ﻗﺎﺯﺍﻗﯩﺴﺘﺎﻥ ﭘﺮﯦﺰﯨﺪﯦﻨﺘﻰ ﻧﯘﺭﺳﯘﻟﺘﺎﻥ ﻧﺎﺯﺍﺭﺑﺎﻳﯩﻒ ﭘﻪﻳﺸﻪﻧﺒﻪ ﻛﯜﻧﻰ ﻳﻪﻧﻪ ﺗﯜﺭﻛﯩﻴﻪ ﭘﺎﺭﻻﻣﯧﻨﺘﻰ ﺭﻩﺋﯩﺴﻰ ﻣﻪﻣﻪﺕ ﺋﻪﻟﻰ ﺷﺎﻫﯩﻦ ﺑﯩﻠﻪﻧﻤﯘ ﺋﯘﭼﺮﺍﺷﺘﻰ ﯞﻩ ﺗﯜﺭﻛﯩﻴﻪ ﭘﺎﺭﻻﻣﯧﻨﺘﯩﺪﺍ ﻣﯘﻫﯩﻢ ﺳﯚﺯ ﻗﯩﻠﺪﻯ. ﺋﯘ ﺳﯚﺯﯨﺪﻩ ﺗﯜﺭﻛﻠﻪﺭﻧﯩﯔ ﻟﯩﺪﯨﺮﻯ ﻣﯘﺳﺘﺎﻓﺎ ﻛﺎﻣﺎﻝ ﺋﺎﺗﺎﺗﯜﺭﻛﻨﯩﯔ ﺷﯘ ﯞﺍﻗﯩﺘﻼﺭﺩﯨﻼ، ﺗﯜﺭﻛﯩﻲ ﻣﯩﻠﻠﻪﺗﻠﻪﺭﻧﯩﯔ ﺑﯩﺮ ﻛﯜﻧﻰ ﭼﻮﻗﯘﻡ ﻣﯘﺳﺘﻪﻗﯩﻠﻠﯩﻘﯩﮕﻪ ﺋﯧﺮﯨﺸﯩﺪﯨﻐﺎﻧﻠﯩﻘﯩﻨﻰ ﺋﯧﻴﺘﻘﺎﻧﻠﯩﻘﯩﻨﻰ ﺋﻪﺳﻠﯩﺘﯩﭗ "ﺗﺎﺭﯨﺦ ﺑﯘﻧﻰ ﺋﯩﺴﭙﺎﺗﻠﯩﺪﻯ، ﺗﯜﺭﻛﯩﻴﻪ ﺑﯩﺰﻧﯩﯔ ﻣﯘﺳﺘﻪﻗﯩﻠﻠﯩﻘﯩﻤﯩﺰﻧﻰ ﻗﻮﺑﯘﻝ ﻗﯩﻠﻐﺎﻥ ﺗﯘﻧﺠﻰ ﺩﯙﻟﻪﺕ، ﺑﯘﻧﻰ ﻣﻪﯕﮕﯜ ﺋﯧﺴﯩﻤﯩﺰﺩﯨﻦ ﭼﯩﻘﺎﺭﻣﺎﻳﻤﯩﺰ،" ﺩﯦﺪﻯ.

ﻧﯘﺭﺳﯘﻟﺘﺎﻥ ﻧﺎﺯﺍﺭﺑﺎﻳﯩﻒ ﺳﯚﺯﯨﻨﻰ ﻣﯘﻧﺪﺍﻕ ﺩﺍﯞﺍﻡ ﻗﯩﻠﺪﻯ: "ﻗﺎﺯﺍﻕ ﺧﻪﻟﻘﻰ 19 - ﺋﻪﺳﯩﺮﻧﯩﯔ ﻛﯧﻴﯩﻨﻜﻰ ﻳﯧﺮﯨﻤﯩﺪﯨﻦ ﺗﺎﺭﺗﯩﭗ ﺭﯗﺳﻼﺭﻧﯩﯔ ﺋﯩﺸﻐﺎﻟﻰ ﺋﺎﺳﺘﯩﺪﺍ ﻳﺎﺷﯩﺪﻯ. ﺋﯘ ﯞﺍﻗﯩﺘﻼﺭﺩﺍ ﻗﺎﺯﺍﻕ ﺋﯩﺴﯩﻤﯩﺪﻩ ﺑﯩﺮ ﺩﯙﻟﻪﺕ ﺩﯗﻧﻴﺎ ﺧﻪﺭﯨﺘﯩﺴﯩﺪﻩ ﻳﻮﻕ ﺋﯩﺪﻯ. ﻛﯧﻴﯩﻨﻜﻰ 150 ﻳﯩﻞ ﺋﯩﭽﯩﺪﻩ ﺑﯩﺰ ﺗﯩﻠﯩﻤﯩﺰﻧﻰ، ﺩﯨﻨﯩﻤﯩﺰﻧﻰ، ﻣﻪﺩﻩﻧﯩﻴﺘﯩﻤﯩﺰﻧﻰ ﻳﻮﻗﯩﺘﯩﺶ ﮔﯩﺮﺩﺍﺑﯩﻐﺎ ﺑﯧﺮﯨﭗ ﻗﺎﻟﻐﺎﻥ ﺋﯩﺪﯗﻕ. ﺋﻪﻣﻤﺎ ﺑﯩﺰ ﻳﯜﺭﯨﻜﯩﻤﯩﺰﺩﻩ ﺋﻪﺟﺪﺍﺩﻟﯩﺮﯨﻤﯩﺰﻧﯩﯔ ﺋﯘﻟﯘﻍ ﺗﺎﺭﯨﺨﯩﻨﻰ ﯞﻩ ﻗﻪﻫﺮﯨﻤﺎﻧﻠﯩﺮﯨﻤﯩﺰﻧﻰ ﺋﻪﺳﻼ ﺋﯘﻧﺘﯘﭖ ﻗﺎﻟﻤﯩﺪﯗﻕ. 1990 - ﻳﯩﻠﻼﺭﻧﯩﯔ ﺑﯧﺸﯩﺪﺍ ﺳﻮﯞﯦﺖ ﺋﯩﺘﺘﯩﭙﺎﻗﻰ ﭘﺎﺭﭼﯩﻠﯩﻨﯩﭗ ﺑﯩﺰ ﻣﯘﺳﺘﻪﻗﯩﻠﻠﯩﻜﻜﻪ ﺋﯧﺮﯨﺸﺘﯘﻕ. ﻳﯧﯖﻰ ﺑﯩﺮ ﺩﯙﻟﻪﺕ ﻗﯘﺭﯗﺵ، ﺋﯩﻘﺘﯩﺴﺎﺩﯨﻨﻰ ﺗﻪﺭﻩﻗﻘﻰ ﻗﯩﻠﺪﯗﺭﯗﺵ ﯞﻩ ﺑﯘﻧﯩﯔ ﺑﯩﻠﻪﻥ ﺑﯩﺮﻟﯩﻜﺘﻪ ﺧﻪﻟﻘﯩﻤﯩﺰﻧﯩﯔ ﭘﯩﺴﺨﯩﻚ ﻫﺎﻟﯩﺘﯩﻨﻰ ﺋﯚﺯﮔﻪﺭﺗﯩﺶ ﺋﻪﻟﯟﻩﺗﺘﻪ ﺋﺎﺳﺎﻧﻐﺎ ﺗﻮﺧﺘﯩﻤﯩﺪﻯ. ﺋﻪﻣﻤﺎ ﺑﯩﺰ ﺋﯘ ﺧﻪﺗﻪﺭﻟﯩﻚ ﺋﯚﺗﻜﻪﻟﻠﻪﺭﺩﯨﻦ ﻣﯘﯞﺍﭘﭙﻪﻗﯩﻴﻪﺗﻠﯩﻚ ﻫﺎﻟﺪﺍ ﺋﯚﺗﯜﭖ، ﺳﯩﻠﻪﺭﻧﯩﯔ ﻗﯧﺮﯨﻨﺪﯨﺸﯩﯖﻼﺭ ﺑﻮﻟﯘﭖ ﺗﯜﺭﻛﻠﻪﺭﻧﯩﯔ ﺋﻪﯓ ﻗﻪﺩﯨﻤﯩﻲ ﺗﯘﭘﺮﺍﻗﻠﯩﺮﯨﺪﺍ ﻳﺎﺷﯩﻤﺎﻗﺘﯩﻤﯩﺰ. ﻗﺎﺯﺍﻗﯩﺴﺘﺎﻥ ﻫﺎﺯﯨﺮ ﺩﯗﻧﻴﺎﺩﺍ ﺋﺎﺳﺎﺳﻰ ﭼﯩﯔ، ﺋﯩﻘﺘﯩﺴﺎﺩﯨﻲ ﺗﻪﺭﻩﻗﻘﯩﻲ ﻗﯩﻠﻐﺎﻥ ﯞﻩ ﺩﯗﻧﻴﺎﺩﺍ ﺩﯨﻘﻘﻪﺗﻜﻪ ﺳﺎﺯﺍﯞﻩﺭ ﺑﯩﺮ ﺩﯙﻟﻪﺕ ﻫﺎﻟﯩﻐﺎ ﻛﻪﻟﺪﻯ. ﺑﯩﺰﻣﯘ ﺳﯩﻠﻪﺭﮔﻪ ﺋﻮﺧﺸﺎﺵ ﻫﯚﺭ ﺑﻮﻟﺪﯗﻕ."

ﻧﯘﺭﺳﯘﻟﺘﺎﻥ ﻧﺎﺯﺍﺭﺑﺎﻳﯩﻒ ﺳﯚﺯﯨﻨﯩﯔ ﺩﺍﯞﺍﻣﯩﺪﺍ: "ﺩﯗﻧﻴﺎ ﻣﻪﺩﻩﻧﯩﻴﯩﺘﻰ ﺋﯜﭼﯜﻥ ﺗﯚﻫﭙﻪ ﻗﻮﺷﻘﺎﻥ ﺗﯜﺭﻙ ﺧﻪﻟﻘﻠﯩﺮﯨﻨﯩﯔ ﻣﻪﺩﻩﻧﯩﻴﻪﺗﻠﯩﺮﯨﻨﻰ ﻗﯩﺪﯨﺮﯨﭗ ﭼﯩﻘﯩﺮﯨﺶ ﯞﻩ ﺋﯘﻧﻰ ﺩﯗﻧﻴﺎﻏﺎ ﺗﻮﻧﯘﺗﯘﺵ ﺋﯜﭼﯜﻥ ﺗﯜﺭﻛﯩﻲ ﺧﻪﻟﻘﻠﻪﺭ ﭼﻮﻗﯘﻡ ﺑﯩﺮﻟﯩﻚ - ﺑﺎﺭﺍﯞﻩﺭﻟﯩﻚ ﺋﯩﭽﯩﺪﻩ ﺑﻮﻟﯘﺷﻰ ﻛﯧﺮﻩﻙ. ﻣﯘﺷﯘﻧﺪﺍﻕ ﻗﯩﻠﻐﺎﻧﺪﯨﻼ ﺩﯗﻧﻴﺎ ﻣﯩﻠﻠﻪﺗﻠﯩﺮﻯ ﺋﺎﺭﯨﺴﯩﺪﺍ ﻗﯘﺩﺭﻩﺗﻠﯩﻚ ﺑﻮﻻﻻﻳﻤﯩﺰ، ﺷﯘﯕﺎ ﺑﯩﺰ ﻳﯧﻘﯩﻨﺪﺍ ﺗﯜﺭﻙ ﺗﯩﻠﻠﯩﺮﯨﺪﺍ ﺳﯚﺯﻟﯩﺸﯩﺪﯨﻐﺎﻥ ﺩﯙﻟﻪﺗﻠﻪﺭ ﻫﻪﻣﻜﺎﺭﻟﯩﻖ ﻛﻮﻧﺴﯧﻴﻰ ﻳﻪﻧﻰ ﻗﯩﺴﻘﯩﭽﻪ ﻗﯩﻠﯩﭗ ﺋﯧﻴﺘﻘﺎﻧﺪﺍ ﺗﯜﺭﻙ ﻛﻮﻧﺴﯧﻴﯩﻨﻰ ﺋﯩﻤﺰﺍﻟﯩﺪﯗﻕ،" ﺩﯦﺪﻯ.

ﻧﺎﺯﺍﺭﺑﺎﻳﯩﻔﻨﯩﯔ ﺳﯚﺯﻯ ﺗﯜﺭﻛﯩﻴﯩﻨﯩﯔ ﺑﯜﮔﯜﻧﮕﯩﭽﻪ ﻗﯩﻠﯩﯟﺍﺗﻘﺎﻥ ﻳﺎﺭﺩﻩﻣﻠﯩﺮﯨﮕﻪ ﺗﻪﺷﻪﻛﻜﯜﺭ ﺑﯩﻠﺪﯛﺭﯛﺵ ﺑﯩﻠﻪﻥ ﺋﺎﻳﺎﻗﻼﺷﺘﻰ، ﺋﯘﻧﯩﯔ ﭘﺎﺭﻻﻣﯧﻨﺘﺘﯩﻜﻰ ﺳﯚﺯﻯ ﻗﯩﺰﻏﯩﻦ ﺋﺎﻟﻘﯩﺸﻘﺎ ﺋﯧﺮﯨﺸﺘﻰ.

ﻗﺎﺯﺍﻗﯩﺴﺘﺎﻥ ﭘﺮﯦﺰﯨﺪﯦﻨﺘﻰ ﻧﯘﺭﺳﯘﻟﺘﺎﻥ ﻧﺎﺯﺍﺭﺑﺎﻳﯩﻒ ﺑﯘ ﻗﯧﺘﯩﻤﻘﻰ ﺗﯜﺭﻛﯩﻴﻪ ﺯﯨﻴﺎﺭﯨﺘﯩﺪﻩ ﺋﯩﻜﻜﻰ ﺩﯙﻟﻪﺕ ﺋﺎﺭﯨﺴﯩﺪﺍ ﻧﯘﺭﻏﯘﻧﻠﯩﻐﺎﻥ ﻛﯧﻠﯩﺸﯩﻤﻠﻪﺭﮔﻪ ﻗﻮﻝ ﻗﻮﻳﯘﺷﺘﯩﻦ ﺑﺎﺷﻘﺎ ﻳﻪﻧﻪ، ﺋﯩﺴﺘﺮﺍﺗﯧﮕﯩﻴﯩﻠﯩﻚ ﺋﻮﺭﺗﺎﻗﻠﯩﻖ ﺷﻪﺭﺗﻨﺎﻣﯩﺴﯩﻤﯘ ﺋﯩﻤﺰﺍﻟﯩﺪﻯ.