ﺩﺍﻻﻱ ﻻﻣﺎ ﺋﺎﻟﺪﯨﻨﻘﻰ 3 ﻧﯚﯞﻩﺗﻠﯩﻚ ﺋﺎﻣﯧﺮﯨﻜﺎ ﭘﺮﯦﺰﯨﺪﯦﻨﺘﯩﻨﯩﯔ ﻫﻪﻣﻤﯩﺴﻰ ﺑﯩﻠﻪﻥ ﻛﯚﺭﯛﺷﻜﻪﻥ. ﺑﯘ ﻗﯧﺘﯩﻢ ﺑﯘ ﺋﻪﻧﺌﻪﻧﯩﻨﯩﯔ 18 ﻳﯩﻠﺪﯨﻦ ﺑﯘﻳﺎﻥ ﺗﯘﻧﺠﻰ ﻗﯧﺘﯩﻢ ﺑﯘﺯﯗﻟﯘﺷﯩﺪﯗﺭ. ﺋﺎﻣﯧﺮﯨﻜﺎ ﭘﺮﯦﺰﯨﺪﯦﻨﺘﻠﯩﺮﯨﻨﯩﯔ ﺩﺍﻻﻱ ﻻﻣﺎ ﺑﯩﻠﻪﻥ ﻛﯚﺭﯛﺷﯜﺷﻰ ﺋﺎﺩﻩﺗﺘﻪ ﺋﺎﻣﯧﺮﯨﻜﯩﻨﯩﯔ ﺋﯩﻨﺴﺎﻥ ﻫﻪﻗﻠﯩﺮﻯ ﻣﻪﺳﯩﻠﯩﺴﯩﺪﯨﻜﻰ ﻣﻪﻳﺪﺍﻧﯩﻨﻰ ﺋﯚﻟﭽﻪﻳﺪﯨﻐﺎﻥ ﺗﯧﺮﻣﻮﻣﯧﺘﯩﺮ ﺳﯜﭘﯩﺘﯩﺪﻩ ﻗﺎﺭﺍﻟﻤﺎﻗﺘﺎ.

ﺋﺎﻣﯧﺮﯨﻜﺎ ﺗﺎﺷﻘﻰ ﺋﯩﺸﻼﺭ ﺑﺎﻳﺎﻧﺎﺗﭽﯩﺴﻰ Ian Kelly ﺑﯜﮔﯜﻥ ﺑﯘ ﻫﻪﻗﺘﯩﻜﻰ ﻣﯘﺧﺒﯩﺮﻻﺭﻧﯩﯔ ﺳﻮﺋﺎﻟﯩﻐﺎ ﺟﺎﯞﺍﺏ ﺑﯧﺮﯨﭗ، ﺩﺍﻻﻱ ﻻﻣﺎ ﺑﯩﻠﻪﻥ ﺋﻮﺑﺎﻣﺎﻧﯩﯔ ﻛﯚﺭﯛﺷﯜﺷﯩﻨﯩﯔ ﻫﻪﺭ ﺋﯩﻜﻜﻰ ﺗﻪﺭﻩﭘﻜﻪ ﺋﯘﻳﻐﯘﻥ ﺑﯩﺮ ﯞﺍﻗﯩﺘﺘﺎ ﺋﯧﻠﯩﭗ ﺑﯧﺮﯨﻠﯩﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﮔﻪﻥ. ﻛﯧﻠﻠﻲ ﻳﻪﻧﻪ، ﺩﺍﻻﻱ ﻻﻣﺎﻧﻰ ﺑﯘ ﻗﯧﺘﯩﻢ ﻫﯚﻛﯜﻣﻪﺗﻨﯩﯔ ﻣﻪﺧﺴﯘﺱ ﺗﯩﺒﻪﺕ ﺋﯩﺸﻠﯩﺮﻯ ﻣﻪﺳﺌﯘﻟﻰ Maria Otera ﻧﯩﯔ ﻗﻮﺑﯘﻝ ﻗﯩﻠﯩﺪﯨﻐﺎﻧﻠﯩﻘﯩﻨﻰ ﻫﻪﻡ ﺋﻮﺑﺎﻣﺎﻧﯩﯔ ﻧﻮﻳﺎﺑﯩﺮﺩﯨﻜﻰ ﺧﯩﺘﺎﻱ ﺯﯨﻴﺎﺭﯨﺘﻰ ﺩﺍﯞﺍﻣﯩﺪﺍ، ﺋﯩﻨﺴﺎﻥ ﻫﻪﻗﻠﯩﺮﻯ ﻣﻪﺳﯩﻠﯩﺴﯩﻨﻰ ﺋﻮﺗﺘﯘﺭﯨﻐﺎ ﻗﻮﻳﯩﺪﯨﻐﺎﻧﻠﯩﻘﯩﻨﻰ ﺋﻪﺳﻜﻪﺭﺗﻜﻪﻥ.

ﺩﺍﻻﻱ ﻻﻣﺎﻧﯩﯔ ﺑﺎﻳﺎﻧﺎﺗﭽﯩﺴﻰ Kate Saunders ﻧﯩﯔ ﺑﯩﻠﺪﯛﺭﯛﺷﯩﭽﻪ، ﻛﯚﺭﯛﺷﯜﺷﻨﯩﯔ ﻛﯧﭽﯩﻜﺘﯜﺭﯛﻟﮕﻪﻧﻠﯩﻜﻰ ﺩﺍﻻﻱ ﻻﻣﺎﻏﺎ ﺋﯚﺗﻜﻪﻥ ﺋﺎﻳﺪﺍ ﺋﯘﻗﺘﯘﺭﯗﻟﻐﺎﻥ ﻳﻪﻧﻰ ﺋﻮﺑﺎﻣﺎ ﻫﯚﻛﯜﻣﯩﺘﯩﻨﯩﯔ ﯞﻩﻛﯩﻠﻠﯩﺮﻯ ﺋﯚﺗﻜﻪﻥ ﺋﺎﻱ، ﺩﺍﺭﺍﻣﺴﺎﻻﺩﺍ ﺩﺍﻻﻱ ﻻﻣﺎﻧﻰ ﺯﯨﻴﺎﺭﻩﺕ ﻗﯩﻠﻐﺎﻥ ﭼﯧﻐﯩﺪﺍ، ﻛﯚﺭﯛﺷﯜﺷﻨﯩﯔ ﻛﯧﭽﯩﻜﺘﯜﺭﯛﻟﮕﻪﻧﻠﯩﻜﻰ ﻫﻪﻗﻘﯩﺪﻩ ﻣﻪﻟﯘﻣﺎﺕ ﺑﯧﺮﯨﻠﮕﻪﻥ. ﺩﺍﻻﻱ ﻻﻣﺎ ﺑﯘ ﻫﻪﻗﺘﻪ ﺋﯩﭙﺎﺩﻩ ﺑﯩﻠﺪﯛﺭﮔﻪﻧﺪﻩ، ﺧﯩﺘﺎﻱ - ﺋﺎﻣﯧﺮﯨﻜﺎ ﻣﯘﻧﺎﺳﯩﯟﯨﺘﻰ ﻧﻮﺭﻣﺎﻟﻠﯩﻘﯩﻨﻰ ﺳﺎﻗﻠﯩﺴﺎ، ﺧﯩﺘﺎﻱ - ﺗﯩﺒﻪﺕ ﺳﯚﻫﺒﯩﺘﯩﻨﯩﯔ ﺗﻪﺭﻩﻗﻘﯩﻴﺎﺗﯩﻐﺎ ﭘﺎﻳﺪﯨﻠﯩﻖ ﺑﻮﻟﯩﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﮔﻪﻥ.

ﺩﺍﻻﻱ ﻻﻣﺎﻧﯩﯔ ﺑﻪﺵ ﻛﯜﻧﻠﯜﻙ ﺋﺎﻣﯧﺮﯨﻜﺎ ﺯﯨﻴﺎﺭﯨﺘﻰ ﺗﯜﻧﯜﮔﯜﻥ ﺑﺎﺷﻼﻧﻐﺎﻥ ﺑﻮﻟﯘﭖ، ﺋﯘ ﺯﯨﻴﺎﺭﯨﺘﻰ ﺩﺍﯞﺍﻣﯩﺪﺍ ﻧﻪﻧﺴﻰ ﭘﯧﻠﻮﺳﻰ ﻗﺎﺗﺎﺭﻟﯩﻖ ﺋﺎﻣﯧﺮﯨﻜﺎ ﺩﯙﻟﻪﺕ ﻣﻪﺟﻠﯩﺴﯩﻨﯩﯔ ﺋﺎﻟﯩﻲ ﺭﻩﻫﺒﻪﺭﻟﯩﺮﻯ ﺑﯩﻠﻪﻥ ﻛﯚﺭﯛﺷﯩﺪﯗ.