ﺋﯘﻳﻐﯘﺭ > خەۋەرلەر > ﺑﯜﮔﯜﻧﻜﻰ ﻗﯩﺴﻘﺎ ﺧﻪﯞﻩﺭﻟﻪﺭ

ﺋﯘﻳﻐﯘﺭﻻﺭ، ﺩﯗﻧﻴﺎﻧﯩﯔ ﻫﻪﺭﻗﺎﻳﺴﻰ ﺟﺎﻳﻠﯩﺮﯨﺪﺍ ﺧﯩﺘﺎﻱ ﺑﺎﻳﺮﯨﻤﯩﻐﺎ ﻗﺎﺭﺷﻰ ﻧﺎﻣﺎﻳﯩﺶ ﺋﯚﺗﻜﯜﺯﺩﻯ

مۇخبىرىمىز شۆھرەت ھوشۇر

2008-10-01

ﺑﯜﮔﯜﻥ ﻳﻪﻧﻰ 1 ‏ - ﺋﯚﻛﺘﻪﺑﯩﺮ ﻛﯜﻧﻰ ﺩﯗﻧﻴﺎﻧﯩﯔ ﻫﻪﺭﻗﺎﻳﺴﻰ ﺟﺎﻳﻠﯩﺮﯨﺪﯨﻜﻰ ﺋﯘﻳﻐﯘﺭ ﺗﻪﺷﻜﯩﻼﺗﻠﯩﺮﻯ، ﺧﯩﺘﺎﻳﻨﯩﯔ ﺩﯙﻟﻪﺕ ﺑﺎﻳﺮﯨﻤﯩﻐﺎ ﻗﺎﺭﺷﻰ ﻧﺎﻣﺎﻳﯩﺶ ﺋﯚﺗﻜﯜﺯﺩﻯ ﻧﺎﻣﺎﻳﯩﺸﻼﺭﺩﺍ ﺧﯩﺘﺎﻳﻼﺭ ﺋﯜﭼﯜﻥ ﺩﯙﻟﻪﺕ ﺑﺎﻳﺮﯨﻤﻰ ﺳﯜﭘﯩﺘﯩﺪﻩ ﺗﻪﺑﺮﯨﻜﻠﯩﻨﯩﯟﺍﺗﻘﺎﻥ ﺑﯘ ﻛﯜﻧﻨﯩﯔ، ﺋﯘﻳﻐﯘﺭﻻﺭ ﺋﯜﭼﯜﻥ، ﻣﯩﻠﻠﯩﻲ ﺩﯙﻟﯩﺘﯩﺪﯨﻦ ﺋﺎﻳﺮﯨﻠﻐﺎﻥ ﯞﻩ ﻣﯩﻠﻠﯩﻲ ﺯﯗﻟﯘﻡ ﺑﺎﺷﻼﻧﻐﺎﻥ ﻣﯘﺳﯩﺒﻪﺗﻠﯩﻚ ﻛﯜﻥ ﺋﯩﻜﻪﻧﻠﯩﻜﻰ ﺑﯩﻠﺪﯛﺭﯛﻟﺪﻯ.

ﻧﺎﻣﺎﻳﯩﺶ، ﺋﺎﻣﯧﺮﯨﻜﯩﻨﯩﯔ ﯞﺍﺷﯩﻨﮕﺘﻮﻥ، ﺋﺎﯞﺳﺘﺮﺍﻟﯩﻴﯩﻨﯩﯔ ﺳﯧﺪﻧﯩﻲ، ﮔﯧﺮﻣﺎﻧﯩﻴﯩﻨﯩﯔ ﻣﯩﻴﯘﻧﺨﯧﻦ، ﻧﻮﺭﯞﯦﮕﯩﻴﯩﻨﯩﯔ ﺋﻮﺳﻠﻮ ﯞﻩ ﮔﻮﻟﻼﻧﺪﯨﻴﯩﻨﯩﯔ ﺋﺎﻣﯩﺴﺘﯧﺮﺩﺍﻡ ﺷﻪﻫﻪﺭﻟﯩﺮﯨﺪﻩ ﺋﯧﻠﯩﭗ ﺑﯧﺮﯨﻠﺪﻯ. ﻧﺎﻣﺎﻳﯩﺶ ﺩﯗﻧﻴﺎ ﺋﯘﻳﻐﯘﺭ ﻗﯘﺭﯗﻟﺘﯩﻴﯩﻨﯩﯔ ﺋﻮﺭﯗﻧﻼﺷﺘﯘﺭﯗﺷﻰ ﺑﻮﻳﯩﭽﻪ ﺋﯧﻠﯩﭗ ﺑﯧﺮﯨﻠﺪﻯ.

ﻧﺎﻣﺎﻳﯩﺸﻼﺭﺩﺍ ﺋﺎﻟﺪﻯ ﺑﯩﻠﻪﻥ 1‏ - ﺋﯚﻛﺘﻪﺑﯩﺮﮔﻪ ﻗﺎﺭﺷﻰ ﺑﺎﻳﺎﻧﺎﺗﻼﺭ ﺋﻮﻗﯘﻟﺪﻯ. ﺑﺎﻳﺎﻧﺎﺗﻼﺭﺩﯨﻦ ﻛﯧﻴﯩﻦ، ﺋﺎﻱ - ﻳﯘﻟﺘﯘﺯﻟﯘﻕ ﻛﯚﻙ ﺑﺎﻳﺮﺍﻕ ﻛﯚﺗﯜﺭﮔﻪﻥ ﻧﺎﻣﺎﻳﯩﺸﭽﯩﻼﺭ، ﺧﯩﺘﺎﻱ ﺋﻪﻟﭽﯩﺨﺎﻧﯩﺴﻰ ﺋﺎﻟﺪﻯ ﯞﻩ ﺷﻪﻫﻪﺭ ﻣﻪﺭﻛﻪﺯﻟﯩﺮﯨﺪﻩ ﻳﯜﺭﯛﺵ ﻗﯩﻠﺪﻯ.

ﺋﺎﯞﺳﺘﺮﺍﻟﯩﻴﻪ ﺋﯘﻳﻐﯘﺭ ﺟﻪﻣﺌﯩﻴﯩﺘﻰ ﻧﺎﻣﺎﻳﯩﺸﺘﯩﻦ ﻛﯧﻴﯩﻦ ﻳﻪﻧﻪ، ﺳﯧﺪﻧﯩﻲ ﺋﯘﻧﯩﯟﯦﺮﺳﯩﺘﯧﺘﯩﺪﺍ ﺑﯩﺮ ﺋﯩﻠﻤﯩﻲ ﻳﯩﻐﯩﻦ ﺋﯚﺗﻜﯜﺯﺩﻯ. ﻳﯩﻐﯩﻨﺪﺍ ﺧﯩﺘﺎﻳﻨﯩﯔ ﺩﯙﻟﻪﺕ ﺑﺎﻳﺮﯨﻤﻰ ﯞﻩ ﺋﯘﻳﻐﯘﺭ ﯞﻩﺯﯨﻴﯩﺘﻰ ﻫﻪﻗﻘﯩﺪﻩ ﺗﻮﻧﯘﺷﺘﯘﺭﯗﺵ ﺋﯧﻠﯩﭗ ﺑﯧﺮﯨﻠﺪﻯ. ﻳﯩﻐﯩﻨﻐﺎ ﺋﯘﻧﯩﯟﯦﺮﺳﯩﺘﯧﺖ ﺋﻮﻗﯘﻏﯘﭼﯩﻠﯩﺮﻯ، ﻣﯘﺗﻪﺧﻪﺳﺴﯩﺴﻠﻪﺭ ﯞﻩ ﺋﺎﺧﺒﺎﺭﺍﺗﭽﯩﻼﺭﺩﯨﻦ ﺑﻮﻟﯘﭖ، 100 ﺩﯨﻦ ﺋﺎﺭﺗﯘﻕ ﻛﯩﺸﻰ ﻗﺎﺗﻨﺎﺷﺘﻰ.