ﺑﯩﺮﺍﻕ، ﻫﯚﻛﯜﻣﻪﺗﻨﯩﯔ ﺑﯘ ﺭﻩﺳﻤﯩﻲ ﺋﯘﭼﯘﺭﯨﺪﯨﻦ ﻛﯩﺸﯩﻠﻪﺭ ﮔﯘﻣﺎﻧﻠﯩﻨﯩﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﯛﺷﻜﻪﻥ ﺑﻮﻟﯘﭖ، ﺑﻪﺯﻯ ﻛﯩﺸﯩﻠﻪﺭ ﺋﺎﺷﺨﺎﺑﺎﺩ ﺷﻪﻫﻪﺭ ﻛﻮﭼﯩﺴﯩﺪﺍ ﺋﯧﺘﯩﺸﯩﺶ ﻳﯜﺯ ﺑﯧﺮﯨﭗ، ﺋﺎﺯ ﺩﯦﮕﻪﻧﺪﻩ 20 ﻧﻪﭼﭽﻪ ﺋﺎﺩﻩﻣﻨﯩﯔ ﺋﯚﻟﮕﻪﻧﻠﯩﻜﯩﻨﻰ ﺑﯩﻠﺪﯛﺭﯛﺷﻜﻪﻥ.

ﺏ ﺏ ﺱ ﺋﺎﮔﯧﻨﺘﻠﯩﻘﯩﻨﯩﯔ ﻳﯧﺰﯨﺸﯩﭽﻪ، ﺷﯘ ﻛﯜﻧﻰ ﻛﻮﭼﯩﻼﺭﺩﺍ ﺑﺮﻭﻧﯩﯟﯨﻜﻼﺭ ﯞﻩ ﺳﺎﻗﭽﻰ ﻛﯜﭼﻠﯩﺮﻯ ﭼﺎﺭﻻﺵ ﺋﯧﻠﯩﭗ ﺑﺎﺭﻏﺎﻥ ﺑﻮﻟﯘﭖ، ﺑﻪﻟﻜﻰ ﺑﯘ ﻗﺎﻧﺪﺍﻗﺘﯘﺭ ﺑﯩﺮ ﺯﻩﻫﻪﺭﻟﯩﻚ ﭼﯧﻜﯩﻤﻠﯩﻚ ﺋﻪﺗﻜﻪﺳﭽﯩﻠﯩﻚ ﮔﯘﺭﯗﭘﭙﯩﺴﻰ ﺋﻪﻣﻪﺱ ﺑﻪﻟﻜﻰ ﻫﯚﻛﯜﻣﻪﺗﻜﻪ ﻗﺎﺭﺷﻰ ﺋﯩﺴﻼﻣﯩﻲ ﮔﯘﺭﯗﭘﭙﺎ ﯞﻩ ﻳﺎﻛﻰ ﺋﯚﻛﺘﯩﭽﯩﻠﻪﺭﻧﯩﯔ ﻗﻮﺭﺍﻟﻠﯩﻖ ﺋﺎﺩﻩﻣﻠﯩﺮﻯ ﺑﯩﻠﻪﻥ ﻫﯚﻛﯜﻣﻪﺕ ﻛﯜﭼﻠﯩﺮﻯ ﺋﺎﺭﯨﺴﯩﺪﯨﻜﻰ ﺗﻮﻗﯘﻧﯘﺵ ﺑﻮﻟﯘﺵ ﺋﯧﻬﺘﯩﻤﺎﻟﻠﯩﻘﻰ ﺋﯩﻠﮕﯩﺮﻯ ﺳﯜﺭﯛﻟﻤﻪﻛﺘﻪ.

ﭘﻪﺭﻏﺎﻧﻪ ﺋﺎﮔﯧﻨﺘﻠﯩﻘﯩﻨﯩﯔ"ﺗﯜﺭﻛﻤﻪﻧﯩﺴﺘﺎﻥ ﻳﯩﻠﻨﺎﻣﯩﺴﻰ" ﺩﻩﭖ ﺋﺎﺗﺎﻟﻐﺎﻥ ﺋﯚﻛﺘﯩﭽﯩﻠﻪﺭﻧﯩﯔ ﺗﻮﺭ ﺑﯧﺘﯩﺪﯨﻜﻰ ﺋﯘﭼﯘﺭﻻﺭ ﺋﺎﺳﺎﺳﯩﺪﺍ ﺑﻪﺭﮔﻪﻥ ﺧﻪﯞﯨﺮﯨﮕﻪ ﻗﺎﺭﯨﻐﺎﻧﺪﺍ، ﻗﻮﺭﺍﻟﻠﯩﻖ ﺋﺎﺩﻩﻣﻠﻪﺭ ﺋﺎﺷﺨﺎﺑﺎﺩﺗﯩﻜﻰ ﺑﯩﺮ ﺋﯩﭽﯩﻤﻠﯩﻚ ﺳﯘ ﺯﺍﯞﯗﺗﯩﻨﻰ ﺋﯩﮕﯩﻠﯩﯟﺍﻟﻐﺎﻥ ﺑﻮﻟﯘﭖ، ﻫﻪﺗﺘﺎ ﺋﯘﻻﺭﻧﯩﯔ ﻗﻮﻟﯩﺪﺍ ﮔﺮﺍﻧﺎﺕ ﺋﺎﺗﻘﯘﭼﻰ ﻗﻮﺭﺍﻟﻼﺭ ﯞﻩ ﺑﺎﺷﻘﯩﻼﺭ ﺑﺎﺭ ﺋﯩﻜﻪﻥ. ﺋﯘﻻﺭ ﻫﻪﺗﺘﺎ ﺋﯩﻜﻜﻰ ﻫﻪﺭﺑﯩﻲ ﺑﺮﻭﻧﯧﯟﯨﻜﻨﻰ ﭘﺎﭼﺎﻗﻠﯩﯟﻩﺗﻜﻪﻥ ﺋﯩﻜﻪﻥ. ﺋﯚﻟﮕﻪﻧﻠﻪﺭﻧﯩﯔ ﺋﯩﭽﯩﺪﻩ ﺋﻪﺳﻜﻪﺭﻟﻪﺭ ﯞﻩ ﺳﺎﻗﭽﯩﻼﺭﻣﯘ ﺑﺎﺭ ﺋﯩﻜﻪﻥ.

ﻫﻪﺗﺘﺎ، ﺗﯜﺭﻛﻤﻪﻧﯩﺴﺘﺎﻥ ﺗﻪﺭﻩﭘﻨﯩﯔ ﺭﯗﺳﯩﻴﯩﺪﯨﻦ ﻳﺎﺭﺩﻩﻡ ﺳﻮﺭﯨﻐﺎﻧﻠﯩﻘﻰ ﻫﻪﻗﻘﯩﺪﻩ ﺋﯘﭼﯘﺭﻻﺭﻣﯘ ﭘﻪﻳﺪﺍ ﺑﻮﻟﻐﺎﻥ. ﺋﻮﻣﯘﻣﻪﻥ، ﺋﺎﺷﺨﺎﺑﺎﺩﺗﯩﻜﻰ ﯞﻩﻗﻪﻟﻪﺭ ﻫﻪﻗﻘﯩﺪﯨﻜﻰ ﺋﯘﭼﯘﺭﻻﺭ ﻫﻪﺭ ﺧﯩﻞ ﺑﻮﻟﻤﺎﻗﺘﺎ ﺷﯘﻧﯩﯖﺪﻩﻙ ﺑﯘﻧﯩﯔ ﺳﺎﺑﯩﻖ ﭘﺮﯦﺰﯨﺪﯦﻨﺖ ﺳﻪﭘﻪﺭ ﻣﯘﺭﺍﺕ ﻧﯩﻴﺎﺯﻭﻑ ﯞﻩ ﺋﯘﻧﯩﯖﺪﯨﻦ ﻛﯧﻴﯩﻦ ﻫﺎﻛﯩﻤﯩﻴﻪﺗﻜﻪ ﭼﯩﻘﻘﺎﻥ ﻗﯘﺭﺑﺎﻧﮕﯜﻝ ﺑﻪﺭﺩﻯ ﻣﯘﻫﻪﻣﻤﻪﺩﻭﻑ ﻫﯚﻛﯜﻡ ﺳﯜﺭﮔﻪﻥ 20 ﻳﯩﻠﺪﯨﻦ ﺋﺎﺭﺗﯘﻕ ﻣﯘﺳﺎﭘﻪ ﺋﯩﭽﯩﺪﻩ ﺋﺎﺷﺨﺎﺑﺎﺗﺘﺎ ﻳﯜﺯ ﺑﻪﺭﮔﻪﻥ ﺑﯩﺮ ﻗﯧﺘﯩﻤﻠﯩﻖ ﭼﻮﯓ ﺗﻮﻗﯘﻧﯘﺵ ﯞﻩﻗﻪﺳﻰ ﺋﯩﻜﻪﻧﻠﯩﻜﻰ ﺋﯩﻠﮕﯩﺮﻯ ﺳﯜﺭﯛﻟﻤﻪﻛﺘﻪ.