ﺋﯘﭼﺮﯨﺸﯩﺸﺘﺎ ﻧﯘﺭﺳﯘﻟﺘﺎﻥ ﻧﺎﺯﺍﺭﺑﺎﻳﯧﻒ ﻗﺎﺯﺍﻗﯩﺴﺘﺎﻧﻨﯩﯔ ﻳﺎﯞﺭﯗﭘﺎ ﺧﻪﯞﭘﺴﯩﺰﻟﯩﻚ ﯞﻩ ﻫﻪﻣﻜﺎﺭﻟﯩﻖ ﺗﻪﺷﻜﯩﻼﺗﯩﻨﯩﯔ2010 - ﻳﯩﻠﻠﯩﻖ ﺭﻩﺋﯩﺴﻠﯩﻚ ﯞﻩﺯﯨﭙﯩﺴﯩﻨﻰ ﺗﺎﭘﺸﯘﺭﯗﭖ ﺋﯧﻠﯩﺸﯩﻐﺎ ﺋﯩﺘﺎﻟﯩﻴﯩﻨﯩﯔ ﻧﺎﻫﺎﻳﯩﺘﻰ ﭼﻮﯓ ﻣﻪﺩﻩﺕ ﺑﻮﻟﻐﺎﻧﻠﯩﻘﻰ ﺋﯜﭼﯜﻥ ﻣﯩﻨﻨﻪﺗﺪﺍﺭﻟﯩﻘﯩﻨﻰ ﺑﯩﻠﺪﯛﺭﺩﻯ.

ﺋﯘ ﺑﯘ ﺗﻪﺷﻜﯩﻼﺗﻨﯩﯔ ﻗﯩﻠﯩﺸﻘﺎ ﺗﯧﮕﯩﺸﻠﯩﻚ ﺋﯩﺸﻠﯩﺮﯨﻨﯩﯔ ﻧﯘﺭﻏﯘﻧﻠﯩﻘﯩﻨﻰ ﺗﻪﻛﯩﺘﻠﻪﭖ ﻣﯘﻧﺪﺍﻕ ﺩﯦﺪﻯ: "ﻗﺎﺯﺍﻗﯩﺴﺘﺎﻥ ﻫﻪﻣﻤﻪ ﻣﯩﻠﻠﻪﺕ ﺋﯚﺯ - ﺋﺎﺭﺍ ﻫﯚﺭﻣﻪﺕ ﻗﯩﻠﯩﺪﯨﻐﺎﻥ، ﺯﺍﻣﺎﻧﯩﯟﻯ ﺑﯩﺮ ﺩﯙﻟﻪﺕ. ﭘﻪﺭﻗﻠﯩﻖ ﻣﯩﻠﻠﻪﺕ ﯞﻩ ﺩﯨﻨﻼﺭﻧﯩﯖﻤﯘ ﺑﯩﺮﻟﯩﻜﺘﻪ ﻳﺎﺷﯩﻴﺎﻻﻳﺪﯨﻐﺎﻧﻠﯩﻘﯩﻨﻰ ﺋﯩﺴﭙﺎﺗﻠﯩﻐﺎﻥ ﺑﯩﺮ ﺩﯙﻟﻪﺕ. ﺑﯩﺰ ﻳﺎﯞﺭﯗﭘﺎ ﺧﻪﯞﭘﺴﯩﺰﻟﯩﻚ ﯞﻩ ﻫﻪﻣﻜﺎﺭﻟﯩﻖ ﺗﻪﺷﻜﯩﻼﺗﯩﻨﯩﯔ ﺭﻩﺋﯩﺴﯩﻠﯩﻚ ﯞﻩﺯﯨﭙﯩﺴﯩﻨﻰ ﺋﯚﺗﯩﮕﻪﻥ ﻣﻪﺯﮔﯩﻠﯩﺪﻩ ﺩﯗﻧﻴﺎ ﺑﯩﺰﻧﯩﯔ ﺑﯘ ﺗﻪﺟﺮﯨﺒﯩﻤﯩﺰ ﺑﯩﻠﻪﻥ ﺗﻮﻧﯘﺷﯩﺪﯗ."

ﻗﺎﺯﺍﻗﯩﺴﺘﺎﻥ ﭘﺮﯦﺰﯨﺪﯦﻨﺘﻰ ﻧﯘﺭﺳﯘﻟﺘﺎﻥ ﻧﺎﺯﺍﺭﺑﺎﻳﯧﻒ ﺳﯚﺯﯨﺪﻩ ﻳﻪﻧﻪ، ﺋﺎﻓﻐﺎﻧﯩﺴﺘﺎﻥ ﻣﻪﺳﯩﻠﯩﺴﻰ ﺋﯜﭼﯜﻥ ﺩﻩﺭﻫﺎﻝ ﻳﯩﻐﯩﻦ ﭼﺎﻗﯩﺮﯨﻠﯩﺸﻰ ﻛﯧﺮﻩﻛﻠﯩﻜﯩﻨﻰ ﯞﻩ ﺋﺎﻓﻐﺎﻧﯩﺴﺘﺎﻧﻐﺎ ﭘﯜﺗﯜﻥ ﺩﯗﻧﻴﺎ ﺩﯙﻟﻪﺗﻠﯩﺮﯨﻨﯩﯔ ﺟﯩﺪﺩﯨﻲ ﻳﺎﺭﺩﻩﻡ ﻗﻮﻟﯩﻨﻰ ﺳﻮﺯﯗﺷﻰ ﻛﯧﺮﻩﻛﻠﯩﻜﯩﻨﻰ ﺗﻪﻛﯩﺘﻠﯩﺪﻯ.

ﺋﯩﻜﻜﻰ ﺗﻪﺭﻩﭖ ﺋﯘﭼﺮﯨﺸﯩﺸﺘﯩﻦ ﻛﯧﻴﯩﻦ ﺗﯩﺠﺎﺭﻩﺕ ﺳﺎﻫﻪﺳﯩﺪﻩ ﺑﯩﺮ ﺗﯜﺭﻛﯜﻡ ﻛﯧﻠﯩﺸﯩﻤﻠﻪﺭﮔﻪ ﻗﻮﻝ ﻗﻮﻳﻐﺎﻧﺪﯨﻦ ﺑﺎﺷﻘﺎ ﻳﻪﻧﻪ، ﺋﯩﺴﺘﺮﺍﺗﯧﮕﯩﻴﯩﻠﯩﻚ ﺋﻮﺭﺗﺎﻗﻠﯩﻖ ﻛﯧﻠﯩﺸﯩﻤﯩﻤﯘ ﺗﯜﺯﺩﻯ. ﺋﯩﺘﺎﻟﯩﻴﻪ، ﺭﯗﺳﯩﻴﻪ ﯞﻩ ﺧﯩﺘﺎﻳﺪﯨﻦ ﻗﺎﻟﺴﯩﻼ، ﻗﺎﺯﺍﻗﯩﺴﺘﺎﻧﻨﯩﯔ ﺋﯩﻘﺘﯩﺴﺎﺩﯨﺪﺍ 3‏- ﭼﻮﯓ ﺋﻮﺭﯗﻧﺪﺍ ﺗﯘﺭﯨﺪﯨﻐﺎﻥ ﺩﯙﻟﻪﺕ ﺑﻮﻟﯘﭖ، ﻗﺎﺯﺍﻗﯩﺴﺘﺎﻧﻨﯩﯔ ﻛﺎﻥ ﺑﺎﻳﻠﯩﻘﻠﯩﺮﯨﻨﻰ ﺩﯗﻧﻴﺎ ﺑﺎﺯﯨﺮﯨﻐﺎ ﺳﺎﻟﯩﺪﯨﻐﺎﻥ ﻣﯘﻫﯩﻢ ﺑﯩﺮ ﺩﯙﻟﻪﺕ.

ﻗﺎﺯﺍﻗﯩﺴﺘﺎﻥ 2010 - ﻳﯩﻠﯩﺪﺍ ﻳﺎﯞﺭﯗﭘﺎ ﺧﻪﯞﭘﺴﯩﺰﻟﯩﻚ ﯞﻩ ﻫﻪﻣﻜﺎﺭﻟﯩﻖ ﺗﻪﺷﻜﯩﻼﺗﯩﻨﯩﯔ ﺭﻩﺋﯩﺴﻠﯩﻜﯩﻨﻰ ﺋﯚﺗﻜﯜﺯﯨﯟﺍﻟﯩﺪﯨﻐﺎﻥ ﺑﻮﻟﯘﭖ، ﺑﻪﺯﻯ ﺩﯙﻟﻪﺗﻠﻪﺭ ﻗﺎﺯﺍﻗﯩﺴﺘﺎﻧﺪﻩﻙ ﺋﯩﻨﺴﺎﻥ ﻫﻪﻗﻠﯩﺮﻯ ﺩﻩﭘﺴﻪﻧﺪﯨﭽﯩﻠﯩﻜﻠﯩﺮﻯ ﻣﻪﯞﺟﯘﺕ ﺑﻮﻟﯘﭖ ﺗﯘﺭﯗﯞﺍﺗﻘﺎﻥ ﺑﯩﺮ ﺩﯙﻟﻪﺗﻨﯩﯔ ﺑﯘ ﺗﻪﺷﻜﯩﻼﺗﻘﺎ ﺭﻩﺋﯩﺲ ﺑﻮﻟﯘﺵ ﺳﺎﻻﻫﯩﻴﯩﺘﯩﻨﯩﯔ ﻳﻮﻗﻠﯘﻗﯩﻨﻰ ﺋﯩﻠﮕﯩﺮﻯ ﺳﯜﺭﮔﻪﻥ ﺋﯩﺪﻯ. ﺋﻪﻣﻤﺎ ﻗﺎﺯﺍﻗﯩﺴﺘﺎﻥ ﺑﻮﻟﺴﺎ ﺋﯚﺯﯨﻨﯩﯔ ﻳﺎﯞﺭﯗﭘﺎ ﺑﯩﻠﻪﻥ ﻳﯧﻘﯩﻦ ﻣﯘﻧﺎﺳﯩﯟﻩﺕ ﺋﻮﺭﻧﯩﺘﯩﺸﻨﻰ ﺧﺎﻻﻳﺪﯨﻐﺎﻧﻠﯩﻘﯩﻨﻰ ﺋﯩﺰﭼﯩﻞ ﺗﻪﻛﯩﺘﻠﯩﻤﻪﻛﺘﻪ. ﻗﺎﺯﺍﻗﯩﺴﺘﺎﻥ ﻳﯧﻘﯩﻨﺪﺍ ﻓﺮﺍﻧﺴﯩﻴﻪ ﺑﯩﻠﻪﻧﻤﯘ ﺑﯩﺮ ﻗﺎﺗﺎﺭ ﺳﻮﺩﺍ ﯞﻩ ﻫﻪﺭﺑﯩﻲ ﻛﯧﻠﯩﺸﯩﻤﻠﻪﺭﻧﻰ ﺋﯩﻤﺰﺍﻟﯩﻐﺎﻥ ﺋﯩﺪﻯ.