ﺧﯩﺘﺎﻱ ﺧﻪﯞﻩﺭ ﯞﺍﺳﯩﺘﯩﻠﯩﺮﯨﻨﯩﯔ ﺋﺎﺷﻜﺎﺭﯨﻠﯩﺸﯩﭽﻪ، ﺋﻮﺕ ﺋﺎﭘﯩﺘﻰ ﺳﻪﻫﻨﯩﺪﻩ ﺋﻮﻳﯘﻥ ﻛﯚﺭﺳﯩﺘﯩﯟﺍﺗﻘﺎﻥ ﺋﺎﺭﺗﯩﺴﺖ ﻗﻮﻟﯩﺪﯨﻜﻰ ﺋﯧﻠﯧﻜﺘﺮﻭﻧﻠﯘﻕ ﺋﻮﺕ ﻗﻮﺭﺍﻟﯩﻨﻰ ﺋﯚﺯﻟﯩﺮﻯ ﺑﻪﻟﮕﯩﻠﯩﮕﻪﻥ ﻧﯩﺸﺎﻧﻐﺎ ﺋﺎﺗﻘﺎﻧﺪﺍ، ﺋﯧﻠﯧﻜﺘﺮﻭﻧﻠﯘﻕ ﺋﻮﺕ ﻣﯩﻠﺘﯩﻘﯩﺪﯨﻦ ﭼﯩﻘﻘﺎﻥ ﺋﻮﻕ ﺋﯧﻠﯧﻜﺘﯩﺮ ﺳﯩﻤﯩﻐﺎ ﺗﯧﮕﯩﭗ ﻛﯧﺘﯩﺶ ﻧﻪﺗﯩﺠﯩﺴﯩﺪﻩ ﺋﻮﺕ ﺋﺎﭘﯩﺘﻰ ﻛﯧﻠﯩﭗ ﭼﯩﻘﻘﺎﻥ ﺋﯩﻜﻪﻥ.

ﺋﯧﻠﯧﻜﺘﯩﺮﻧﯩﯔ ﺋﯚﭼﯜﭖ ﻛﯧﺘﯩﺸﻰ ﺑﯩﻠﻪﻥ ﺯﺍﻝ ﺋﯩﭽﯩﻨﻰ ﻗﺎﺭﺍﯕﻐﯘﻟﯘﻕ ﻗﺎﭘﻼﭖ، ﻗﻮﺭﻗﯘﭖ ﻛﻪﺗﻜﻪﻥ ﺋﺎﺩﻩﻣﻠﻪﺭ ﺗﻪﺭﻩﭖ - ﺗﻪﺭﻩﭘﻜﻪ ﻗﺎﭼﻘﺎﻥ ﻫﻪﻣﺪﻩ ﻗﺎﻻﻳﻤﯩﻘﺎﻧﭽﯩﻠﯩﻖ ﻛﯧﻠﯩﭗ ﭼﯩﻘﻘﺎﻥ. ﺗﺎﻧﺴﯩﺨﺎﻧﺎ ﺋﯩﺸﯩﻜﻰ ﻛﯩﭽﯩﻚ ﺑﻮﻟﻐﺎﭼﻘﺎ ﻛﯚﭘﻠﯩﮕﻪﻥ ﺋﺎﺩﻩﻣﻠﻪﺭﻧﯩﯔ ﻗﯧﭽﯩﭗ ﭼﯩﻘﯩﭗ ﻛﯧﺘﯩﺸﯩﮕﻪ ﺋﺎﻣﺎﻝ ﺑﻮﻟﻤﯩﻐﺎﻥ. ﻛﯧﭽﻪ ﺳﺎﺋﻪﺕ 11 ﺩﻩ ﺑﺎﺷﻼﻧﻐﺎﻥ ﺋﻮﺕ ﺋﻪﺗﯩﺴﻰ ﺗﺎﯓ ﺳﻪﻫﻪﺭﮔﯩﭽﻪ ﺩﺍﯞﺍﻣﻼﺷﻘﺎﻥ ﺑﻮﻟﯘﭖ، 43 ﺋﺎﺩﻩﻣﻨﯩﯔ ﻛﯚﻳﯜﭖ ﻛﻪﺗﻜﻪﻥ ﺟﻪﺳﯩﺘﻰ ﺗﯧﭙﯩﻠﻐﺎﻥ ﯞﻩ 88 ﺋﺎﺩﻩﻡ ﻛﯚﻳﯜﭖ ﻳﺎﺭﯨﻼﻧﻐﺎﻥ.

ﺧﯩﺘﺎﻱ ﺋﺎﺧﺒﺎﺭﺍﺕ ﯞﺍﺳﯩﺘﯩﻠﯩﺮﯨﻨﯩﯔ ﺧﻮﯕﻜﻮﯓ ﺗﯧﻠﯧﯟﯨﺰﯨﻴﻪ ﺋﯩﺴﺘﺎﻧﺴﯩﺴﯩﻨﯩﯔ ﺋﯘﭼﯘﺭﯨﺪﯨﻦ ﻧﻪﻗﯩﻞ ﻛﻪﻟﺘﯜﺭﯛﺷﯩﭽﻪ، ﻣﻪﺯﻛﯘﺭ ﺗﺎﻧﺴﯩﺨﺎﻧﺎ ﻣﯘﻻﺯﯨﻤﻪﺕ ﺗﺎﺧﺘﯩﺴﻰ ﺋﺎﺳﻤﯩﻐﺎﻥ، ﻣﻪﺧﭙﯩﻲ ﺗﯜﺱ ﺋﺎﻟﻐﺎﻥ ﺋﻮﺭﯗﻥ ﺋﯩﻜﻪﻥ. ﺷﯩﻨﺨﯘﺋﺎﻧﯩﯔ ﺧﻪﯞﻩﺭ ﻗﯩﻠﯩﺸﯩﭽﻪ، ﺑﯘ ﯞﻩﻗﻪﺩﯨﻦ ﻛﯧﻴﯩﻦ ﮔﯘﺍﯕﺪﯗﯓ ﺋﯚﻟﻜﯩﺴﻰ ﯞﻩ ﺷﯧﻨﺠﯧﻦ ﺷﻪﻫﯩﺮﯨﻨﯩﯔ ﺭﻩﻫﺒﻪﺭﻟﯩﺮﻯ ﻧﻪﻕ ﻣﻪﻳﺪﺍﻧﻐﺎ ﻳﯧﺘﯩﭗ ﻛﻪﻟﮕﻪﻥ ﯞﻩ 12 ﺟﯩﻨﺎﻳﻪﺕ ﮔﯘﻣﺎﻧﺪﺍﺭﻯ ﻗﻮﻟﻐﺎ ﺋﯧﻠﯩﻨﻐﺎﻥ. ﺧﯩﺘﺎﻱ ﻫﯚﻛﯜﻣﯩﺘﻰ ﯞﻩﻗﻪﻧﯩﯔ ﻣﻪﺳﺌﯘﻟﯩﻴﯩﺘﯩﻨﻰ ﺳﯜﺭﯛﺷﺘﯜﺭﯛﭖ ﻗﺎﺗﺘﯩﻖ ﺑﯩﺮ ﺗﻪﺭﻩﭖ ﻗﯩﻠﯩﺸﻨﻰ ﺑﯘﻳﺮﯨﻐﺎﻥ.

ﺑﯘﻧﺪﺍﻕ ﺋﯧﻐﯩﺮ ﺋﻮﺕ ﻛﯧﺘﯩﺶ ﯞﻩﻗﻪﺳﻰ ﺑﯘﻧﯩﯖﺪﯨﻦ ﺋﻮﻥ ﻧﻪﭼﻪ ﻳﯩﻞ ﺋﯩﻠﮕﯩﺮﻯ ﺋﯘﻳﻐﯘﺭ ﺩﯨﻴﺎﺭﯨﺪﯨﻤﯘ ﻳﯜﺯ ﺑﻪﺭﮔﻪﻥ. 1993 - ﻳﯩﻠﻰ، ﻗﺎﺭﺍﻣﺎﻱ ﺷﻪﻫﯩﺮﯨﺪﯨﻜﻰ ﻣﻪﺩﻩﻧﯩﻴﻪﺕ ﻛﯘﻟﯘﺑﯩﻐﺎ ﺋﻮﺕ ﻛﯧﺘﯩﭗ، 300 ﺩﯨﻦ ﺋﺎﺭﺗﯘﻕ ﺋﻮﻗﯘﻏﯘﭼﻰ، ﺋﻮﻗﯘﺗﻘﯘﭼﻰ ﯞﻩ ﻛﺎﺩﯨﺮﻧﯩﯔ ﻫﺎﻳﺎﺗﯩﺪﯨﻦ ﺋﺎﻳﺮﯨﻠﯩﺸﺪﻩﻙ ﭘﺎﺟﯩﺌﻪ ﻛﯧﻠﯩﭗ ﭼﯩﻘﻘﺎﻥ ﺋﯩﺪﻯ.