26 - ﺋﯩﻴﯘﻥ ﻛﯜﻧﻰ ﮔﯘﺍﯕﺪﯗﯓ ﺋﯚﻟﻜﯩﺴﯩﻨﯩﯔ ﺷﺎﯞﮔﯘﻩﻥ ﺷﻪﻫﯩﺮﯨﺪﻩ ﻳﯜﺯ ﺑﻪﺭﮔﻪﻥ ﻗﺎﻧﻠﯩﻖ ﯞﻩﻗﻪﺩﻩ، ﻫﺎﺯﯨﺮﻏﯩﭽﻪ ﺋﯩﻜﻜﻰ ﻛﯩﺸﯩﻨﯩﯔ ﺋﯚﻟﮕﻪﻧﻠﯩﻜﻰ، ﺋﯚﻟﮕﯜﭼﯩﻠﻪﺭﻧﯩﯔ ﺑﯩﺮﯨﻨﯩﯔ ﺋﯩﺴﻤﯩﻨﯩﯔ ﻫﺎﺷﯩﻤﺠﺎﻥ ﺋﻪﻣﻪﺕ ﺋﯩﻜﻪﻧﻠﯩﻜﻰ ﺋﯧﻨﯩﻘﻼﻧﺪﻯ. ﯞﻩﻗﻪ ﻫﻪﻗﻘﯩﺪﻩ ﺋﻮﺧﺸﯩﻤﯩﻐﺎﻥ ﻛﯚﺯ ﻗﺎﺭﺍﺷﻼﺭ ﻣﻪﯞﺟﯘﺕ ﺑﻮﻟﯘﭖ، ﺧﯩﺘﺎﻱ ﺩﺍﺋﯩﺮﯨﻠﯩﺮﻯ ﺑﯘ ﯞﻩﻗﻪﻧﯩﯔ ﺋﯩﻨﺘﯧﺮﻧﯧﺘﺘﻪ ﺋﯧﻼﻥ ﻗﯩﻠﯩﻨﻐﺎﻥ ﻳﺎﻟﻐﺎﻥ ﺧﻪﯞﻩﺭﺩﯨﻦ ﻛﯧﻠﯩﭗ ﭼﯩﻘﻘﺎﻧﻠﯩﻘﯩﻨﻰ ﯞﻩ ﺑﯘ ﻳﺎﻟﻐﺎﻥ ﺧﻪﯞﻩﺭ ﺗﺎﺭﻗﯩﺘﯩﭗ ﯞﻩﻗﻪﮔﻪ ﺳﻪﯞﻩﺏ ﺑﻮﻟﻐﺎﻥ ﻛﯩﺸﯩﻨﯩﯔ ﻗﻮﻟﻐﺎ ﺋﯧﻠﯩﻨﻐﺎﻧﻠﯩﻘﯩﻨﻰ ﺋﯧﻼﻥ ﻗﯩﻠﻐﺎﻥ ﺑﻮﻟﺴﯩﻤﯘ، ﺋﻪﻣﻤﺎ ﻧﻪﻕ ﻣﻪﻳﺪﺍﻥ ﺋﻪﻫﯟﺍﻟﯩﺪﯨﻦ ﺧﻪﯞﻩﺭﺩﺍﺭ ﻛﯩﺸﯩﻠﻪﺭ ﺑﯘﻧﯩﯔ ﻣﻪﻗﺴﻪﺗﻠﯩﻚ ﯞﻩ ﭘﯩﻼﻧﻠﯩﻖ ﻫﺎﻟﺪﺍ ﺋﯘﻳﻐﯘﺭﻻﺭﻏﺎ ﻗﺎﺭﺷﻰ ﺋﯧﻠﯩﭗ ﺑﯧﺮﯨﻠﻐﺎﻥ ﺑﯩﺮ ﻫﻪﺭﯨﻜﻪﺕ ﺋﯩﻜﻪﻧﻠﯩﻜﯩﻨﻰ ﺋﯩﻠﮕﯩﺮﻯ ﺳﯜﺭﻣﻪﻛﺘﻪ.

ﺧﯩﺘﺎﻱ ﺩﺍﺋﯩﺮﯨﻠﯩﺮﻯ ﻫﺎﺯﯨﺮﻏﯩﭽﻪ ﯞﻩﻗﻪﻧﯩﯔ ﻫﻪﻗﯩﻘﻴﻰ ﺳﻪﯞﻩﺑﻰ ﯞﻩ ﯞﻩﻗﻪﻧﯩﯔ ﺟﯩﻨﺎﻳﻰ ﺟﺎﯞﺍﺑﻜﺎﺭﻟﯩﺮﯨﻨﻰ ﻗﻮﻟﻐﺎ ﺋﯧﻠﯩﭗ ﺟﺎﺯﺍﻻﺵ ﻫﻪﻗﻘﯩﺪﻩ ﻫﯧﭽﻘﺎﻧﺪﺍﻕ ﺑﯩﺮ ﻫﻪﺭﯨﻜﻪﺕ ﻗﯩﻠﻤﯩﻐﺎﻥ ﺑﻮﻟﯘﭖ، ﺋﻪﻛﺴﯩﭽﻪ ﻗﺎﻧﻠﯩﻖ ﺗﻮﻗﻮﻧﯘﺷﻘﺎ ﺋﺎﺋﯩﺖ ﺧﻪﯞﻩﺭﻟﻪﺭﻧﻰ ﻗﺎﺗﺘﯩﻖ ﻗﺎﻣﺎﻝ ﻗﯩﻠﻤﺎﻗﺘﺎ.

ﺑﯘ ﺋﻪﻫﯟﺍﻝ ﯞﻩﺗﻪﻥ ﺋﯩﭽﻰ ﯞﻩ ﺳﯩﺮﺗﯩﺪﯨﻜﻰ ﺋﯘﻳﻐﯘﺭﻻﺭﻧﯩﯔ ﻗﺎﺗﺘﯩﻖ ﻏﻪﺯﯨﭙﯩﻨﻰ ﻗﻮﺯﻏﯩﻐﺎﻥ ﺑﻮﻟﯘﭖ، ﺩﯗﻧﻴﺎ ﺋﯘﻳﻐﯘﺭ ﻗﯘﺭﯗﻟﺘﯩﻴﻰ ﺋﯚﺯﻟﯩﺮﯨﻨﯩﯔ ﻳﯧﺘﻪﻛﭽﯩﻠﯩﻜﯩﺪﯨﻜﻰ ﻫﻪﺭ ﻗﺎﻳﺴﻰ ﺩﯙﻟﻪﺗﻠﻪﺭﺩﻩ ﺗﯘﺭﯗﺷﻠﯘﻕ ﺗﻪﺷﻜﯩﻼﺗﻼﺭﻏﺎ ﺑﯘ ﻫﻪﻗﺘﻪ ﭘﯜﺗﯜﻥ ﺩﯗﻧﻴﺎﺩﯨﻜﻰ ﺋﯘﻳﻐﯘﺭ ﺗﻪﺷﻜﯩﻼﺗﻠﯩﺮﯨﻐﺎ ﭼﺎﻗﯩﺮﯨﻖ ﺋﯧﻼﻥ ﻗﯩﻠﺪﻯ.

ﺋﯘﻳﻐﯘﺭ ﺗﻪﺷﻜﯩﻼﺗﻠﯩﺮﻯ ﺋﯚﺯﻟﯩﺮﻯ ﺗﯘﺭﯗﺷﻠﯘﻕ ﺩﯙﻟﻪﺗﻠﻪﺭﻧﯩﯔ ﻫﯚﻛﯜﻣﻪﺕ ﯞﻩ ﻛﯩﺸﯩﻠﯩﻚ ﻫﻮﻗﯘﻕ ﺗﻪﺷﻜﯩﻼﺗﻠﯩﺮﯨﻐﺎ ﯞﻩﻗﻪ ﻫﻪﻗﻘﯩﺪﻩ ﺧﻪﺕ ﻳﻮﻟﻼﭖ، ﺋﯘﻻﺭﻧﻰ ﺧﯩﺘﺎﻱ ﻫﯚﻛﯜﻣﯩﺘﯩﮕﻪ ﺑﯧﺴﯩﻢ ﺋﯩﺸﻠﯩﺘﯩﭗ، ﯞﻩﻗﻪﻧﯩﯔ ﻫﻪﻗﯩﻘﻰ ﻣﺎﻫﯩﻴﯩﺘﻰ ﯞﻩ ﺋﯚﻟﮕﯜﭼﯩﻠﻪﺭﻧﯩﯔ ﺳﺎﻧﯩﻨﻰ ﺋﯧﻨﯩﻖ ﻣﻪﻟﯘﻡ ﻗﯩﻠﯩﺸﻘﺎ ﯞﻩ ﺟﯩﻨﺎﻳﻪﺗﭽﯩﻠﻪﺭﻧﯩﯔ ﺟﺎﺯﺍﻟﯩﻨﯩﺸﯩﻨﻰ ﺗﻪﻟﻪﭖ ﻗﯩﻠﯩﭗ ﺑﯧﺴﯩﻢ ﺋﯩﺸﻠﯩﺘﯩﺸﻜﻪ ﭼﺎﻗﯩﺮﻣﺎﻗﺘﺎ.

پىكىر - قاراشلىرىڭىزنى ئوتتۇرىغا قويۇڭ

پىكىر - بايانلىرىڭىز تور باشقۇرغۇچىسى تەرىپىدىن تەستىقلىنىشى كېرەك بولۇپ، تور بەتتە شۇ زامان ئېلان قىلىنمايدۇ. بىر ئاز ۋاقىتتىن كېيىن، پىكىر - بايانلىرىڭىزنىڭ تەستىقلانغان ياكى تەستىقلانمىغانلىقىنى قايتا تەكشۈرۈپ كۆرۈشىگىزنى سورايمىز. پىكىر - قاراشلىرىڭىزنى تۆۋەندىكى جەدۋەل ئارقىلىق، ئۇيغۇر كونا يېزىقى بويىچە يوللىيالايسىز.

ئىسىم (ئىختىيار)

شەھەر (ئىختىيار)

پىكىر - قاراشلىرىڭىز