ﺋﻪﻣﻤﺎ ﺋﯘ ﺋﺎﺳﯩﻴﺎ ﺯﯨﻴﺎﺭﯨﺘﻰ ﺟﻪﺭﻳﺎﻧﯩﺪﺍ ﮔﯜﻩﻧﺘﺎﻧﺎﻣﻮ ﺗﯜﺭﻣﯩﺴﯩﻨﯩﯔ ﺋﻪﺳﻠﯩﺪﯨﻜﻰ ﭘﯩﻼﻥ ﻗﯩﻠﻐﺎﻥ ﯞﺍﻗﯩﺘﺘﺎ ﺗﺎﻗﺎﻟﻤﺎﻳﺪﯨﻐﺎﻧﻠﯩﻘﯩﻨﻰ ﻗﻮﺑﯘﻝ ﻗﯩﻠﻐﺎﻥ ﺑﻮﻟﺴﯩﻤﯘ، ﺋﯚﺯﯨﻨﯩﯔ ﺑﯘﻧﯩﯖﺪﯨﻦ ﺋﯜﻣﯩﺪﺳﯩﺰﻟﻪﻧﻤﯩﮕﻪﻧﻠﯩﻜﯩﻨﻰ، ﺑﯘ ﺋﯩﺸﻨﯩﯔ ﺋﯘﻧﺪﺍﻕ ﺋﺎﺳﺎﻧﻐﺎ ﭼﯜﺷﻤﻪﻳﺪﯨﻐﺎﻧﻠﯩﻘﯩﻨﻰ ﺑﺎﺷﺘﯩﻼ ﺑﯩﻠﯩﺪﯨﻐﺎﻧﻠﯩﻘﯩﻨﻰ ﺋﯧﻴﯩﺘﺘﻰ.

ﺧﻪﯞﻩﺭﻟﻪﺭﺩﯨﻦ ﻣﻪﻟﯘﻡ ﺑﻮﻟﯘﺷﯩﭽﻪ، ﮔﯜﻩﻧﺘﺎﻧﺎﻣﻮ ﺗﯜﺭﻣﯩﺴﯩﺪﻩ ﻫﺎﺯﯨﺮ ﻳﻪﻧﻪ 220 ﺋﻪﺗﺮﺍﭘﯩﺪﺍ ﻣﻪﻫﺒﯘﺱ ﺗﯘﺗﯘﭖ ﺗﯘﺭﯗﻟﯘﯞﺍﺗﻘﺎﻥ ﺑﻮﻟﯘﭖ، ﺑﯘﻻﺭﻧﯩﯔ ﺋﯩﭽﯩﺪﻩ 7 ﻧﻪﭘﻪﺭ ﺋﯘﻳﻐﯘﺭﻣﯘ ﺑﺎﺭ. ﺋﺎﻣﯧﺮﯨﻜﺎ ﻫﺎﺯﯨﺮ ﮔﯜﻩﻧﺘﺎﻧﺎﻣﻮ ﺗﯜﺭﻣﯩﺴﯩﺪﻩ ﮔﯘﻧﺎﻫﺴﯩﺰﻟﯩﻘﻰ ﺋﯩﺴﭙﺎﺗﻼﻧﻐﺎﻥ، ﺋﻪﻣﻤﺎ ﺩﯙﻟﯩﺘﯩﮕﻪ ﻗﺎﻳﺘﻘﺎﻥ ﺗﻪﻗﺪﯨﺮﺩﻩ ﻫﺎﻳﺎﺗﯩﻲ ﺧﻪﯞﭘﻜﻪ ﺋﯘﭼﺮﺍﻳﺪﯨﻐﺎﻧﻠﯩﻘﻰ ﺳﻪﯞﻩﺑﻠﯩﻚ ﺋﯚﺯ ﺩﯙﻟﯩﺘﯩﮕﻪ ﻗﺎﻳﺘﯘﺭﯗﻟﻤﺎﻳﺪﯨﻐﺎﻥ ﻛﯩﺸﯩﻠﻪﺭ ﺋﯜﭼﯜﻥ ﺋﯜﭼﯩﻨﭽﻰ ﺑﯩﺮ ﺩﯙﻟﻪﺕ ﺗﯧﭙﯩﺶ ﺋﯜﭼﯜﻥ ﺑﻪﺯﻯ ﺩﯙﻟﻪﺗﻠﻪﺭ ﺑﯩﻠﻪﻥ ﻛﯚﺭﯛﺷﯜﯞﺍﺗﻘﺎﻥ ﺋﯩﻜﻪﻥ.

ﺋﻪﻣﻤﺎ ﺑﯩﺮﻟﻪﺷﻤﻪ ﺋﺎﮔﯧﻨﺘﻠﯩﻘﻨﯩﯔ ﺧﻪﻩﯞﻩﺭ ﻗﯩﻠﯩﺸﯩﭽﻪ، ﻫﺎﺯﯨﺮ ﺑﯘ ﻛﯩﺸﯩﻠﻪﺭ ﺋﯜﭼﯜﻥ ﺋﯜﭼﯩﻨﭽﻰ ﺑﯩﺮ ﺩﯙﻟﻪﺕ ﺗﯧﭙﯩﺶ ﻗﯧﻴﯩﻨﻐﺎ ﺗﻮﺧﺘﺎﯞﺍﺗﻘﺎﻥ ﺑﻮﻟﯘﭖ، ﻛﯜﺯﻩﺗﻜﯜﭼﯩﻠﻪﺭﻧﯩﯔ ﺑﻪﺯﯨﻠﯩﺮﻯ ﺋﻮﺑﺎﻣﺎﻧﯩﯔ ﺋﺎﻣﯧﺮﯨﻜﯩﻐﺎ ﻧﯩﺴﺒﻪﺗﻪﻥ ﻫﯧﭽﻘﺎﻧﺪﺍﻕ ﺗﻪﻫﺪﯨﺖ ﺑﻮﻟﻤﺎﻳﺪﯨﻐﺎﻧﻠﯩﻘﻰ ﺋﯩﺴﭙﺎﺗﻠﯩﻨﯩﭗ ﺑﻮﻟﻐﺎﻥ ﺋﯘﻳﻐﯘﺭﻻﺭﻧﻰ ﺋﺎﻣﯧﺮﯨﻜﯩﻐﺎ ﻗﻮﺑﯘﻝ ﻗﯩﻠﻤﺎﺳﻠﯩﻖ ﻗﺎﺭﺍﺭﯨﻐﺎ ﻗﻮﻝ ﻗﻮﻳﯘﺵ ﺋﺎﺭﻗﯩﻠﯩﻖ ﭘﯘﺭﺳﻪﺗﻨﻰ ﻗﻮﻟﺪﯨﻦ ﺑﯧﺮﯨﭗ ﻗﻮﻳﻐﺎﻧﻠﯩﻘﯩﻨﻰ ﺋﯧﻴﺘﻤﺎﻗﺘﺎ.

ﺋﺎﻣﯧﺮﯨﻜﺎ ﮔﯜﻩﻧﺘﺎﻧﺎﻣﻮ ﺋﯩﺶ ﭘﯩﻼﻧﯩﻨﯩﯔ ﺋﺎﺩﯞﻭﻛﺎﺗﻠﯩﺮﯨﺪﯨﻦ ﺷﺎﻳﺎﻧﺎ ﻛﺎﺩﯨﺪﺍﻝ ﺧﺎﻧﯩﻢ ﺑﯩﺮﻟﻪﺷﻤﻪ ﺋﺎﮔﯧﻨﺘﻠﯩﻘﯩﻐﺎ ﺑﯘ ﻫﻪﻗﺘﻪ ﺗﻮﺧﺘﯩﻠﯩﭗ " ﺋﻪﮔﻪﺭ ﺋﻮﺑﺎﻣﺎ ﺑﯘ ﺋﯘﻳﻐﯘﺭﻻﺭﻧﯩﯔ ﺑﯩﺮ ﻗﯩﺴﻤﯩﻨﻰ ﺑﻮﻟﺴﯩﻤﯘ ﺋﺎﻣﯧﺮﯨﻜﯩﻐﺎ ﺋﻮﺭﯗﻧﻼﺷﺘﯘﺭﻏﺎﻥ ﺑﻮﻟﺴﯩﺪﻯ، ﺑﯩﺰﻧﯩﯔ ﺩﯦﻠﻮﺳﻰ ﺗﯧﺨﯩﻤﯘ ﻣﯘﺭﻩﻛﻜﻪﭖ ﺑﻮﻟﻐﺎﻥ ﻛﯩﺸﯩﻠﻪﺭﻧﻰ ﻳﺎﯞﺭﯗﭘﺎﻏﺎ ﻗﻮﺑﯘﻝ ﻗﯩﻠﺪﯗﺭﯗﺷﯩﻤﯩﺰ ﺋﺎﺳﺎﻧﻐﺎ ﺗﻮﺧﺘﯩﻐﺎﻥ ﺑﻮﻻﺗﺘﻰ" ﺩﯦﺪﻯ.
 
ﮔﻪﺭﭼﻪ ﺑﺎﺭﺍﻙ ﺋﻮﺑﺎﻣﺎ ﮔﯜﻩﻧﺘﺎﻧﺎﻣﻮ ﺗﯜﺭﻣﯩﺴﯩﻨﻰ ﭘﯜﺗﯜﻧﻠﻪﻱ ﺗﺎﻗﺎﺵ ﭘﯩﻼﻧﯩﻨﯩﯔ ﻗﺎﭼﺎﻧﻐﯩﭽﻪ ﻛﯧﭽﯩﻜﺘﯜﺭﯛﻟﮕﻪﻧﻠﯩﻜﻰ ﻫﻪﻗﻘﯩﺪﻩ ﺋﯧﻨﯩﻖ ﺑﯩﺮ ﻧﻪﺭﺳﻪ ﺩﯦﻤﯩﮕﻪﻥ ﺑﻮﻟﺴﯩﻤﯘ، ﯞﻩﺯﯨﻴﻪﺕ ﻣﯘﺷﯘﻧﺪﺍﻕ ﺩﺍﯞﺍﻡ ﻗﯩﻠﺴﺎ ﮔﯜﻩﻧﺘﺎﻧﺎﻣﻮﻧﻰ ﺗﺎﻗﺎﺷﻨﯩﯔ ﻗﯧﻴﯩﻨﻐﺎ ﺗﻮﺧﺘﺎﻳﺪﯨﻐﺎﻧﻠﯩﻘﻰ، ﺋﺎﻣﯧﺮﯨﻜﯩﻨﯩﯔ ﺋﯚﺯﯨﻨﯩﯔ ﺋﯩﺘﺘﯩﭙﺎﻗﺪﺍﺷﻠﯩﺮﯨﻨﯩﯔ ﻳﺎﺭﺩﯨﻤﯩﺴﯩﺰ ﺑﯘ ﺋﯩﺸﻨﻰ ﺑﺎﺷﻘﺎ ﺋﯧﻠﯩﭗ ﭼﯩﻘﺎﻟﻤﺎﻳﺪﯨﻐﺎﻧﻠﯩﻘﻰ ﭘﻪﺭﻩﺯ ﻗﯩﻠﯩﻨﻤﺎﻗﺘﺎ.