ﺭﯗﺳﯩﻴﯩﻨﯩﯔ "ﮔﺎﺯﯦﺘﺎ.ﺭﯗ" ﺗﻮﺭﯨﻨﯩﯔ ﺧﻪﯞﻩﺭ ﻗﯩﻠﯩﺸﯩﭽﻪ، ﺧﯩﺘﺎﻱ ﭘﯘﻗﺮﺍﻟﯩﺮﻯ ﻣﻪﺯﻛﯘﺭ ﻫﻪﺭﯨﻜﻪﺗﻠﯩﺮﻯ ﺋﺎﺭﻗﯩﻠﯩﻖ ﺭﯗﺳﯩﻴﻪ ﻛﯚﭼﻤﻪﻧﻠﻪﺭ ﺋﯩﺪﺍﺭﯨﺴﻰ ﯞﻩ ﺗﺎﻣﻮﮊﻧﯩﺴﯩﻨﯩﯔ ﺭﯗﺳﯩﻴﯩﮕﻪ ﺑﺎﺭﯨﺪﯨﻐﺎﻥ ﺧﯩﺘﺎﻱ ﻛﯚﭼﻤﻪﻧﻠﯩﺮﯨﮕﻪ ﻗﺎﺭﺍﺗﻘﺎﻥ ﺳﯩﻴﺎﺳﯩﺘﯩﮕﻪ ﻧﺎﺭﺍﺯﯨﻠﯩﻖ ﺑﯩﻠﺪﯛﺭﮔﻪﻥ.

" ﮔﺎﺯﯦﺘﺎ.ﺭﯗ" ﺗﻮﺭﯨﻨﯩﯔ ﺧﻪﯞﻩﺭ ﻗﯩﻠﯩﺸﯩﭽﻪ، ﺭﯗﺳﯩﻴﻪ ﺗﺎﺷﻘﻰ ﺑﺎﻳﻘﺎﻝ ﺗﺎﻣﻮﮊﻧﯩﺴﯩﻨﯩﯔ ﺑﺎﻳﺎﻧﺎﺗﭽﯩﺴﻰ ﻳﯘﻟﯩﻲ ﻓﯩﻠﯩﭙﻮﯞ ﺧﯩﺘﺎﻳﻼﺭﻧﯩﯔ ﻣﺎﻧﺠﯘﺭﯨﻴﯩﺪﯨﻜﻰ ﺑﯘ ﻗﯧﺘﯩﻤﻠﯩﻖ ﻧﺎﺭﺍﺯﯨﻠﯩﻖ ﻫﻪﺭﯨﻜﯩﺘﯩﻨﯩﯔ ﻣﺎﻧﺠﯘﺭﯨﻴﻪ ﺷﻪﻫﻪﺭﻟﯩﻚ ﻫﯚﻛﯜﻣﯩﺘﯩﻨﯩﯔ ﯞﻩﻛﯩﻠﻠﯩﺮﻯ ﯞﻩ ﺧﯩﺘﺎﻱ ﭼﯧﮕﺮﺍ ﺧﺎﺩﯨﻤﻠﯩﺮﻯ ﺑﺎﺭ ﻳﻪﺭﺩﻩ ﺋﯚﺗﻜﯜﺯﯛﻟﮕﻪﻧﻠﯩﻜﯩﻨﻰ ﺑﯩﻠﺪﯛﺭﮔﻪﻥ.

ﻣﻪﺯﻛﯘﺭ ﺋﻪﺭﺑﺎﺏ ﺑﯘ ﻫﻪﺭﯨﻜﻪﺗﻨﯩﯔ ﺭﯗﺳﯩﻴﻪ ﻫﯚﻛﯜﻣﯩﺘﯩﻨﯩﯔ ﺭﯗﺳﯩﻴﻪ - ﺧﯩﺘﺎﻱ ﭼﯧﮕﺮﯨﺴﯩﺪﯨﻦ ﺋﯚﺗﯜﭖ ﻛﯚﭼﻤﻪﻧﻠﻪﺭ ﻗﺎﻧﯘﻧﯩﻨﻰ ﺑﯘﺯﻏﺎﻥ ﺧﯩﺘﺎﻱ ﭘﯘﻗﺮﺍﻟﯩﺮﯨﻐﺎ ﻗﻮﻟﻼﻧﻐﺎﻥ ﭼﺎﺭﯨﻠﯩﺮﯨﻐﺎ ﻧﺎﺭﺍﺯﯨﻠﯩﻖ ﺋﯩﭙﺎﺩﯨﻠﻪﺵ ﺋﯜﭼﯜﻥ ﺋﯚﺗﻜﯜﺯﯛﻟﮕﻪﻧﻠﯩﻜﯩﻨﻰ ﺗﻪﻛﯩﺘﻠﯩﮕﻪﻥ.

ﺋﯘﻧﯩﯔ ﺋﯧﻴﺘﯩﺸﯩﭽﻪ ﺋﯚﻛﺘﻪﺑﯩﺮ ﺋﯧﻴﯩﺪﺍ ﺭﯗﺳﯩﻴﻪ ﻛﯚﭼﻤﻪﻧﻠﻪﺭ ﺋﯩﺪﺍﺭﯨﺴﯩﻨﯩﯔ ﺗﺎﺷﻘﻰ ﺑﺎﻳﻘﺎﻝ ﺋﯚﻟﻜﯩﻠﯩﻚ ﺋﻮﺭﮔﯩﻨﻰ 156 ﻧﻪﭘﻪﺭ ﭼﻪﺗﺌﻪﻟﻠﯩﻜﻨﯩﯔ ﺭﯗﺳﯩﻴﯩﺪﻩ ﺗﯘﺭﯗﺵ ﯞﺍﻗﺘﯩﻨﻰ ﻗﯩﺴﻘﺎﺭﺗﯩﯟﻩﺗﻜﻪﻥ ﻫﻪﻡ ﯞﯨﺰﯨﺴﯩﻨﻰ ﺑﯩﻜﺎﺭ ﻗﯩﻠﻐﺎﻥ ﺷﯘﻧﯩﯖﺪﻩﻙ 75 ﺋﺎﺩﻩﻣﮕﻪ ﺟﻪﺭﯨﻤﺎﻧﻪ ﻗﻮﻳﻐﺎﻥ ﺋﯩﻜﻪﻥ.

ﺭﯗﺳﯩﻴﻪ ﻣﻪﺗﺒﯘﺋﺎﺗﻰ ﺧﯩﺘﺎﻳﻼﺭﻧﯩﯔ ﺑﯘ ﻫﻪﺭﯨﻜﯩﺘﻰ ﻫﻪﻗﻘﯩﺪﻩ ﺗﻮﺧﺘﯩﻠﯩﭗ، ﺑﯘﻧﯩﯔ ﺭﯗﺳﯩﻴﯩﻨﯩﯔ ﻛﯚﭼﻤﻪﻧﻠﻪﺭ ﯞﻩ ﺗﺎﻣﻮﮊﻧﺎ ﺳﯩﻴﺎﺳﯩﺘﯩﮕﻪ ﻗﺎﺭﺷﻰ ﭼﻪﺗﺌﻪﻟﻠﻪﺭﺩﻩ ﺋﯚﺗﻜﯜﺯﯛﻟﮕﻪﻥ ﺗﯘﻧﺠﻰ ﻗﯧﺘﯩﻤﻠﯩﻖ ﻧﺎﺭﺍﺯﯨﻠﯩﻖ ﻫﻪﺭﯨﻜﻪﺗﻠﯩﺮﯨﻨﯩﯔ ﺑﯩﺮﻯ ﺋﯩﻜﻪﻧﻠﯩﻜﯩﻨﻰ ﻫﯚﻛﯜﻡ ﻗﯩﻠﯩﺶ ﺑﯩﻠﻪﻥ ﺑﯩﺮﮔﻪ ﺧﯩﺘﺎﻱ ﭘﯘﻗﺮﺍﻟﯩﺮﯨﻨﯩﯔ ﺑﯘ ﺧﯩﻠﺪﯨﻜﻰ ﻫﻪﺭﯨﻜﻪﺗﻠﯩﺮﯨﻨﯩﯔ ﻗﻮﺷﻨﺎ ﺋﻮﺗﺘﯘﺭﺍ ﺋﺎﺳﯩﻴﺎ ﺋﻪﻟﻠﯩﺮﯨﮕﯩﻤﯘ ﺗﻪﺳﯩﺮ ﻛﯚﺭﺳﯩﺘﯩﺸﻰ ﭘﻪﺭﻩﺯ ﻗﯩﻠﯩﻨﻐﺎﻥ.

ﺭﯗﺳﯩﻴﻪ ﻫﯚﻛﯜﻣﯩﺘﻰ ﺑﯘ ﻳﯩﻞ 8 - ﺋﺎﻳﺪﺍ ﻣﻮﺳﻜﯟﺍﺩﯨﻜﻰ ﺋﺎﺳﺎﺳﻠﯩﻘﻰ ﺧﯩﺘﺎﻳﻼﺭ ﺳﻮﺩﺍ ﻗﯩﻠﯩﺪﯨﻐﺎﻥ ﭼﯧﺮﻛﯩﺰﻭﯞﺳﻜﯩﻲ ﺑﺎﺯﯨﺮﯨﻨﻰ ﺗﺎﻗﯩﯟﻩﺗﻜﻪﻥ ﻫﻪﻣﺪﻩ ﻛﯚﭖ ﺳﺎﻧﺪﺍ ﺧﯩﺘﺎﻱ ﭘﯘﻗﺮﺍﻟﯩﺮﯨﻨﻰ ﻫﻪﻳﺪﯨﯟﻩﺗﻜﻪﻥ، ﺷﯘﻧﯩﯖﺪﻩﻙ ﺧﯩﺘﺎﻱ ﯞﻩ ﺑﺎﺷﻘﺎ ﺋﻪﻟﻠﻪﺭ ﭘﯘﻗﺮﺍﻟﯩﺮﯨﻨﯩﯔ ﺭﯗﺳﯩﻴﯩﮕﻪ ﻛﯧﻠﯩﺸﯩﮕﻪ ﻗﻮﻳﯘﻟﻐﺎﻥ ﭼﻪﻛﻠﯩﻤﯩﻠﻪﺭﻧﻰ ﺋﺎﺷﯘﺭﻏﺎﻥ ﺋﯩﺪﻯ.