ﺭﺍﺑﯩﻴﻪ ﻗﺎﺩﯨﺮ ﺧﺎﻧﯩﻢ ﻣﯘﻧﺪﺍﻕ ﺩﯦﮕﻪﻥ: "ﺋﯘﻻﺭﻧﻰ ﻳﻪﺭﻟﻪﺷﺘﯜﺭﯛﺷﻜﻪ ﺋﺎﻣﯧﺮﯨﻜﺎ ﺋﻪﯓ ﻣﯘﯞﺍﭘﯩﻖ. ﻫﯧﭻ ﺑﻮﻟﻤﯩﻐﺎﻧﺪﺍ ﺑﯘﻻﺭﻧﻰ ﺑﯩﺮ ﻗﯩﺴﻤﻰ ﺑﻮﻟﺴﯩﻤﯘ ﺋﺎﻣﯧﺮﯨﻜﯩﻐﺎ ﺋﻮﺭﯗﻧﻼﺷﺘﯘﺭﯗﻟﯘﺷﻰ ﻛﯧﺮﻩﻙ."

ﮔﯘﻩﻧﺘﺎﻧﺎﻣﻮﺩﺍ ﺗﯘﺗﯘﭖ ﺗﯘﺭﯗﻟﯘﯞﺍﺗﻘﺎﻥ 17 ﻧﻪﭘﻪﺭ ﺋﯘﻳﻐﯘﺭﻧﯩﯔ 4 ﻧﻪﭘﯩﺮﻯ ﺑﯧﺮﻣﯘﺩﺍﻏﺎ ﺋﻮﺭﯗﻧﻼﺷﺘﯘﺭﯗﻟﻐﺎﻧﺪﯨﻦ ﻛﯧﻴﯩﻦ، ﻳﻪﻧﻪ 13 ﻧﻪﭘﻪﺭ ﺋﯘﻳﻐﯘﺭﻧﻰ ﺋﺎﺗﻼﻧﺘﯩﻚ ﺋﻮﻛﻴﺎﻧﺪﯨﻜﻰ ﺋﺎﺭﺍﻝ ﺩﯙﻟﯩﺘﻰ ﭘﺎﻻﯞ ﺟﯘﻣﻬﯘﺭﯨﻴﯩﺘﻰ ﻗﻮﺑﯘﻝ ﻗﯩﻠﯩﺸﻘﺎ ﻗﻮﺷﯘﻟﻐﺎﻥ ﺋﯩﺪﻯ.

ﺑﯘ ﻫﻪﻗﺘﻪ ﺗﻮﺧﺘﺎﻟﻐﺎﻥ ﺭﺍﺑﯩﻴﻪ ﻗﺎﺩﯨﺮ ﺧﺎﻧﯩﻢ، ﻧﺎﯞﺍﺩﺍ ﺑﯘ ﺋﯘﻳﻐﯘﺭﻻﺭﻧﯩﯔ ﻫﻪﻣﻤﯩﺴﻰ ﭘﺎﻻﯞﻏﺎ ﺑﯧﺮﯨﺸﻘﺎ ﻗﻮﺷﯘﻟﻐﺎﻥ ﺑﻮﻟﺴﺎ، ﺋﯘﻻﺭﻧﯩﯔ ﻗﺎﺭﺍﺭﯨﻐﺎ ﻫﯚﺭﻣﻪﺕ ﻗﯩﻠﯩﺪﯨﻐﺎﻧﻠﯩﻘﯩﻨﻰ ﻗﻮﺷﯘﻣﭽﻪ ﻗﯩﻠﻐﺎﻥ.

ﺋﯩﻠﮕﯩﺮﻯ ﻣﻪﺯﻛﯘﺭ ﺋﯘﻳﻐﯘﺭﻻﺭﻧﯩﯔ ﺋﺎﺩﯞﻭﻛﺎﺗﻠﯩﺮﯨﻤﯘ ﺋﯘﻳﻐﯘﺭﻻﺭﺩﯨﻦ ﺋﻪﯓ ﺋﺎﺯ ﺩﯦﮕﻪﻧﺪﻩ 4 ﻳﺎﻛﻰ 8 ﻧﻪﭘﯩﺮﯨﻨﯩﯔ ﭘﺎﻻﯞﻏﺎ ﺋﺎﻟﺪﯨﻦ ﻳﻪﺭﻟﻪﺷﺘﯜﺭﯛﻟﯜﺷﻰ ﻣﯘﻣﻜﯩﻨﻠﯩﻜﯩﻨﻰ ﺋﯩﻠﮕﯩﺮﻯ ﺳﯜﺭﮔﻪﻥ ﺋﯩﺪﻯ.

ﻣﻪﻟﯘﻡ ﺑﻮﻟﯘﺷﯩﭽﻪ، ﺭﺍﺑﯩﻴﻪ ﻗﺎﺩﯨﺮ ﺧﺎﻧﯩﻢ ﻳﯧﯖﻰ ﺯﯦﻠﻼﻧﺪﯨﻴﯩﺪﯨﻜﻰ ﺯﯨﻴﺎﺭﯨﺘﯩﻨﻰ ﺋﺎﺧﯩﺮﻻﺷﺘﯘﺭﯗﭖ، 14 - ﺋﯚﻛﺘﻪﺑﯩﺮ ﻛﻪﭼﻘﯘﺭﯗﻥ ﮔﯧﺮﻣﺎﻧﯩﻴﻨﯩﯔ ﻓﺮﺍﻧﻜﻔﻮﺭﺕ ﺷﻪﻫﯩﺮﯨﺪﻩ ﺋﯚﺗﻜﯜﺯﯛﻟﯩﺪﯨﻐﺎﻥ ﻛﯩﺘﺎﺏ ﻳﻪﺭﻣﻪﻧﻜﯩﺴﯩﮕﻪ ﻗﺎﺗﻨﯩﺸﯩﺶ ﺋﯜﭼﯜﻥ ﻳﻮﻝ ﺋﺎﻟﻐﺎﻥ.