Шималий корийә 5 - Айниң 25 - Күни йәр асти ядро бомбси синиқи елип берип хәлқара җәмийәтниң күчлүк наразилиқини қозғиған иди. Шималий корийә һөкүмитиниң йәнә 6 - Айниң 25 - Күнидин 7 - Айниң 10 - Күнигичә шәрқий деңиз районини чәкләнгән район дәп елан қилиши йәнә бир синақниң елип берилидиғанлиқи гуманини пәйда қилған. Шималий корийиниң бу синақлири райондики дөләтләрдә җиддийлик пәйда қиливатқан болуп, америка шималий корийиниң ядро синақ пиланлирини тохтитишида хитайни актип рол ойниялайду, дәп қаримақта.

Чаршәнбә күни америкидин бир һәйәт хитайға берип, шималий корийә ядро мәсилиси һәққидә сөһбәт өткүзгән. Һәйәт башлиқи дөләт мудапиә министирлиқиниң муһим әрбаплиридин филип голдберг хитай тәрәп билән өткүзүлгән сөһбәтниң интайин нәтиҗилик болғанлиқини вә өзлириниң мәқситиниң бирләшкән дөләтләр тәшкилатиниң шималий корийигә җаза йүргүзүшини ишқа ашуруш икәнликини деди.

Лос анжелс вақти гезити бу һәқтики хәвиридә мундақ дәп язиди: хитайниң шималий корийиниң иттипақдиши вә әң чоң тиҗарәт ортақлиридин бири. Хитай гәрчә шималий корийиниң ядро снақлириға қарши болсиму, әмма шималий корийә һакимийитиниң ағдурулушиниму халимайду. Хитай, шималий корийигә өзлириниң улар билән болған иқтсиадий мунасивитини пүтүнләй кесидиғанлиқи һәққидә бесим ишлитиши керәк.

Пикир - Қарашлириңизни оттуриға қойуң

Пикир - Байанлириңиз тор башқурғучиси тәрипидин тәстиқлиниши керәк болуп, тор бәттә шу заман елан қилинмайду. Бир аз вақиттин кейин, пикир - Байанлириңизниң тәстиқланған йаки тәстиқланмиғанлиқини қайта тәкшүрүп көрүшигизни сораймиз. Пикир - Қарашлириңизни төвәндики җәдвәл арқилиқ, уйғур кона йезиқи бойичә йоллийалайсиз.

Исим (ихтийар)

Шәһәр (ихтийар)

Пикир - Қарашлириңиз