ﺯﺍﺭﺩﺍﺭﻯ ﺑﯘ ﻳﯩﻞ 54 ﻳﺎﺷﺘﺎ، ﺋﯘ ﻗﻪﺳﺘﻠﻪﭖ ﺋﯚﻟﺘﯜﺭﯛﻟﮕﻪﻥ ﭘﺎﻛﯩﺴﺘﺎﻥ ﺳﺎﺑﯩﻖ ﺑﺎﺵ ﻣﯩﻨﯩﺴﺘﯩﺮﻯ ﺑﯩﻨﻪﺯﻩﺭ ﺑﯘﺗﺘﻮﻧﯩﯔ ﺋﯧﺮﻯ. ﺋﯘ 8 - ﺋﺎﻳﻨﯩﯔ 18 ‏ - ﻛﯜﻧﻰ ﻣﯘﺷﻪﺭﺭﻩﭖ ﯞﻩﺯﯨﭙﯩﺴﯩﺪﯨﻦ ﺑﯧﺴﯩﻢ ﺑﯩﻠﻪﻥ ﭼﯜﺷﯜﺭﯛﻟﮕﻪﻧﺪﯨﻦ ﻛﯧﻴﯩﻦ ﭘﺎﻛﯩﺴﺘﺎﻥ ﺧﻪﻟﻖ ﭘﺎﺭﺗﯩﻴﯩﺴﻰ ﺗﻪﺭﯨﭙﯩﺪﯨﻦ ﺭﻩﺳﻤﯩﻲ ﭘﺮﯦﺰﯨﺪﯦﻨﺖ ﻧﺎﻣﺰﺍﺗﻰ ﻗﯩﻠﯩﭗ ﻛﯚﺭﺳﯩﺘﯩﻠﮕﻪﻥ. ﻣﯘﺷﯘ ﺋﺎﻳﻨﯩﯔ 6 - ﻛﯜﻧﻰ ﭘﺮﯦﺰﯨﺪﯦﻨﺘﻠﯩﻖ ﺳﺎﻳﻠﯩﻤﯩﺪﺍ ﺋﯘﺗﯘﭖ ﭼﯩﻘﻘﺎﻥ ﺋﯩﺪﻯ.

ﺑﯘ ﻳﯧﯖﻰ ﭘﺮﯦﺰﯨﺪﯦﻨﺖ، ﻗﻪﺳﻪﻡ ﺑﯧﺮﯨﺶ ﻣﯘﺭﺍﺳﯩﻤﯩﺪﺍ، ﭘﺎﻛﯩﺴﺘﺎﻧﻨﯩﯔ ﺋﯩﻘﺘﯩﺴﺎﺩﻯ ﺑﺎﺭﻏﺎﻧﭽﻪ ﻧﺎﭼﺎﺭﻻﯞﺍﺗﻘﺎﻥ، ﺗﯜﺭﻟﯜﻙ ﭘﺎﺭﺗﻼﺷﻼﺭ ﺗﻮﺧﺘﯩﻤﺎﻱ ﻳﯜﺯ ﺑﯧﺮﯨﯟﺍﺗﻘﺎﻥ ﺑﯩﺮ ﻛﻪﺳﻜﯩﻦ ﯞﻩﺯﯨﻴﻪﺗﻜﻪ ﺗﺎﻣﺎﻣﻪﻥ ﻗﻪﻳﺴﯩﺮﺍﻧﻪ ﻳﯜﺯﻟﯩﻨﻪﻟﻪﻳﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﮔﻪﻥ.

ﭘﺮﯦﺰﯨﺪﯦﻨﺖ ﺯﺍﺭﺩﺍﺭﻯ ﻗﻪﺳﻪﻡ ﺑﯧﺮﯨﺶ ﻣﯘﺭﺍﺳﯩﻤﯩﺪﯨﻦ ﻛﯧﻴﯩﻨﻼ ﺋﺎﻓﻐﺎﻧﯩﺴﺘﺎﻥ ﭘﺮﯦﺰﯨﺪﯦﻨﺘﻰ ﻛﺎﺭﺯﺍﻱ ﺑﯩﻠﻪﻥ ﺑﯩﻠﻠﻪ ﺩﯙﻟﻪﺕ ﺋﯩﺸﻠﯩﺮﻯ ﻣﯘﻧﺎﺳﯩﯟﯨﺘﻰ ﺑﯩﻠﻪﻥ ﺋﻮﺭﺗﺎﻕ ﺋﺎﺧﺒﺎﺭﺍﺕ ﺑﯧﺮﯨﺶ ﻳﯩﻐﯩﻨﯩﻐﺎ ﻗﺎﺗﻨﺎﺷﻘﺎﻥ.

ﺋﺎﻓﻐﺎﻧﯩﺴﺘﺎﻥ ﭘﺮﯦﺰﯨﺪﯦﻨﺘﻰ ﺧﺎﻣﯩﺪ ﻛﺎﺭﺯﺍﻱ، ﺯﺍﺭﺩﺍﺭﯨﻨﯩﯔ ﭘﺮﯦﺰﯨﺪﯦﻨﺖ ﺑﻮﻟﻐﺎﻧﻠﯩﻘﯩﻨﻰ ﺗﻪﺑﺮﯨﻜﻠﯩﮕﻪﻧﺪﯨﻦ ﻛﯧﻴﯩﻦ،ﻳﯧﻘﯩﻦ ﻗﻮﺷﻨﺎ ﺑﻮﻟﻐﺎﻥ ﺋﺎﻓﻐﺎﻧﯩﺴﺘﺎﻥ ﺑﯩﻠﻪﻥ ﭘﺎﻛﯩﺴﺘﺎﻧﻨﯩﯔ ﻳﯜﺯﻟﯩﻨﯩﯟﺍﺗﻘﺎﻥ ﻣﻪﺳﯩﻠﯩﻠﯩﺮﯨﻨﯩﯖﻤﯘ ﺋﻮﺧﺸﺎﺷﻠﯩﻘﯩﻨﻰ، ﺑﻮﻟﯘﭘﻤﯘ ﺗﯧﺮﺭﻭﺭﻟﯘﻗﻘﺎ ﻗﺎﺭﺷﻰ ﻛﯜﺭﻩﺷﺘﻪ ﺋﻮﺭﺗﺎﻗﻠﯩﺸﯩﺸﻰ ﺯﯙﺭﯛﺭﻟﯩﻜﯩﻨﻰ ﺗﻪﻛﯩﺘﻠﯩﮕﻪﻥ.

ﺋﺎﺧﺒﺎﺭﺍﺕ ﺋﯧﻼﻥ ﻗﯩﻠﯩﺶ ﻳﯩﻐﯩﻨﯩﺪﺍ ﺯﺍﺭﺩﺍﺭﻯ، ﭘﺎﻛﯩﺴﺘﺎﻧﻨﯩﯔ ﺳﯩﻴﺎﺳﯩﻲ،ﺋﯩﻘﺘﯩﺴﺎﺩﯨﻲ ﻛﺮﯨﺰﯨﺴﻠﯩﺮﻯ ﺩﺍﯞﺍﻣﻠﯩﺸﯩﯟﺍﺗﻘﺎﻥ ﭘﻪﻳﺘﺘﻪ ﭘﺎﻛﯩﺴﺘﺎﻥ ﻫﯚﻛﯜﻣﯩﺘﯩﻨﯩﯔ ﺯﯨﺪﺩﯨﻴﻪﺗﻠﻪﺭﻧﻰ ﻳﯧﻨﯩﻜﻠﯩﺘﯩﺸﺘﻪ ﺟﯩﺪﺩﯨﻲ ﺗﻪﺩﺑﯩﺮﻟﻪﺭﻧﻰ ﻗﻮﻟﻠﯩﻨﯩﺪﯨﻐﺎﻧﻠﯩﻘﯩﻨﻰ ﺋﯧﻴﺘﻘﺎﻥ ﺷﯘﻧﺪﺍﻗﻼ ﺭﺍﻳﻮﻧﻨﯩﯔ ﻣﯘﻗﯩﻤﻠﯩﻘﻰ ﯞﻩ ﺗﻪﺭﻩﻗﻘﯩﻴﺎﺗﯩﻨﻰ ﺋﯩﻠﮕﯩﺮﻯ ﺳﯜﺭﯛﺵ ﻳﻮﻟﯩﺪﺍ ﻫﻪﺭ ﻗﺎﻳﺴﻰ ﺭﺍﻳﻮﻥ ﻫﻪﻡ ﺩﯙﻟﻪﺗﻠﻪﺭ ﺑﯩﻠﻪﻥ ﻫﻪﺭ ﻗﺎﻳﺴﻰ ﺳﺎﻫﻪﻟﻪﺭﺩﯨﻜﻰ ﻫﻪﻣﻜﺎﺭﻟﯩﻘﻨﻰ ﻳﻪﻧﯩﻤﯘ ﻛﯜﭼﻪﻳﺘﯩﺪﯨﻐﺎﻧﻠﯩﻘﯩﻨﻰ ﺋﯩﭙﺎﺩﯨﻠﯩﮕﻪﻥ.