ﺋﻪﻧﺪﯨﻲ ﯞﻭﺭﺗﯩﯖﺘﻮﻧﻨﯩﯔ ﺭﺍﺩﯨﺌﻮﻣﯩﺰﻏﺎ ﻳﻮﻟﻠﯩﻐﺎﻥ ﻣﻪﻟﯘﻣﺎﺗﯩﻐﺎ ﻗﺎﺭﯨﻐﺎﻧﺪﺍ، ﻣﻪﺯﻛﯘﺭ ﻓﯩﻠﯩﻢ ﺋﺎﻣﯧﺮﯨﻜﯩﻨﯩﯔ ﻧﻴﯘﻳﻮﺭﻙ ﺷﻪﻫﯩﺮﻯ، ﯞﯨﺮﺟﯩﻨﯩﻴﻪ ﺷﺘﺎﺗﯩﺪﯨﻜﻰ ﺑﯩﺮ ﻗﯩﺴﯩﻢ ﺋﻮﺭﯗﻧﻼﺭ، ﺋﺎﻣﯧﺮﯨﻜﺎ ﭘﺎﻳﺘﻪﺧﺘﻰ ﯞﺍﺷﯩﻨﮕﺘﻮﻥ (ﻛﻮﻟﻮﻣﺒﯩﻴﻪ ﺭﺍﻳﻮﻧﻰ)، ﯞﻩ ﺳﺎﻥ ﻓﺮﺍﻧﺴﯩﺴﻜﻮ ﺷﻪﻫﯩﺮﯨﺪﯨﻜﻰ ﺑﯩﺮ ﻗﯩﺴﯩﻢ ﺋﻮﺭﯗﻧﻼﺭﺩﺍ ﻛﯚﺭﺳﯩﺘﯩﻠﯩﺪﯨﻜﻪﻥ.

ﻣﻪﺯﻛﯘﺭ ﻓﯩﻠﯩﻢ ﮔﯜﻩﻧﺘﺎﻧﺎﻣﻮﺩﯨﻦ ﻗﻮﻳﯘﭖ ﺑﯧﺮﯨﻠﮕﻪﻥ ﻣﻪﻫﺒﯘﺳﻼﺭ، ﺋﻪﻧﮕﯩﻠﯩﻴﯩﻠﯩﻚ، ﺋﺎﻣﯧﺮﯨﻜﯩﻠﯩﻖ ﺑﯩﺮ ﻗﯩﺴﯩﻢ ﺋﺎﺩﯞﻭﻛﺎﺗﻼﺭ ﺑﯩﻠﻪﻥ ﺋﯧﻠﯩﭗ ﺑﺎﺭﻏﺎﻥ ﺳﯚﻫﺒﻪﺕ ﯞﻩ ﺯﯨﻴﺎﺭﻩﺕ ﺧﺎﺗﯩﺮﯨﻠﯩﺮﯨﮕﻪ ﺋﺎﺳﺎﺳﻪﻥ ﺋﯩﺸﻠﻪﻧﮕﻪﻥ.

ﻓﯩﻠﯩﻤﺪﻩ، ﺑﻮﺵ ﻫﯚﻛﯜﻣﯩﺘﯩﻨﯩﯔ ﺋﺎﻣﯧﺮﯨﻜﺎ ﻗﺎﻧﯘﻧﻠﯩﺮﻯ ﯞﻩ ﺧﻪﻟﻘﺌﺎﺭﺍ ﺋﯚﻟﭽﻪﻣﻠﻪﺭﻧﻰ ﺑﯩﺮ ﭼﻪﺗﻜﻪ ﻗﺎﻳﺮﯨﭗ ﻗﻮﻳﯘﭖ، ﺗﯘﺗﻘﯘﻧﻼﺭﻧﻰ ﺋﺎﻓﻐﺎﻧﯩﺴﺘﺎﻥ ﯞﻩ ﭘﺎﻛﯩﺴﺘﺎﻧﺪﯨﻦ ﻗﺎﻧﺪﺍﻕ ﻳﯩﻐﯩﭗ ﻛﻪﻟﮕﻪﻧﻠﯩﻜﻰ ﻫﻪﻣﺪﻩ ﻣﻪﻫﺒﯘﺳﻼﺭﻧﯩﯔ ﮔﯜﻩﻧﺘﺎﻧﺎﻣﻮﺩﯨﻜﻰ ﻛﻪﭼﻤﯩﺸﻠﯩﺮﻯ ﺳﯚﺯﻟﯩﻨﯩﺪﯗ.

ﺋﻪﻧﺪﯨﻲ ﯞﻭﺭﺗﯩﯖﺘﻮﻥ ﺋﻪﻧﮕﯩﻠﯩﻴﯩﻠﯩﻚ ﻣﯘﺳﺘﻪﻗﯩﻞ ﻳﺎﺯﻏﯘﭼﻰ ﺑﻮﻟﯘﭖ، ﺋﯘ ﺋﯩﻠﮕﯩﺮﻯ "ﮔﯜﻩﻧﺘﺎﻧﺎﻣﻮ ﻫﯚﺟﺠﻪﺗﻠﯩﺮﻯ" ﻧﺎﻣﻠﯩﻖ ﻛﯩﺘﺎﺑﻨﻰ ﻳﯧﺰﯨﭗ ﻧﻪﺷﺮ ﻗﯩﻠﺪﯗﺭﻏﺎﻥ. ﺋﯘﻧﯩﯔ ﺑﯘ ﻛﯩﺘﺎﺑﯩﺪﺍ ﮔﯜﻩﻧﺘﺎﻧﺎﻣﻮﺩﯨﻜﻰ ﺋﯘﻳﻐﯘﺭﻻﺭ ﻫﻪﻗﻘﯩﺪﯨﻤﯘ ﺧﯧﻠﻰ ﻛﻮﭖ ﻣﻪﺯﻣﯘﻧﻼﺭ ﺑﺎﺭ.

ﺋﺎﭘﺘﻮﺭ ﺋﯩﻠﮕﯩﺮﻯ، ﮔﯜﻩﻧﺘﺎﻧﺎﻣﻮ ﺋﯘﻳﻐﯘﺭﻟﯩﺮﻯ ﯞﻩ ﺋﯘ ﻳﻪﺭﺩﯨﻦ ﻗﻮﻳﯘﭖ ﺑﯧﺮﯨﻠﮕﻪﻧﻠﻪﺭ ﻫﻪﻗﻘﯩﺪﻩ ﻛﯚﭖ ﻗﯧﺘﯩﻢ ﻣﺎﻗﺎﻟﻪ ﺋﯧﻼﻥ ﻗﯩﻠﯩﭗ، ﺑﯘﺵ ﻫﯚﻛﯜﻣﯩﺘﯩﻨﯩﯔ ﺋﯘﻻﺭﻧﻰ ﺗﯧﺰﺭﻩﻙ ﺋﻪﺭﻛﯩﻨﻠﯩﻜﺘﯩﻦ ﺑﻪﻫﺮﯨﻤﺎﻥ ﻗﯩﻠﯩﺸﯩﻐﺎ ﻫﻪﻳﺪﻩﻛﭽﯩﻠﯩﻚ ﻗﯩﻠﻐﺎﻥ ﺋﯩﺪﻯ.