سۇ ئاپىتى قازاقىستاننىڭ ئاقسۇ ۋە قاراتال رايونلىرىدا يۈز بەرگەن. ئاپەت قىشىچە ياققان قار ۋە يامغۇر مىقدارىنىڭ كوپ بولۇشى نەتىجىسىدە مەزكۇر رايوندىكى سۇ ئامبارلىرىنىڭ سىغىمچانلىقى ئېشىپ كېتىش سەۋەبىدىن كېلىپ چىققان.
مەلۇم بولۇشىچە، بۈگۈنگە قەدەر سۇ ئاپىتىدە 30 ئادەم ئۆلگەن بولۇپ، 2500 ئادەم ئاپەتكە ئۇچرىغان. ئالمۇتا رايونلۇق ھۆكۈمەتنىڭ باياناتچىسى ئىلياس بىياكمەتوۋ ئاپەتتە 60 قا يېقىن ئوينىڭ بۇزغۇنچىلىققا ئۇچرىغانلىقىنى بىلدۈرگەن.
خەۋەرلەردە كۆرسىتىشىچە، كەلكۈن تالدىقورغان رايونىغىمۇ تەسىر قىلغان. نۆۋەتتە قازاق دائىرىلىرى 300 گە يېقىن قۇتقۇزغۇچى خادىمنى ئاپەت رايونىغا ئەۋەتكەن.