خانئېرىق يېزىسىدا دېھقانلار خىتاينىڭ سىياسىتىگە نارازىلىق بىلدۈرۈپ نامايىش قىلدى

خوتەن ناھىيىسى خانئېرىق يېزىسىدا بىر قىسىم دېھقانلار خىتاينىڭ پىلانلىق تۇغۇت، يەر باشقۇرۇش قانۇنى، ۋە دىنىي سىياسىتىگە نارازىلىق بىلدۈرۈپ نامايىش ئېلىپ بارغان بولۇپ، خىتاي ئاخباراتىدا كۆرسىتىلىشىچە، خىتاي ساقچىلىرى نامايىشچىلارنى "جەمئىيەت تەرتىپىنى بۇزغان" دېگەن جىنايەت بىلەن قولغا ئالغان.
ﻣﯘﺧﺒﯩﺮﯨﻤﯩﺰ ﺟﯜﻣﻪ ﺧﻪﯞﯨﺮﻯ
2008.09.15

 خەۋەرلىرىگە قارىغاندا، نامايىشنى 4 بىر تۇغقان ئاكا - ئۇكا تەشكىللىگەن بولۇپ، خىتاي ساقچىلىرى بۇلارنىڭ ئىچىدە 3 كىشىنى قولغا ئالغان.

مەلۇم بولۇشىچە، ھازىر خىتاي ساقچىلىرى مەزكۇر 4 بىر تۇغقان قېرىنداشنىڭ ئىچىدىكى بىرسىنى تۇتالمىغان بولۇپ، خىتاي ساقچىلىرى ھازىر بۇ ئۇيغۇر ياش ئۈستىدىن تۇتۇش بۇيرۇقى چىقىرىپ ئىزدەشكە باشلىغان.

دۇنيا ئۇيغۇر قۇرۇلتىيىنىڭ باياناتچىسى دىلشات رىشىت تەمىنلىگەن مەلۇماتقا قارىغاندا، خىتاي ساقچىلىرى نامايىش بېسىقتۇرۇلغاندىن كېيىنمۇ داۋاملىق ئاختۇرۇش ۋە قولغا ئېلىشنى داۋاملاشتۇرغان.

مەلۇم بولۇشىچە خىتاي يەرلىك ھۆكۈمىتى خوتەن ناھىيىسىدە ھازىر " يېزا - كەنتلەردىكى رەزىل كۈچلەرگە قاتتىق زەربە بېرىش ھەرىكىتى" ئېلىپ بارماقتا ئىكەن.
ﻣﯘﻧﺎﺳﯩﯟﻩﺗﻠﯩﻚ ﺧﻪﯞﻩﺭﻟﻪﺭ
قىسقا خەۋەرلەر
پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.