ئۇيغۇر‎ > خەۋەرلەر > ﺑﯜﮔﯜﻧﻜﻰ ﻗﯩﺴﻘﺎ ﺧﻪﯞﻩﺭﻟﻪﺭ

ﺭﺍﺑﯩﻴﻪ ﺧﺎﻧﯩﻢ ﻓﺮﺍﻧﻜﻔﻮﺭﺕ ﺧﻪﻟﻘﺌﺎﺭﺍ ﻛﯩﺘﺎﺏ ﻳﻪﺭﻣﻪﻧﻜﯩﺴﯩﺪﯨﻜﻰ ﭘﺎﺋﺎﻟﯩﻴﯩﺘﯩﻨﻰ ﺑﺎﺷﻠﯩﺪﻯ

ﻣﯘﺧﺒﯩﺮﯨﻤﯩﺰ ﺋﻪﺭﻛﯩﻦ

2009-10-16

ﻓﺮﺍﻧﻜﻔﻮﺭﺕ ﺧﻪﻟﻘﺌﺎﺭﺍ ﻛﯩﺘﺎﺏ ﻳﻪﺭﻣﻪﻧﻜﯩﺴﯩﻨﯩﯔ ﺗﻪﻛﻠﯩﭙﯩﮕﻪ ﺑﯩﻨﺎﺋﻪﻥ ﮔﯧﺮﻣﺎﻧﯩﻴﯩﺪﻩ ﺯﯨﻴﺎﺭﯨﺘﯩﺪﯨﻜﻰ ﺋﯘﻳﻐﯘﺭ ﺭﻩﻫﺒﯩﺮﻯ، ﺩﯗﻧﻴﺎ ﺋﯘﻳﻐﯘﺭ ﻗﯘﺭﯗﻟﺘﯩﻴﻰ ﺭﻩﺋﯩﺴﻰ ﺭﺍﺑﯩﻴﻪ ﻗﺎﺩﯨﺮ ﺧﺎﻧﯩﻢ، ﻛﯩﺘﺎﺏ ﻳﻪﺭﻣﻪﻧﻜﯩﺴﯩﺪﯨﻜﻰ ﭘﺎﺋﺎﻟﯩﻴﯩﺘﯩﻨﻰ ﺷﻪﻧﺒﻪ ﻛﯜﻧﻰ ﺭﻩﺳﻤﯩﻲ ﺑﺎﺷﻼﻳﺪﯗ. ﺋﯘ ﻳﻪﺭﻣﻪﻧﻜﻪ ﺟﻪﺭﻳﺎﻧﯩﺪﺍ ﻳﻪﺭﻣﻪﻧﻜﯩﻨﻰ ﺋﯘﻳﯘﺷﺘﯘﺭﻏﯘﭼﻰ ﺋﻮﺭﮔﺎﻥ ﺋﻮﺭﯗﻧﻼﺷﺘﯘﺭﻏﺎﻥ ﺑﯩﺮ ﻗﺎﺗﺎﺭ ﭘﺎﺋﺎﻟﯩﻴﻪﺗﻠﻪﺭﮔﻪ ﻗﺎﺗﻨﯩﺸﯩﺪﯨﻜﻪﻥ.

ﺧﯩﺘﺎﻱ ﺑﯘ ﻗﯧﺘﯩﻤﻘﻰ ﻓﺮﺍﻧﻜﻔﻮﺭﺕ ﺧﻪﻟﻘﺌﺎﺭﺍ ﻛﯩﺘﺎﺏ ﻳﻪﺭﻣﻪﻧﻜﯩﺴﯩﺪﻩ ﺗﻮﻧﯘﺷﺘﯘﺭﯗﻟﯩﺪﯨﻐﺎﻥ ﻧﯘﻗﺘﯩﻠﯩﻖ ﺩﯙﻟﻪﺕ ﺑﻮﻟﯘﭖ، ﻳﻪﺭﻣﻪﻧﻜﻪ ﺟﻪﺭﻳﺎﻧﯩﺪﯨﻜﻰ ﻧﯘﺭﻏﯘﻥ ﭘﺎﺋﺎﻟﯩﻴﻪﺗﻠﻪﺭﻧﻰ ﺧﯩﺘﺎﻱ ﺑﯩﻠﻪﻥ ﮔﯧﺮﻣﺎﻧﯩﻴﻪ ﺑﯩﺮﮔﻪ ﺗﻪﺷﻜﯩﻠﻠﯩﮕﻪﻥ ﺋﯩﺪﻯ. ﺷﯘ ﺳﻪﯞﻩﺑﺘﯩﻦ ﮔﯧﺮﻣﺎﻧﯩﻴﻪ ﺗﻪﺭﻩﭘﻨﯩﯔ ﺭﺍﺑﯩﻴﻪ ﺧﺎﻧﯩﻤﻨﻰ ﻳﻪﺭﻣﻪﻧﻜﯩﮕﻪ ﺗﻪﻛﻠﯩﭗ ﻗﯩﻠﯩﺸﻰ ﺧﯩﺘﺎﻱ ﺗﻪﺭﻩﭘﻨﯩﯔ ﻗﺎﺭﺷﯩﻠﯩﻘﯩﻐﺎ ﺋﯘﭼﺮﯨﻐﺎﻥ. ﻟﯧﻜﯩﻦ ﮔﯧﺮﻣﺎﻧﯩﻴﻪ ﺭﺍﺑﯩﻴﻪ ﻗﺎﺩﯨﺮ ﺧﺎﻧﯩﻤﻨﻰ ﺗﻪﻛﻠﯩﭗ ﻗﯩﻠﯩﺶ ﭘﯩﻼﻧﯩﺪﯨﻦ ﯞﺍﺯ ﻛﯧﭽﯩﺸﻨﻰ ﺭﻩﺕ ﻗﯩﻠﻐﺎﻥ ﺋﯩﺪﻯ.

ﮔﯧﺮﻣﺎﻧﯩﻴﻪ ﺑﺎﺵ ﻣﯩﻨﯩﺴﺘﯩﺮﻯ ﺋﺎﻧﮕﯧﻼ ﻣﯧﺮﻛﯩﻞ ﺧﺎﻧﯩﻢ ﺋﺎﻟﺪﯨﻨﻘﻰ ﻛﯜﻧﻰ ﺧﯩﺘﺎﻳﻨﯩﯔ ﻣﯘﺋﺎﯞﯨﻦ ﺩﯙﻟﻪﺕ ﺭﻩﺋﯩﺴﻰ ﺷﻰ ﺟﯩﻨﭙﯩﯖﻨﯩﯔ ﻗﺎﺗﻨﯩﺸﯩﺸﯩﺪﯨﻜﻰ ﻳﻪﺭﻣﻪﻧﻜﯩﻨﯩﯔ ﺋﯧﭽﯩﻠﯩﺶ ﻣﯘﺭﺍﺳﯩﻤﯩﺪﺍ ﺳﯚﺯ ﻗﯩﻠﯩﭗ، "ﺳﯚﺯ ﯞﻩ ﭘﯩﻜﯩﺮ ﺋﻪﺭﻛﯩﻨﻠﯩﻜﯩﮕﻪ ﻫﯚﺭﻣﻪﺕ ﻗﯩﻠﯩﺶ"ﻧﯩﯔ ﻣﯘﻫﯩﻤﻠﯩﻘﯩﻨﻰ ﺗﻪﻛﯩﺘﻠﯩﮕﻪﻥ. ﺭﺍﺑﯩﻴﻪ ﺧﺎﻧﯩﻢ ﺟﯜﻣﻪ ﻛﯜﻧﻰ ﮔﯧﺮﻣﺎﻧﯩﻴﻪ ﺩﻭﻟﻘﯘﻧﻰ ﺭﺍﺩﯨﺌﻮﺳﯩﻨﯩﯔ ﺑﻮﻧﯩﻨﺪﯨﻜﻰ ﻣﻪﺭﻛﯩﺰﯨﻨﻰ ﺯﯨﻴﺎﺭﻩﺕ ﻗﯩﻠﯩﭗ، ﺑﯘ ﻳﻪﺭﺩﻩ ﺋﺎﺧﺒﺎﺭﺍﺕ ﺋﯧﻼﻥ ﻗﯩﻠﯩﺶ ﻳﯩﻐﯩﻨﻰ ﺋﯚﺗﻜﯜﺯﮔﻪﻥ.

ﺋﯘ ﻳﯩﻐﯩﻨﺪﺍ ﺧﻪﻟﻘﺌﺎﺭﺍ ﺟﻪﻣﺌﯩﻴﻪﺗﻨﻰ "5‏ - ﺋﯩﻴﯘﻝ ﯞﻩﻗﻪﺳﻰ" ﺋﯜﺳﺘﯩﺪﯨﻦ ﺗﻪﻛﺸﯜﺭﯛﺵ ﺋﯧﻠﯩﭗ ﺑﯧﺮﯨﺸﻘﺎ ﻳﻪﻧﻪ ﺑﯩﺮ ﻗﯧﺘﯩﻢ ﭼﺎﻗﯩﺮﯨﭗ، ﺧﯩﺘﺎﻱ ﻫﯚﻛﯜﻣﯩﺘﻰ ﺋﯚﻟﯜﻡ ﺟﺎﺯﺍﺳﯩﻐﺎ ﻫﯚﻛﯜﻡ ﻗﯩﻠﻐﺎﻥ ﺋﯘﻳﻐﯘﺭﻻﺭﻧﯩﯔ ﮔﯘﻧﺎﻫﺴﯩﺰ ﺗﯩﻨﭻ ﻧﺎﻣﺎﻳﯩﺸﭽﯩﻼﺭ ﺋﯩﻜﻪﻧﻠﯩﻜﯩﻨﻰ، ﻟﯧﻜﯩﻦ ﺋﯘﻳﻐﯘﺭ ﻣﻪﺳﯩﻠﯩﺴﯩﻨﯩﯔ ﺋﺎﺧﯩﺮﯨﻘﻰ ﻫﯧﺴﺎﺑﺘﺎ ﺳﯚﻫﺒﻪﺕ ﺑﯩﻠﻪﻥ ﺗﯩﻨﭻ ﻫﻪﻝ ﺑﻮﻟﯩﺪﯨﻐﺎﻧﻠﯩﻘﯩﻐﺎ ﺋﯩﺸﯩﻨﯩﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﮔﻪﻥ.

ﺑﯘ ﺭﺍﺑﯩﻴﻪ ﺧﺎﻧﯩﻤﻨﯩﯔ ﻓﺮﺍﻧﻜﻔﻮﺭﺕ ﻛﯩﺘﺎﺏ ﻳﻪﺭﻣﻪﻧﻜﯩﺴﯩﮕﻪ ﺗﯘﻧﺠﻰ ﻗﯧﺘﯩﻢ ﻗﺎﺗﻨﯩﺸﯩﺸﻰ ﺑﻮﻟﯘﭖ، ﺋﯘ ﺗﯜﻧﯜﮔﯜﻥ ﮔﯧﺮﻣﺎﻧﯩﻴﯩﮕﻪ ﻳﯧﺘﯩﭗ ﻛﻪﻟﮕﻪﻥ ﺋﯩﺪﻯ.