ﺑﯘ ﻳﻪﺗﺘﻪ ﻧﻪﭘﻪﺭ ﺋﯚﺳﻤﯜﺭ ﺋﺎﺳﺎﺳﻪﻥ ﺋﺎﺗﺎ ‏- ﺋﺎﻧﯩﺴﯩﺪﯨﻦ ﻳﯧﺘﯩﻢ ﻗﺎﻟﻐﺎﻥ ﻳﺎﻛﻰ ﺗﯘﺭﻣﯘﺵ ﻗﯩﻴﯩﻨﭽﯩﻠﯩﻘﻰ ﺑﺎﺭ ﺑﻮﻟﻐﺎﻥ ﻗﺎﺯﺍﻕ ﻫﻪﻡ ﺗﺎﺟﯩﻚ ﺋﺎﺋﯩﻠﯩﻠﯩﺮﯨﺪﯨﻦ ﺑﻮﻟﯘﭖ، ﭼﻮﯕﻰ 11 ﻳﺎﺷﺘﺎ، ﻛﯩﭽﯩﻜﻠﯩﺮﻯ 9 ﻳﺎﺷﺘﺎ ﺋﯩﻜﻪﻥ.

ﺧﻪﯞﻩﺭﺩﯨﻦ ﺋﺎﺷﻜﺎﺭﯨﻠﯩﻨﯩﺸﯩﭽﻪ، ﺑﯘ ﺑﺎﻟﯩﻼﺭ ﺋﻪﺳﻠﯩﺪﻩ 2007 - ﻳﯩﻠﯩﺪﯨﻦ ﺑﺎﺷﻼﭖ، ﺋﯘﻳﻐﯘﺭ ﺋﯧﻠﯩﺪﻩ ﺗﯘﺭﯗﺷﻠﯘﻕ ﺧﯩﺘﺎﻱ ﭼﯧﮕﺮﺍ ﻗﻮﺭﺍﻟﻠﯩﻖ ﺳﺎﻗﭽﻰ ﻗﯩﺴﯩﻤﯩﺪﯨﻜﯩﻠﻪﺭ ﻳﯩﻐﯩﭗ ﺋﻮﻗﯘﺗﯘﯞﺍﺗﻘﺎﻥ ﻳﯧﺘﯩﻢ ﺑﺎﻟﯩﻼﺭ ﺑﻮﻟﯘﭖ، ﺑﯘﻧﯩﯖﺪﯨﻦ ﻛﯧﻴﯩﻦ ﺋﯘﻻﺭ ﻳﯜﻧﻨﻪﻥ ﺋﯚﻟﻜﯩﺴﯩﻨﯩﯔ ﻟﯩﺠﺎﯓ ﺷﻪﻫﯩﺮﯨﺪﯨﻜﻰ ﺩﺍﺭﯨﻠﺌﯧﺘﺎﻣﺪﺍ ﺗﯘﺭﯨﺪﯨﻜﻪﻥ. ﻫﺎﻟﺒﯘﻛﻰ ﺧﻪﯞﻩﺭﺩﻩ، ﺑﯘ ﺑﺎﻟﯩﻼﺭﻧﯩﯔ ﻧﯧﻤﻪ ﺋﯜﭼﯜﻥ ﻣﻪﺩﻩﻧﯩﻴﻪﺕ ﯞﻩ ﺗﯘﺭﻣﯘﺵ ﺋﺎﺩﯨﺘﻰ ﺷﯘﻧﺪﺍﻗﻼ ﺗﯩﻞ ﺟﻪﻫﻪﺗﺘﯩﻦ ﻳﺎﺕ ﺑﻮﻟﻐﺎﻥ ﺧﯩﺘﺎﻱ ﺋﯚﻟﻜﯩﺴﯩﮕﻪ ﻳﯚﺗﻜﻪﭖ ﻛﯧﺘﯩﻠﯩﺶ ﺳﻪﯞﻩﺑﻰ ﭼﯜﺷﻪﻧﺪﯛﺭﯛﻟﻤﯩﮕﻪﻥ.

ﺋﯜﺭﯛﻣﭽﯩﺪﯨﻜﻰ ﻳﯧﺘﯩﻢ ‏- ﻳﯩﺴﯩﺮﻻﺭ ﭘﺎﺭﺍﯞﺍﻧﻠﯩﻖ ﺋﻮﺭﻧﯩﺪﯨﻦ ﺋﯩﮕﯩﻠﯩﮕﻪﻥ ﻣﻪﻟﯘﻣﺎﺗﻠﯩﺮﯨﻤﯩﺰﺩﯨﻦ ﺋﺎﺷﻜﺎﺭﯨﻠﯩﻨﯩﺸﯩﭽﻪ، ﺋﯘﻳﻐﯘﺭ ﺋﯧﻠﯩﺪﯨﻜﻰ ﺋﯚﺯﯨﻨﻰ ﻗﻮﻏﺪﺍﺵ ﺋﯩﻘﺘﯩﺪﺍﺭﻯ ﺑﻮﻟﻤﯩﻐﺎﻥ ﻳﯧﺘﯩﻢ ‏- ﻳﯩﺴﯩﺮ ﺑﺎﻟﯩﻼﺭﻧﯩﯔ ﺳﺎﻧﻰ ﺧﯧﻠﻰ ﻛﯚﭖ ﺑﻮﻟﯘﭖ، ﻫﯚﻛﯜﻣﻪﺕ ﻳﺎﻛﻰ ﺷﻪﺧﺴﯩﻠﻪﺭ ﺗﻪﺭﯨﭙﯩﺪﯨﻦ ﻗﯘﺭﯗﻟﻐﺎﻥ، ﺋﺎﺗﺎﻟﻤﯩﺶ ﻳﯧﺘﯩﻢ ‏- ﻳﯩﺴﯩﺮﻻﺭ ﻣﻪﻛﺘﯩﭙﯩﻨﯩﯔ ﺑﺎﺷﻘﯘﺭﯗﺵ ﺗﯜﺯﯛﻣﻠﯩﺮﯨﺪﻩ ﺋﯩﻨﺘﺎﻳﯩﻦ ﻣﯘﺭﻩﻛﻜﻪﭖ ﻣﻪﺳﯩﻠﯩﻠﻪﺭ ﻫﻪﻡ ﻗﺎﻧﯘﻧﺴﯩﺰ ﻫﻪﺭﯨﻜﻪﺗﻠﻪﺭ ﻣﻪﯞﺟﯘﺕ ﺋﯩﻜﻪﻥ، ﻫﻪﺗﺘﺎ ﺑﻪﺯﻯ ﻳﯩﺘﯩﻤﻼﺭ ﻣﻪﻛﺘﯩﭙﯩﺪﯨﻜﻰ ﺋﯩﮕﻪ- ﭼﺎﻗﯩﺴﯩﺰ ﺋﯘﻳﻐﯘﺭ ﺑﺎﻟﯩﻠﯩﺮﻯ ﻣﻪﻛﺘﻪﭘﺘﻪ، ﺧﯩﺘﺎﻱ ﺗﻪﺭﺑﯩﻴﯩﭽﯩﻠﻪﺭﻧﯩﯔ ﺭﻭﻫﯩﻲ ﻫﻪﻡ ﺟﯩﺴﻤﺎﻧﯩﻲ ﺟﻪﻫﻪﺗﺘﯩﻜﻰ ﺧﻮﺭﻟﯩﺸﯩﻐﺎ، ﺩﯨﻨﯩﻲ ﻫﻪﻡ ﺋﯩﻨﺴﺎﻧﯩﻲ ﻛﻪﻣﺴﯩﺘﯩﺸﯩﮕﻪ ﺋﯘﭼﺮﯨﻐﺎﻧﺪﯨﻦ ﺳﯩﺮﺕ، ﺋﯩﺴﯩﻤﻠﯩﺮﻯ ﺧﯩﺘﺎﻳﭽﯩﻐﺎ ﺋﯚﺯﮔﻪﺭﺗﯩﻠﯩﭗ، ﺧﯩﺘﺎﻱ ﺋﺎﺋﯩﻠﯩﻠﯩﺮﯨﮕﻪ ﺳﯧﺘﯩﯟﯦﺘﯩﻠﮕﻪﻥ ﺋﻪﻫﯟﺍﻟﻼﺭﻣﯘ ﺑﺎﺭ ﺋﯩﻜﻪﻥ.