ئۇيغۇر‎ > خەۋەرلەر > ﺑﯜﮔﯜﻧﻜﻰ ﻗﯩﺴﻘﺎ ﺧﻪﯞﻩﺭﻟﻪﺭ

ﺧﯩﺘﺎﻳﻨﯩﯔ ﻛﯚﭘﻠﯩﮕﻪﻥ ﺷﯩﺮﻛﻪﺗﻠﯩﺮﻯ ﺧﯩﺘﺎﻱ - ﻗﯩﺮﻏﯩﺰﯨﺴﺘﺎﻥ - ﺋﯚﺯﺑﯧﻜﯩﺴﺘﺎﻥ ﺗﯚﻣﯜﺭ ﻳﻮﻟﯩﻨﻰ ﻳﺎﺳﺎﺷﻘﺎ ﻗﯩﺰﯨﻘﻤﺎﻗﺘﺎ

مۇخبىرىمىز ئۈمىدۋار

2009-10-11

ﻗﯩﺮﻏﯩﺰﯨﺴﺘﺎﻥ ﻣﯘﺋﺎﯞﯨﻦ ﺑﺎﺵ ﻣﯩﻨﯩﺴﺘﯩﺮﻯ ﺋﯚﻣﯜﺭﺑﯧﻚ ﺑﺎﺑﺎﻧﻮﯞ ﻧﯚﯞﻩﺗﺘﻪ ﻛﯚﭘﻠﯩﮕﻪﻥ ﺧﯩﺘﺎﻱ ﺷﯩﺮﻛﻪﺗﻠﯩﺮﯨﻨﯩﯔ ﻗﻪﺷﻘﻪﺭﺩﯨﻦ ﻗﯩﺮﻏﯩﺰﯨﺴﺘﺎﻥ ﯞﻩ ﺋﯚﺯﺑﯧﻜﯩﺴﺘﺎﻧﻨﻰ ﺗﯘﺗﺎﺷﺘﯘﺭﯨﺪﯨﻐﺎﻥ ﺗﯚﻣﯜﺭ ﻳﻮﻟﻨﻰ ﻗﯘﺭﯗﺵ ﺋﯩﺸﯩﻨﻰ ﺯﯨﻤﻤﯩﺴﯩﮕﻪ ﺋﯧﻠﯩﺸﻘﺎ ﻗﯩﺰﯨﻘﻤﺎﻗﺘﺎ ﺋﯩﻜﻪﻥ.

ﻗﯩﺮﻏﯩﺰﯨﺴﺘﺎﻧﻨﯩﯔ "ﺋﺎﻛﭙﺮﯦﺴﺲ" ﺋﺎﮔﯧﻨﺘﻠﯩﻘﯩﻨﯩﯔ ﺧﻪﯞﻩﺭ ﻗﯩﻠﯩﺸﯩﭽﻪ، ﻗﯩﺮﻏﯩﺰﯨﺴﺘﺎﻥ ﻣﯘﺋﺎﯞﯨﻦ ﺑﺎﺵ ﻣﯩﻨﯩﺴﺘﯩﺮﻯ ﺑﯘ ﺳﯚﺯﻧﻰ ﺧﯩﺘﺎﻳﻨﯩﯔ" ﺳﯩﻨﯩﻬﯩﺪﺭﻭ" ﺷﯩﺮﻛﯩﺘﯩﻨﯩﯔ ﭘﺮﯦﺰﯨﺪﯦﻨﺘﻰ ﻓﺎﻧﺠﯩﺨﺎﻥ ﺑﯩﻠﻪﻥ ﺳﯚﺯﻟﻪﺷﻜﻪﻧﺪﯨﻦ ﻛﯧﻴﯩﻦ ﺋﯧﻴﺘﻘﺎﻥ ﺑﻮﻟﯘﭖ، ﺑﯩﺸﻜﻪﻛﻨﻰ ﺯﯨﻴﺎﺭﻩﺕ ﻗﯩﻠﻐﺎﻥ ﺧﯩﺘﺎﻱ "ﺳﯩﻨﯩﻬﻮﺩﺭﻭ" ﺷﯩﺮﻛﯩﺘﯩﻨﯩﯔ ﺧﻮﺟﺎﻳﯩﻨﻰ ﯞﻩ ﺑﺎﺷﻘﺎ ﺧﯩﺘﺎﻱ ﯞﻩﻛﯩﻠﻠﯩﺮﻯ ﻗﯩﺮﻏﯩﺰﯨﺴﺘﺎﻥ ﻫﯚﻛﯜﻣﻪﺕ ﺳﺎﺭﯨﻴﯩﺪﺍ ﻛﯜﺗﯜﯞﯦﻠﯩﻨﻐﺎﻥ ﺋﯩﺪﻯ.

ﺧﻪﯞﻩﺭﺩﻩ ﻛﯚﺭﺳﯩﺘﯩﺸﯩﭽﻪ، ﺋﯩﻜﻜﻰ ﺗﻪﺭﻩﭖ ﺧﯩﺘﺎﻱ - ﻗﯩﺮﻏﯩﺰﯨﺴﺘﺎﻥ - ﺋﯚﺯﺑﯧﻜﯩﺴﺘﺎﻥ ﺗﯚﻣﯜﺭ ﻳﻮﻟﯩﻨﻰ ﻗﯘﺭﯗﺵ ﯞﻩ ﻫﯩﺪﺭﻭ ﺋﯧﻠﯧﻜﺘﯩﺮ ﺋﯩﺴﺘﺎﻧﺴﯩﻠﯩﺮﻯ ﻗﯘﺭﯗﻟﯘﺷﻰ ﻗﺎﺗﺎﺭﻟﯩﻖ ﺳﺎﻫﻪﻟﻪﺭ ﺑﻮﻳﯩﭽﻪ ﺳﯚﻫﺒﻪﺗﻠﻪﺷﻜﻪﻧﺪﻩ ﺧﯩﺘﺎﻱ ﺗﻪﺭﻩﭖ ﻣﻪﺯﻛﯘﺭ ﺳﺎﻫﻪﻟﻪﺭ ﺑﻮﻳﯩﭽﻪ ﻗﯩﺮﻏﯩﺰﯨﺴﺘﺎﻥ ﺑﯩﻠﻪﻥ ﻫﻪﻣﻜﺎﺭﻟﯩﺸﯩﺸﻨﻰ ﺧﺎﻻﻳﺪﯨﻐﺎﻧﻠﯩﻘﯩﻨﻰ ﺗﻪﻛﯩﺘﻠﯩﮕﻪﻥ.

"ﺳﯩﻨﻮﻫﯩﺪﺭﻭ" ﺷﯩﺮﻛﯩﺘﯩﻨﯩﯔ ﺧﯩﺰﻣﻪﺕ ﺩﺍﺋﯩﺮﯨﺴﻰ ﻛﻪﯓ ﺑﻮﻟﯘﭖ، ﺑﯘ ﺷﯩﺮﻛﻪﺗﻨﯩﯔ ﺗﯚﻣﯜﺭ ﻳﻮﻝ ﻗﯘﺭﯗﻟﯘﺵ ﺗﯧﺨﻨﯩﻜﯩﺴﯩﻤﯘ ﻳﯘﻗﯩﺮﻯ ﺑﻮﻟﻐﺎﻧﻠﯩﻘﻰ ﺋﯜﭼﯜﻥ، ﻫﺎﺯﯨﺮ ﺧﯩﺘﺎﻳﺪﯨﻜﻰ ﭼﻮﯓ ﺗﯚﻣﯜﺭ ﻳﻮﻟﻼﺭﺩﯨﻦ ﺑﯧﻴﺠﯩﯔ - ﺷﺎﯕﺨﻪﻱ ﺗﯧﺰ ﭘﻮﻳﯩﺰ ﻳﻮﻟﯩﻨﻰ ﻗﯘﺭﯗﺵ ﺋﯩﺸﯩﻨﯩﻤﯘ ﺋﯧﻠﯩﭗ ﺑﺎﺭﻣﺎﻗﺘﺎ ﺋﯩﻜﻪﻥ.

ﻗﯩﺮﻏﯩﺰﯨﺴﺘﺎﻥ ﻣﯘﺋﺎﯞﯨﻦ ﺑﺎﺵ ﻣﯩﻨﯩﺴﺘﯩﺮﻯ ﻳﻪﻥ، ﺧﯩﺘﺎﻱ ﻣﯘﺋﺎﯞﯨﻦ ﺑﺎﺵ ﻣﯩﻨﯩﺴﺘﯩﺮﻯ ﯞﺍﯓ ﻳﯩﺸﻪﻥ، ﺧﯩﺘﺎﻱ ﺗﯚﻣﯜﺭ ﻳﻮﻝ ﻣﯩﻨﯩﺴﺘﯩﺮﻯ ﻗﺎﺗﺎﺭﻟﯩﻖ ﻣﯘﻧﺎﺳﯩﯟﻩﺗﻠﯩﻚ ﺧﯩﺘﺎﻱ ﻳﯘﻗﯩﺮﻯ ﺩﻩﺭﯨﺠﯩﻠﯩﻚ ﺋﻪﻣﻪﻟﺪﺍﺭﻟﯩﺮﻯ ﺑﯩﻠﻪﻧﻤﯘ ﭘﯩﻜﯩﺮ ﺋﺎﻟﻤﺎﺷﺘﯘﺭﻏﺎﻥ. ﺋﺎﺳﺎﺳﯩﻲ ﺗﯧﻤﺎ ﺧﯩﺘﺎﻱ - ﻗﯩﺮﻏﯩﺰﯨﺴﺘﺎﻥ - ﺋﯚﺯﺑﯧﻜﯩﺴﺘﺎﻥ ﺗﯚﻣﯜﺭ ﻳﻮﻝ ﻗﯘﺭﯗﻟﯘﺷﯩﻨﻰ ﺗﯧﺰﻟﯩﺘﯩﺶ ﻣﻪﺳﯩﻠﯩﺴﯩﮕﻪ ﻗﺎﺭﯨﺘﯩﻠﻐﺎﻧﺪﻩﻙ ﻗﯩﻠﯩﺪﯗ.

ﺑﯘ ﺗﯚﻣﯜﺭ ﻳﻮﻝ ﻗﻪﺷﻘﻪﺭﺩﯨﻦ ﺑﺎﺷﻠﯩﻨﯩﭗ، ﺗﻮﺭﻏﺎﺕ ﺋﯧﻐﯩﺰﯨﺪﯨﻦ ﺋﯚﺗﯜﭖ، ﻓﻪﺭﻏﺎﻧﻪ ﺗﺎﻍ ﺗﯩﺰﻣﯩﻠﯩﺮﻯ ﺋﺎﺭﻗﯩﻠﯩﻖ ﻗﯩﺮﻏﯩﺰﯨﺴﺘﺎﻧﻨﯩﯔ ﻗﺎﺭﺍ ﺳﯘ ﻧﺎﻫﯩﻴﯩﺴﯩﺪﻩ ﺋﺎﺧﯩﺮﻟﯩﺸﯩﺪﯨﻜﻪﻥ. ﻣﻪﺯﻛﯘﺭ ﺗﯚﻣﯜﺭ ﺋﯚﺯﺑﯧﻚ - ﻗﯩﺮﻏﯩﺰ ﭼﯧﮕﺮﺍ ﺷﻪﻫﻪﺭﭼﯩﺴﻰ ﻗﺎﺭﺍﺳﯘﺩﯨﻦ ﺋﻮﺵ ﺷﻪﻫﯩﺮﯨﮕﻪ ﺗﯘﺗﺎﺷﺘﯘﺭﯗﻟﯘﭖ، ﺋﺎﺭﻗﯩﺪﯨﻦ ﺋﯚﺯﺑﯧﻜﯩﺴﺘﺎﻥ ﺗﻪﯞﻩﺳﯩﺪﯨﻜﻰ ﺗﯚﻣﯜﺭ ﻳﻮﻝ ﺑﯩﻠﻪﻥ ﻗﻮﺷﯘﻟﯩﺪﯨﻜﻪﻥ. ﻗﯩﺮﻏﯩﺰﯨﺴﺘﺎﻥ ﺗﻪﯞﻩﺳﯩﺪﯨﻜﻰ ﻳﻮﻟﻨﯩﯔ ﺋﻮﻣﯘﻣﯩﻲ ﻣﯘﺳﺎﭘﯩﺴﻰ 268 ﻛﯩﻠﻮﻣﯧﺘﯩﺮ ﺑﻮﻟﯩﺪﯨﻜﻪﻥ. ﺗﯚﻣﯜﺭ ﻳﻮﻟﻨﯩﯔ ﻗﯩﺮﻏﯩﺰﯨﺴﺘﺎﻥ ﺗﻪﯞﻩﺳﯩﺪﯨﻜﻰ ﻗﯩﺴﯩﻤﯩﻨﻰ ﻗﯘﺭﯗﺵ ﺋﯜﭼﯜﻥ ﺋﯩﻜﻜﻰ ﻣﯩﻠﻴﺎﺭﺩ ﺋﺎﻣﯧﺮﯨﻜﺎ ﺩﻭﻟﻠﯩﺮﻯ ﻛﯧﺘﯩﺪﯨﻜﻪﻥ.