ﺋﺎﻕ ﺗﺎﺷﻠﯩﻖ ﻛﯩﺘﺎﺑﺘﺎ "ﻣﯩﻠﻠﻪﺗﻠﻪﺭ ﺋﯩﺘﺘﯩﭙﺎﻗﻠﯩﻘﯩﻨﻰ ﻗﻮﻏﺪﺍﺵ ﻳﻮﻟﯩﺪﺍ ﺩﯙﻟﻪﺕ ﻫﻪﺭ ﻗﺎﻧﺪﺍﻕ ﭼﻮﯓ ﻣﯩﻠﻠﻪﺗﭽﯩﻠﯩﻚ ﻳﻪﻧﻰ ﺋﺎﺳﺎﺳﻠﯩﻘﻰ ﭼﻮﯓ ﺧﻪﻧﺰﯗﭼﯩﻠﯩﻘﻘﺎ ﻗﺎﺭﺷﻰ ﺗﯘﺭﺩﻯ ﯞﻩ ﻳﻪﺭﻟﯩﻚ ﻣﯩﻠﻠﻪﺗﭽﯩﻠﯩﻜﻜﯩﻤﯘ ﻗﺎﺭﺷﻰ ﺗﯘﺭﺩﻯ" ﺩﻩﭖ ﺑﺎﻳﺎﻥ ﻗﯩﻠﯩﻨﻐﺎﻥ.

ﺧﯩﺘﺎﻱ ﺩﯙﻟﻪﺕ ﺋﯩﺸﻠﯩﺮﻯ ﻛﺎﺑﯩﻨﯧﺘﻰ ﺑﯩﺮ ﻫﻪﭘﺘﻪ ﺋﯩﻠﮕﯩﺮﻯ ﻳﻪﻧﻰ، 21 - ﺳﯧﻨﺘﻪﺑﯩﺮ ﻛﯜﻧﻰ " ﺷﯩﻨﺠﺎﯕﻨﯩﯔ ﺗﻪﺭﻩﻗﻘﯩﻴﺎﺗﻰ ﯞﻩ ﺋﺎﻟﻐﺎ ﺑﯧﺴﯩﺸﻰ" ﻣﺎﯞﺯﯗﺳﯩﺪﺍ ﺋﺎﻕ ﺗﺎﺷﻠﯩﻖ ﻛﯩﺘﺎﺏ ﺋﯧﻼﻥ ﻗﯩﻠﻐﺎﻥ ﺑﻮﻟﯘﭖ، ﺑﯘﻧﯩﯖﺪﺍ ﺋﯘﻳﻐﯘﺭ ﺋﺎﭘﺘﻮﻧﻮﻡ ﺭﺍﻳﻮﻧﯩﻨﯩﯔ ﺗﻪﺭﻩﻗﻘﻰ ﻗﯩﻼﻟﻤﺎﺳﻠﯩﻘﯩﻨﯩﯔ ﺳﻪﯞﻩﺑﯩﻨﻰ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﻛﯜﭼﻠﯩﺮﯨﮕﻪ ﺋﺎﺭﺗﻘﺎﻥ ﺋﯩﺪﻯ.

ﺑﯘ ﻗﯧﺘﯩﻢ ﺋﯧﻼﻥ ﻗﯩﻠﯩﻨﻐﺎﻥ ﻣﯩﻠﻠﯩﻲ ﺳﯩﻴﺎﺳﻪﺕ ﺋﺎﻕ ﺗﺎﺷﻠﯩﻖ ﻛﯩﺘﺎﺑﯩﺪﺍ ﺑﻮﻟﺴﺎ، " ﺟﯘﯕﮕﻮﻧﯩﯔ ﻣﯩﻠﻠﻪﺗﻠﻪﺭ ﻣﻪﺳﯩﻠﯩﺴﻰ ﺟﯘﯕﮕﻮﻧﯩﯔ ﺋﯩﭽﻜﻰ ﺋﯩﺸﻰ، ﺟﯘﯕﮕﻮ ﻫﯚﻛﯜﻣﯩﺘﻰ ﺗﺎﺷﻘﻰ ﻛﯜﭼﻠﻪﺭﻧﯩﯔ "ﻣﯩﻠﻠﻪﺕ"، "ﺩﯨﻦ" ﯞﻩ "ﻛﯩﺸﯩﻠﯩﻚ ﻫﻮﻗﯘﻕ" ﺑﺎﻳﺮﯨﻘﯩﻨﻰ ﻛﯚﺗﯜﺭﯛﯞﯦﻠﯩﭗ، ﺟﯘﯕﮕﻮﻧﯩﯔ ﻣﯩﻠﻠﯩﻲ ﻣﻪﺳﯩﻠﯩﻠﯩﺮﯨﮕﻪ ﺋﺎﺭﯨﻠﯩﺸﯩﺸﯩﻐﺎ ﻗﻪﺗﺌﯩﻲ ﻗﺎﺭﺷﻰ ﺗﯘﺭﯨﺪﯗ ﯞﻩ ﺗﻮﺳﺎﻳﺪﯗ" ﺩﻩﭖ ﻳﯧﺰﯨﻠﻐﺎﻥ.

ﻛﯚﺯﻩﺗﻜﯜﭼﯩﻠﻪﺭﻧﯩﯔ ﻗﺎﺭﯨﺸﯩﭽﻪ، ﺑﯘ ﺋﺎﻕ ﺗﺎﺷﻠﯩﻖ ﻛﯩﺘﺎﺑﻨﯩﯔ ﺋﺎﺳﺎﺳﯩﻲ ﻣﻪﺯﻣﯘﻧﯩﺪﯨﻦ ﻗﺎﺭﯨﻐﺎﻧﺪﺍ، ﺋﯩﻜﻜﻰ ﻧﯘﻗﺘﯩﻐﺎ ﻳﯩﻐﯩﻨﭽﺎﻗﻼﻧﻐﺎﻥ ﺑﻮﻟﯘﭖ، ﺑﯩﺮﻯ ﺧﯩﺘﺎﻳﻨﯩﯔ 60 ﻳﯩﻠﻠﯩﻖ ﻣﯩﻠﻠﯩﻲ ﺳﯩﻴﺎﺳﯩﺘﯩﻨﻰ ﻣﯘﺋﻪﻳﻴﻪﻧﻠﻪﺷﺘﯜﺭﯛﺵ ﯞﻩ ﻣﻪﺩﻫﯩﻴﯩﻠﻪﺵ، ﻳﻪﻧﻪ ﺑﯩﺮﻯ ﻫﻪﺭ ﻗﺎﻳﺴﻰ ﻣﯩﻠﻠﻪﺗﻠﻪﺭﻧﯩﯔ ﺋﯚﺯ ﻫﻮﻗﯘﻗﻠﯩﺮﻯ ﯞﻩ ﻣﻪﻧﭙﻪﺋﻪﺗﻠﯩﺮﯨﻨﻰ ﻗﻮﻏﺪﺍﺵ ﻳﻮﻟﯩﺪﯨﻜﻰ ﻫﻪﺭﯨﻜﻪﺗﻠﯩﺮﻯ ﻫﻪﻣﺪﻩ ﺧﻪﻟﻘﺌﺎﺭﺍ ﺟﻪﻣﺌﯩﻴﻪﺗﻨﯩﯔ ﺧﯩﺘﺎﻳﻨﯩﯔ ﻣﯩﻠﻠﯩﻲ ﺳﯩﻴﺎﺳﯩﺘﯩﺪﯨﻜﻰ ﺧﺎﺗﺎﻟﯩﻘﻼﺭﻏﺎ ﺑﻮﻟﻐﺎﻥ ﺗﻪﻧﻘﯩﺪﻟﯩﺮﯨﮕﻪ ﺋﯩﻨﻜﺎﺱ ﻗﺎﻳﺘﯘﺭﯗﺷﺘﯩﻦ ﺋﯩﺒﺎﺭﻩﺕ.

ﺑﯘ ﺋﺎﻕ ﺗﺎﺷﻠﯩﻖ ﻛﯩﺘﺎﺏ ﺋﯧﻼﻥ ﻗﯩﻠﯩﻨﯩﺶ ﻫﺎﺭﭘﯩﺴﯩﺪﺍ ﺋﯜﺭﯛﻣﭽﻰ ﺳﻮﺗﻰ 5 - ﺋﯩﻴﯘﻝ ﯞﻩﻗﻪﺳﯩﻨﯩﯔ ﮔﯘﻣﺎﻧﺪﺍﺭﻟﯩﺮﻯ ﺋﯜﺳﺘﯩﺪﯨﻦ ﺳﻮﺗﻼﺷﻨﯩﻤﯘ ﺗﻪﯓ ﺑﺎﺷﻠﯩﻐﺎﻥ ﺋﯩﺪﻯ.