ﺋﻪﻣﻤﺎ ﺋﯘﻧﯩﯔ ﺋﻪﻫﯟﺍﻟﻰ ﻫﻪﻗﻘﯩﺪﻩ ﻫﯧﭽﻘﺎﻧﺪﺍﻕ ﺋﯧﻨﯩﻖ ﻣﻪﻟﯘﻣﺎﺕ ﻳﻮﻕ. ﺋﯩﻠﻬﺎﻡ ﺗﻮﺧﺘﯩﻨﯩﯔ ﺋﺎﻳﺎﻟﻰ ﭼﺎﺭﺷﻪﻧﺒﻪ ﻛﯜﻧﻰ ﺭﺍﺩﯨﺌﻮﻣﯩﺰﻧﯩﯔ ﺯﯨﻴﺎﺭﯨﺘﯩﻨﻰ ﻗﻮﺑﯘﻝ ﻗﯩﻠﻐﺎﻧﺪﺍ، ﺋﯚﺯﯨﻨﯩﯔ ﻳﻮﻟﺪﯨﺸﯩﻨﯩﯔ ﺋﻪﻫﯟﺍﻟﯩﻨﻰ ﺑﯩﻠﻤﻪﻳﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﮔﻪﻥ.

ﻣﯘﺧﺒﯩﺮﻻﺭ ﺋﯘﻧﯩﯖﺪﯨﻦ ﻳﻪﻧﻪ، " ﺋﯩﻠﻬﺎﻡ ﺗﻮﺧﺘﻰ ﺩﯙﻟﻪﺕ ﺑﺎﻳﺮﯨﻤﻰ ﻣﻪﺯﮔﯩﻠﯩﺪﻩ ﺧﯩﺘﺎﻱ ﺩﺍﺋﯩﺮﯨﻠﯩﺮﻯ ﺗﻪﺭﯨﭙﯩﺪﯨﻦ ﺩﻭﺧﺘﯘﺭﺧﺎﻧﯩﻐﺎ ﺋﺎﭘﯩﺮﯨﯟﯦﺘﯩﻠﺪﯨﻤﯘ ؟ " ﺩﻩﭖ ﺳﻮﺭﯨﻐﯩﻨﯩﺪﺍ، ﺋﯘ ﺋﯚﺯﯨﻨﯩﯔ ﯞﻩﻗﻪﻧﯩﯔ ﺗﻪﭘﺴﯩﻼﺗﯩﻨﻰ ﺑﯩﻠﻤﻪﻳﺪﯨﻐﺎﻧﻠﯩﻘﯩﻨﻰ، ﻫﻪﺗﺘﺎ ﻳﻮﻟﺪﯨﺸﯩﻨﯩﯔ ﻗﺎﻳﺴﻰ ﺩﻭﺧﺘﯘﺭﺧﺎﻧﯩﺪﺍ ﻳﯧﺘﯩﯟﺍﺗﻘﺎﻧﻠﯩﻘﯩﻨﯩﻤﯘ ﺑﯩﻠﻤﻪﻳﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﮔﻪﻥ.

5 - ﺋﯩﻴﯘﻝ ﺋﯜﺭﯛﻣﭽﻰ ﯞﻩﻗﻪﺳﻰ ﻣﻪﻳﺪﺍﻧﻐﺎ ﻛﻪﻟﮕﻪﻧﺪﯨﻦ ﺑﯧﺮﻯ ﺋﯩﻠﻬﺎﻡ ﺗﻮﺧﺘﻰ ﺑﯩﺮ ﻣﯧﻬﻤﺎﻧﺨﺎﻧﯩﺪﺍ ﺗﯘﺗﯘﭖ ﺗﯘﺭﯗﻟﻐﺎﻥ ﯞﻩ 8 - ﺋﺎﻳﻨﯩﯔ 22 - ﻛﯜﻧﻰ ﻗﻮﻳﯘﭖ ﺑﯧﺮﯨﻠﮕﻪﻥ ﺋﯩﺪﻯ. ﺋﯘ ﻗﻮﻳﯘﭖ ﺑﯧﺮﯨﻠﮕﻪﻧﺪﯨﻦ ﻛﯧﻴﯩﻦ ﺋﯩﺴﺘﺎﻧﺴﯩﻤﯩﺰﻧﯩﯔ ﺯﯨﻴﺎﺭﯨﺘﯩﻨﻰ ﻗﻮﺑﯘﻝ ﻗﯩﻠﻐﯩﻨﯩﺪﺍ ﺑﯘ ﻳﻮﻟﺪﯨﻦ ﻫﻪﺭﮔﯩﺰ ﻗﺎﻳﺘﻤﺎﻳﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﮔﻪﻥ ﺋﯩﺪﻯ.

ﺋﯘ ﻳﻪﻧﻪ، ﻣﻪﺭﻛﯩﺰﻯ ﻣﯩﻠﻠﻪﺗﻠﻪﺭ ﺋﯘﻧﯩﯟﯦﺮﺳﯩﺘﯧﺘﯩﻨﯩﯔ ﺑﯘ ﻣﻪﯞﺳﯜﻡ ﺋﯘﻧﯩﯖﻐﺎ ﺩﻩﺭﺱ ﺋﻮﺭﯗﻧﻼﺷﺘﯘﺭﻣﯩﻐﺎﻧﻠﯩﻘﯩﻨﻰ، ﺋﻪﻣﻤﺎ ﺋﯚﺯﯨﻨﯩﯔ ﺋﯩﺸﺘﯩﻦ ﺑﻮﺷﯩﺘﯩﻠﯩﺶ ﺋﯧﻬﺘﯩﻤﺎﻟﯩﻐﯩﻤﯘ ﺋﯩﺪﯨﻴﻪ ﺟﻪﻫﻪﺗﺘﯩﻦ ﺗﻪﻳﻴﺎﺭﻟﯩﻖ ﻗﯩﻠﯩﭗ ﻗﻮﻳﻐﺎﻧﻠﯩﻘﯩﻨﻰ ﺑﯩﻠﺪﯛﺭﮔﻪﻥ ﺋﯩﺪﻯ.