﻠﯩﻠﯩﻚ ﺑﯩﺮ ﺑﯩﻤﺎﺭ ﭼﺎﺭﺷﻪﻧﺒﻪ ﻛﯜﻧﻰ ﺭﺍﺩﯨﺌﻮﻣﯩﺰﻏﺎ ﺋﯚﺯﯨﻨﯩﯔ ﯞﻩﻗﻪﺩﻩ ﻳﺎﺭﯨﻼﻧﻐﺎﻥ ﺑﯩﻤﺎﺭﻻﺭ ﺑﯩﻠﻪﻥ ﺑﯩﺮ ﻳﺎﺗﺎﻗﺨﺎﻧﯩﺪﺍ ﻳﯧﺘﯩﯟﺍﺗﻘﺎﻧﻠﯩﻘﯩﻨﻰ، ﻛﻪﻟﮕﻪﻥ - ﻛﻪﺗﻜﻪﻧﻠﻪﺭﺩﯨﻦ ﺗﻮﻗﯘﻧﯘﺷﺘﺎ ﺋﯚﻟﮕﻪﻥ ﺋﯘﻳﻐﯘﺭﻻﺭﻧﯩﯔ ﺋﻮﻥ ﻧﻪﭼﭽﯩﮕﻪ ﻳﯧﺘﯩﺪﯨﻐﺎﻧﻠﯩﻘﻰ، ﻳﺎﺭﯨﺪﺍﺭﻻﺭﻧﯩﯔ 300 ﺩﯨﻦ ﺋﺎﺷﯩﺪﯨﻐﺎﻧﻠﯩﻘﯩﺪﯨﻦ ﺧﻪﯞﻩﺭ ﺗﺎﭘﻘﺎﻧﻠﯩﻘﯩﻨﻰ ﺑﯩﻠﺪﯛﺭﮔﻪﻥ.
 
ﺷﯩﻨﺨﯘﺍ ﺋﺎﮔﯧﻨﺘﻠﯩﻘﻰ ﺑﯘ ﻫﻪﻗﺘﯩﻜﻰ ﺧﻪﯞﯨﺮﯨﺪﻩ ﯞﻩﻗﻪﺩﻩ 2 ﺋﯘﻳﻐﯘﺭﻧﯩﯔ ﺋﯚﻟﮕﻪﻧﻠﯩﻜﻰ، ﻳﺎﺭﯨﺪﺍﺭﻻﺭﻧﯩﯔ ﻳﯜﺯﺩﯨﻦ ﺋﺎﺷﯩﺪﯨﻐﺎﻧﻠﯩﻘﯩﻨﻰ ﺋﯩﻠﮕﯩﺮﻯ ﺳﯜﺭﮔﻪﻥ ﺋﯩﺪﻯ. ﻟﯧﻜﯩﻦ ﺋﺎﯞﺑﯧﻲ 2‏ - ﺩﻭﺧﺘﯘﺭﺧﺎﻧﯩﺴﯩﺪﺍ ﻳﯧﺘﯩﯟﺍﺗﻘﺎﻥ ﻳﯘﻗﯩﺮﯨﻘﻰ ﺑﯩﻤﺎﺭ ﺭﺍﺩﯨﺌﻮﻣﯩﺰﻏﺎ ﻣﯘﻧﺪﺍﻕ ﺩﻩﻳﺪﯗ": ﺋﻮﻳﯘﻧﭽﯘﻕ ﺯﺍﯞﯗﺗﯩﺪﺍ ﻳﺎﺭﯨﻼﻧﻐﺎﻧﻼﺭ ﻧﺎﻫﺎﻳﯩﺘﻰ ﻛﯚﭖ، ﺷﯩﻨﺠﺎﯕﻠﯩﻘﻼﺭﺩﯨﻦ ﺋﯚﻟﮕﻪﻧﻠﻪﺭ ﺋﻮﻥ ﻧﻪﭼﭽﯩﮕﻪ ﻳﯧﺘﯩﺸﻰ ﻣﯘﻣﻜﯩﻦ. ﻳﺎﺭﯨﻼﻧﻐﺎﻧﻼﺭ 300 ﺩﯨﻦ ﺋﺎﺷﯩﺪﯗ. ﺑﯘ ﻳﻪﺭﺩﻩ ﻳﯧﺘﯩﭗ ﺩﺍﯞﺍﻟﯩﻨﯩﯟﺍﺗﻘﺎﻧﻼﺭﻧﯩﯔ ﺋﯩﭽﯩﺪﻩ ﺟﯘﯕﮕﻮﻟﯘﻕ ﻳﺎﺭﯨﺪﺍﺭﻻﺭﻣﯘ ﺑﺎﺭ. ﺷﯩﻨﺠﺎﯕﻠﯩﻘﻼﺭ ﺑﯩﺰﮔﻪ ﺋﻮﺧﺸﯩﻤﺎﻳﺪﯗ."

ﺋﺎﯞﺑﯧﻲ ﺧﻪﻟﻖ ﺩﻭﺧﺘﯘﺭﺧﺎﻧﯩﺴﻰ ﻧﯚﯞﻩﺗﭽﻰ ﺋﯩﺸﺨﺎﻧﯩﺴﯩﺪﯨﻜﻰ ﺑﯩﺮ ﺳﯧﺴﺘﺮﺍ ﻣﻪﺯﻛﯘﺭ ﺩﯗﺧﺘﯘﺭﺧﺎﻧﯩﻨﯩﯔ 50 ﺩﯨﻦ ﺋﺎﺭﺗﯘﻕ ﺋﯘﻳﻐﯘﺭ ﻳﺎﺭﯨﺪﺍﺭﻧﻰ ﺩﺍﯞﺍﻻﺷﻘﺎ ﻣﻪﺳﺌﯘﻝ ﺑﻮﻟﻐﺎﻧﻠﯩﻘﯩﻨﻰ، ﺑﯩﺮ ﻗﯩﺴﯩﻢ ﻳﺎﺭﯨﺪﺍﺭﻻﺭﻧﯩﯔ ﺩﻭﺧﺘﯘﺭﺧﺎﻧﯩﺪﯨﻦ ﺋﺎﻳﺮﯨﻠﻐﺎﻧﻠﯩﻘﯩﻨﻰ ﺑﯩﻠﺪﯛﺭﮔﻪﻥ. ﻟﯧﻜﯩﻦ ﮔﯘﺍﯕﺠﯘﺩﯨﻜﻰ ﺋﯘﻳﻐﯘﺭ ﺋﺎﭘﺘﻮﻧﻮﻡ ﺭﺍﻳﻮﻧﻰ ﺋﯩﺶ ﺑﺎﺷﻘﺎﺭﻣﯩﺴﯩﻨﯩﯔ ﺑﯩﺮ ﺋﻪﻣﻪﻟﺪﺍﺭﻯ ﯞﻩﻗﻪﺩﻩ ﺋﻮﻥ ﻧﻪﭼﭽﻪ ﺋﯘﻳﻐﯘﺭﻧﯩﯔ ﺋﯚﻟﮕﻪﻧﻠﯩﻜﯩﻨﻰ ﺭﻩﺕ ﻗﯩﻠﯩﭗ، ﺑﯘ ﺟﻪﻫﻪﺗﺘﯩﻜﻰ ﺋﯘﭼﯘﺭﺩﺍ ﻫﯚﻛﯜﻣﻪﺕ ﺋﯧﻼﻥ ﻗﯩﻠﻐﺎﻥ ﻣﻪﻟﯘﻣﺎﺗﻨﻰ ﺋﺎﺳﺎﺱ ﻗﯩﻠﯩﺸﻨﻰ ﺗﻪﻛﯩﺘﻠﯩﮕﻪﻥ.

ﺷﯜﻳﺮﻯ ﺋﻮﻳﯘﻧﭽﯘﻕ ﺯﺍﯞﯗﺗﯩﻨﯩﯔ ﺑﯩﺮ ﺧﺎﺩﯨﻤﻰ ﺭﺍﺩﯨﺌﻮﻣﯩﺰﻏﺎ ﺋﯘﻳﻐﯘﺭ ﺋﯩﺸﻠﻪﻣﭽﯩﻠﻪﺭﻧﯩﯔ ﺑﺎﺷﻘﺎ ﺟﺎﻳﻐﺎ ﻳﯚﺗﻜﻪﭖ ﻛﯧﺘﯩﻠﮕﻪﻧﻠﯩﻜﯩﻨﻰ، ﺋﯘﻻﺭﻧﯩﯔ ﺑﺎﺷﻘﺎ ﺑﯩﺮ ﺯﺍﯞﯗﺗﻘﺎ ﺋﻮﺭﯗﻧﻼﺷﺘﯘﺭﯗﻟﯩﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﮔﻪﻥ.

ﺩﺍﺋﯩﺮﯨﻠﻪﺭ ﺷﺎﯞﮔﯜﻩﻧﺪﯨﻜﻰ ﯞﻩﻗﻪﺩﻩ ﺋﯚﻟﺘﯜﺭﯛﻟﮕﻪﻥ 2 ﺋﯘﻳﻐﯘﺭ ﻳﺎﺷﻨﯩﯔ ﺟﻪﺳﯩﺘﯩﻨﻰ ﺋﺎﻟﺪﯨﻨﻘﻰ ﻛﯜﻧﻰ ﻗﻪﺷﻘﻪﺭ ﺗﻮﻗﻘﯘﺯﺍﻕ ﻧﺎﻫﯩﻴﯩﺴﯩﻨﯩﯔ ﺯﻩﻣﯩﻦ ﻳﯧﺰﯨﺴﯩﺪﯨﻜﻰ ﺋﺎﺋﯩﻠﯩﺴﯩﮕﻪ ﺋﺎﭘﯩﺮﯨﭗ، ﺧﯘﭘﯩﻴﺎﻧﻪ ﻫﺎﻟﺪﺍ ﺩﻩﭘﻨﻪ ﻗﯩﻠﻐﺎﻥ ﺋﯩﺪﻯ.

پىكىر - قاراشلىرىڭىزنى ئوتتۇرىغا قويۇڭ

پىكىر - بايانلىرىڭىز تور باشقۇرغۇچىسى تەرىپىدىن تەستىقلىنىشى كېرەك بولۇپ، تور بەتتە شۇ زامان ئېلان قىلىنمايدۇ. بىر ئاز ۋاقىتتىن كېيىن، پىكىر - بايانلىرىڭىزنىڭ تەستىقلانغان ياكى تەستىقلانمىغانلىقىنى قايتا تەكشۈرۈپ كۆرۈشىگىزنى سورايمىز. پىكىر - قاراشلىرىڭىزنى تۆۋەندىكى جەدۋەل ئارقىلىق، ئۇيغۇر كونا يېزىقى بويىچە يوللىيالايسىز.

ئىسىم (ئىختىيار)

شەھەر (ئىختىيار)

پىكىر - قاراشلىرىڭىز