ﻣﻪﻟﯘﻡ ﺑﻮﻟﯘﺷﯩﭽﻪ، ﻣﻪﺯﻛﯘﺭ ﻧﯘﺗﯘﻗﻨﻰ ﺧﺎﺭﺭﯨﻤﺎﻥ ﺋﯩﻨﺴﺘﯩﺘﯘﺗﯩﻨﯩﯔ ﺭﯗﺳﯩﻴﻪ، ﻳﺎﯞﺭﻭ‏ - ﺋﺎﺳﯩﻴﺎ ﯞﻩ ﺷﻪﺭﻗﯩﻲ ﻳﺎﯞﺭﻭﭘﺎ ﺗﻪﺗﻘﯩﻘﺎﺕ ﻣﻪﺭﻛﯩﺰﻯ ﺋﻮﺭﯗﻧﻼﺷﺘﯘﺭﻏﺎﻥ ﺑﻮﻟﯘﭖ، ﻧﯘﺗﯘﻕ 6 - ﻧﻮﻳﺎﺑﯩﺮ ﻛﻪﭼﻘﯘﺭﯗﻥ ﺳﺎﺋﻪﺕ 6:30 ﺑﺎﺷﻠﯩﻨﯩﭗ ﺳﯚﻫﺒﻪﺕ ﺷﻪﻛﻠﯩﺪﻩ ﺋﯧﻠﯩﭗ ﺑﯧﺮﯨﻠﯩﺪﯨﻜﻪﻥ.

ﻗﺎﺯﺍﻕ ﻳﺎﺯﻏﯘﭼﯩﺴﻰ ﺋﻮﻟﺠﺎﺱ ﺳﯘﻻﻳﻤﺎﻧﻮﻑ، 1936 - ﻳﯩﻠﻰ ﻗﺎﺯﺍﻗﯩﺴﺘﺎﻧﺪﺍ ﺗﯘﻏﯘﻟﻐﺎﻥ، ﻗﺎﺯﺍﻗﯩﺴﺘﺎﻥ ﯞﻩ ﻣﻮﺳﻜﯟﺍﺩﺍ ﺋﯧﻠﯩﻢ ﺗﻪﻫﺴﯩﻞ ﻗﯩﻠﻐﺎﻥ. ﺋﯘ 1975 - ﻳﯩﻠﻰ ﻳﺎﺯﻏﺎﻥ "ﺋﺎﺯﯨﻼ" ﻧﺎﻣﻠﯩﻖ ﺭﻭﻣﺎﻧﻰ ﺑﯩﻠﻪﻥ ﻗﺎﺯﺍﻗﯩﺴﺘﺎﻥ ﯞﻩ ﺋﻪﻳﻨﻰ ﺯﺍﻣﺎﻧﺪﯨﻜﻰ ﺳﻮﯞﯦﺘﻠﻪﺭ ﺋﯩﺘﺘﯩﭙﺎﻗﯩﺪﺍ ﺩﺍﯓ ﭼﯩﻘﺎﺭﻏﺎﻥ. ﺋﻮﻟﺠﺎﺱ ﺳﯘﻻﻳﻤﺎﻧﻮﻑ 1989 - ﻳﯩﻠﻰ ﻗﺎﺯﺍﻗﯩﺴﺘﺎﻧﺪﯨﻜﻰ ﻳﺎﺩﺭﻭ ﺋﻪﺳﻠﯩﻬﻪﻟﯩﺮﻯ ﯞﻩ ﻳﺎﺩﺭﻭ ﺑﻮﻣﺒﯩﺴﻰ ﺳﯩﻨﺎﻕ ﻗﯩﻠﯩﺪﯨﻐﺎﻥ ﺋﻮﺭﯗﻧﻼﺭﻧﻰ ﺗﺎﻗﺎﺷﻨﻰ ﺗﻪﺷﻪﺑﺒﯘﺱ ﻗﯩﻠﯩﺪﯨﻐﺎﻥ " ﻧﯧﯟﺍﺩﺍ ‏- ﺳﻪﻣﻪﻱ ﻫﻪﺭﯨﻜﯩﺘﻰ" ﻧﻰ ﻗﻮﺯﻏﺎﭖ ﺳﯩﻴﺎﺳﯩﻲ ﻫﺎﻳﺎﺗﯩﻨﻰ ﺑﺎﺷﻠﯩﻐﺎﻥ.

ﻣﻪﻟﯘﻡ ﺑﻮﻟﯘﺷﯩﭽﻪ، ﺋﻮﻟﺠﺎﺱ ﺳﯘﻻﻳﻤﺎﻧﻮﻑ ﻳﻪﻧﻪ، ﺋﻮﺗﺘﯘﺭﺍ ﺋﺎﺳﯩﻴﺎ ﺗﯜﺭﻛﯩﻲ ﺧﻪﻟﻘﻠﯩﺮﯨﻨﯩﯔ ﺑﯜﻳﯜﻙ ﺑﯩﺮﻟﯩﻜﻰ ﺗﻪﺷﻪﺑﺒﯘﺳﯩﻨﯩﻤﯘ ﺋﻮﺗﺘﯘﺭﯨﻐﺎ ﻗﻮﻳﻐﺎﻥ ﻗﺎﺯﺍﻕ ﺯﯨﻴﺎﻟﯩﻴﻠﯩﺮﯨﺪﯨﻦ ﺑﯩﺮﻯ ﺋﯩﻜﻪﻥ.

ﺋﯘ ﻫﺎﺯﯨﺮ ﻗﺎﺯﺍﻗﯩﺴﺘﺎﻧﻨﯩﯔ ﺑﯩﺮﻟﻪﺷﻜﻪﻥ ﺩﯙﻟﻪﺗﻠﻪﺭ ﺗﻪﺷﻜﯩﻼﺗﻰ ﭘﻪﻥ - ﻣﺎﺋﺎﺭﯨﭗ ﯞﻩ ﻣﻪﺩﻩﻧﯩﻴﻪﺕ ﺗﻪﺷﻜﯩﻼﺗﯩﺪﺍ ﺗﯘﺭﯗﺷﻠﯘﻕ ﺋﻪﻟﭽﯩﺴﻰ.