ﻧﻮﺑﯩﻞ ﻛﻮﻣﯩﺘﯧﺘﻰ ﻳﻪﻧﻪ ﺋﻮﺑﺎﻣﺎﻧﯩﯔ ﺧﻪﻟﻘﺌﺎﺭﺍ ﺳﯩﻴﺎﺳﻰ ﺳﻪﻫﻨﯩﺪﻩ ﻳﯧﯖﻰ ﻛﻪﻳﭙﯩﻴﺎﺕ ﻳﺎﺭﯨﺘﯩﭗ، ﻛﯚﭖ ﺗﻪﺭﻩﭘﻠﯩﻤﯩﻠﯩﻚ ﺩﯨﭙﻠﻮﻣﺎﺗﯩﻴﯩﻨﯩﯔ ﺩﯗﻧﻴﺎ ﺳﻪﻫﻨﯩﺴﯩﺪﻩ ﺟﺎﻧﻠﯩﻨﯩﺸﯩﻨﻰ ﺋﯩﻠﮕﯩﺮﻯ ﺳﯜﺭﮔﻪﻧﻠﯩﻜﯩﻨﻰ، ﺏ ﺩ ﺕ ﯞﻩ ﺧﻪﻟﻘﺌﺎﺭﺍ ﺗﻪﺷﻜﯩﻼﺗﻼﺭﻧﯩﯔ ﺭﻭﻟﯩﻐﺎ ﺋﻪﻫﻤﯩﻴﻪﺕ ﺑﻪﺭﮔﻪﻧﻠﯩﻜﯩﻨﻰ، ﺧﻪﻟﻘﺌﺎﺭﺍ ﺋﯩﺨﺘﯩﻼﭘﻼﺭﻧﻰ ﺳﯚﻫﺒﻪﺕ ﯞﻩ ﺩﯨﺌﺎﻟﻮﮒ ﺑﯩﻠﻪﻥ ﺑﯩﺮ ﺗﻪﺭﻩﭖ ﻗﯩﻠﯩﺸﻨﻰ ﺋﺎﻟﺪﯨﻨﻘﻰ ﺋﻮﺭﯗﻧﻐﺎ ﻗﻮﻳﻐﺎﻧﻠﯩﻘﯩﻨﻰ ﺗﻪﻛﯩﺘﻠﯩﮕﻪﻥ. ﻟﯧﻜﯩﻦ ﻣﯘﻛﺎﭘﺎﺗﻨﯩﯔ ﺋﻮﺑﺎﻣﺎﻏﺎ ﺑﯧﺮﯨﻠﮕﻪﻧﻠﯩﻜﻰ ﻏﻪﺭﺏ ﺋﻪﻟﻠﯩﺮﯨﺪﻩ ﻛﯩﺸﯩﻠﻪﺭﻧﻰ ﻫﻪﻳﺮﺍﻥ ﻗﺎﻟﺪﯗﺭﺩﻯ ﯞﻩ ﺗﺎﻻﺵ - ﺗﺎﺭﺗﯩﺶ ﻗﻮﺯﻏﯩﺪﻯ.

ﺋﯘﻳﻐﯘﺭﻻﺭﻧﯩﯔ ﺭﻩﻫﺒﯩﺮﻯ، ﻧﻮﺑﯩﻞ ﺗﯩﻨﭽﻠﯩﻖ ﻣﯘﻛﺎﭘﺎﺗﻰ ﻧﺎﻣﺰﺍﺗﻰ ﺭﺍﺑﯩﻴﻪ ﻗﺎﺩﯨﺮ "ﺋﻪﻣﺪﻯ ﺋﯘ، ﺑﯘ ﻣﯘﻛﺎﭘﺎﺗﻘﺎ ﻻﻳﯩﻖ ﺑﻪﺯﻯ ﺋﯩﺸﻼﺭﻧﻰ ﻗﯩﻠﯩﺸﻰ ﻛﯧﺮﻩﻙ. ﺑﯘ ﻣﯘﻛﺎﭘﺎﺕ ﺋﯘﻧﯩﯔ ﺯﯗﻟﯘﻡ ﺋﺎﺳﺘﯩﺪﯨﻜﻰ ﻣﯩﻠﻠﻪﺗﻠﻪﺭﻧﯩﯔ ﻳﯧﻨﯩﺪﯨﻦ ﺋﻮﺭﯗﻥ ﺋﯧﻠﯩﺸﯩﻐﺎ ﺑﻮﻟﻐﺎﻥ ﺋﺎﺭﺯﯗ - ﺋﯜﻣﯩﺪﻟﻪﺭﻧﻰ ﻛﯜﭼﻪﻳﺘﺘﻰ،" ﺩﻩﻳﺪﯗ. ﺭﺍﺑﯩﻴﻪ ﺧﺎﻧﯩﻢ ﺋﯩﻠﮕﯩﺮﻯ ﺋﻮﺑﺎﻣﺎ ﻫﯚﻛﯜﻣﯩﺘﯩﻨﻰ ﺧﯩﺘﺎﻳﻨﯩﯔ 5 ‏ - ﺋﯩﻴﯘﻟﺪﯨﻜﻰ ﺋﯘﻳﻐﯘﺭﻻﺭﻧﻰ ﺑﺎﺳﺘﯘﺭﯗﺵ ﻫﻪﺭﯨﻜﯩﺘﯩﮕﻪ "ﺳﯜﻛﯜﺕ ﻗﯩﻠﺪﻯ" ﺩﻩﭖ ﺗﻪﻧﻘﯩﺪﻟﯩﮕﻪﻥ.

ﻟﯧﻜﯩﻦ ﻣﯘﻛﺎﭘﺎﺗﻨﯩﯔ ﺋﻮﺑﺎﻣﺎﻏﺎ ﺑﯧﺮﯨﻠﮕﻪﻧﻠﯩﻜﻰ ﺧﯩﺘﺎﻱ ﺋﯚﻛﺘﯩﭽﯩﻠﯩﺮﯨﻨﯩﯔ ﺋﺎﻣﯧﺮﯨﻜﯩﺪﯨﻜﻰ ﺭﻩﻫﺒﯩﺮﻯ ﯞﺍﯓ ﺩﻩﻧﻨﻰ ﺋﯜﻣﯩﺪﺳﯩﺰﻟﻪﻧﺪﯛﺭﮔﻪﻥ. ﺋﯘ ﺑﯘ ﻣﯘﻛﺎﭘﺎﺗﻘﺎ "ﺟﯘﯕﮕﻮﻧﯩﯔ ﻣﯘﻫﺘﺎﺝ" ﺋﯩﻜﻪﻧﻠﯩﻜﯩﻨﻰ ﺑﯩﻠﺪﯛﺭﮔﻪﻥ. ﺋﻪﻣﻤﺎ، ﻳﺎﯞﺭﻭﭘﺎ ﺋﯩﺘﺘﯩﭙﺎﻗﻰ ﺭﻩﺋﯩﺴﻰ ﺑﺎﺭﻭﺳﺴﻮ، ﻓﺮﺍﻧﺴﯩﻴﻪ ﭘﺮﯦﺰﯨﺪﯦﻨﺘﻰ ﺳﺎﺭﻛﻮﺯﯨﻲ، ﮔﯧﺮﻣﺎﻧﯩﻴﻪ ﺑﺎﺵ ﻣﯩﻨﯩﺴﺘﯩﺮﻯ ﻣﯧﺮﻛﯧﻞ، ﺟﻪﻧﯘﺑﯩﻲ ﺋﺎﻓﺮﯨﻘﺎ ﺋﯧﭙﯩﺴﻜﻮﭘﻰ ﺋﯧﺪﻣﻮﻧﺖ ﺗﯘﺗﯘ ﻗﺎﺗﺎﺭﻟﯩﻘﻼﺭ ﻧﯘﺭﻏﯘﻥ ﻛﯩﺸﯩﻠﻪﺭ ﻣﯘﻛﺎﭘﺎﺗﻨﯩﯔ ﺋﻮﺑﺎﻣﺎﻏﺎ ﺑﯧﺮﯨﻠﮕﻪﻧﻠﯩﻜﯩﻨﻰ ﺗﻪﺑﺮﯨﻜﻠﯩﮕﻪﻥ.