ﻟﻮﺩﻯ ﮔﻴﺎﺭﻯ، ﻛﯧﻠﻪﺭ ﻧﯚﯞﻩﺗﻠﯩﻚ ﺧﯩﺘﺎﻱ - ﺗﯩﺒﻪﺕ ﺳﯚﻫﺒﯩﺘﻰ ﻧﻪﺗﯩﺠﯩﺴﯩﺰ ﺋﺎﺧﯩﺮﻻﺷﺴﺎ، ﺳﯚﻫﺒﻪﺗﻨﯩﯔ ﺋﯩﺴﺘﯩﻘﺒﺎﻟﻰ 11 ‏ - ﺋﺎﻳﺪﯨﻜﻰ ﭘﻪﯞﻗﯘﻟﺌﺎﺩﺩﻩ ﻗﯘﺭﯗﻟﺘﺎﻳﺪﺍ ﻣﯘﺯﺍﻛﯩﺮﻩ ﻗﯩﻠﯩﻨﯩﺪﯨﻐﺎﻧﻠﯩﻘﻰ، ﻗﯘﺭﯗﻟﺘﺎﻳﻨﯩﯔ ﺳﯚﻫﺒﻪﺗﻨﻰ ﺗﻮﺧﺘﯩﺘﯩﺶ ﻗﺎﺭﺍﺭﻯ ﭼﯩﻘﯩﺮﯨﺶ ﺋﯧﻬﺘﯩﻤﺎﻟﯩﻨﻰ ﭼﻪﺗﻜﻪ ﻗﺎﻗﻤﺎﻳﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﺩﻯ.

ﺧﯩﺘﺎﻱ ﻣﻪﺭﻛﯩﺰﻯ ﺑﯩﺮﻟﯩﻜﺴﻪﭖ ﺑﯚﻟﯜﻣﻰ 10 ‏ - ﺋﺎﻳﻨﯩﯔ ﺋﺎﺧﯩﺮﻟﯩﺮﻯ ﺑﯧﻴﺠﯩﯖﺪﺍ ﺩﺍﻻﻱ ﻻﻣﺎﻧﯩﯔ ﯞﻩﻛﯩﻠﻠﯩﺮﻯ ﺑﯩﻠﻪﻥ ﻳﻪﻧﻪ ﺑﯩﺮ ﻧﯚﯞﻩﺗﻠﯩﻚ ﺳﯚﻫﺒﻪﺕ ﺋﯚﺗﻜﯜﺯﯨﺪﯗ. ﻟﻮﺩﻯ ﮔﻴﺎﺭﯨﻨﯩﯔ ﺋﻪﺳﻜﻪﺭﺗﯩﺸﯩﭽﻪ، ﺧﯩﺘﺎﻱ ﺗﻪﺭﻩﭖ ﻛﯧﻠﻪﺭ ﻧﯚﯞﻩﺗﻠﯩﻚ ﺳﯚﻫﺒﻪﺕ ﺩﺍﻻﻱ ﻻﻣﺎﻧﯩﯔ ﺷﻪﺧﺴﻰ ﺋﻮﺭﻧﯩﻐﺎ ﻣﯘﻧﺎﺳﯩﯟﻩﺗﻠﯩﻚ ﻣﻪﺳﯩﻠﯩﻠﻪﺭ ﺑﯩﻠﻪﻥ ﭼﻪﻛﻠﯩﻨﯩﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﮔﻪﻥ. ﻟﯧﻜﯩﻦ ﺩﺍﻻﻱ ﻻﻣﺎ ﯞﻩﻛﯩﻠﻠﻪﺭ ﺋﯚﻣﯩﻜﻰ ﺗﯩﺒﻪﺗﻨﯩﯔ ﺋﺎﭘﺘﻮﻧﻮﻣﯩﻴﯩﻠﯩﻚ ﺋﻮﺭﻧﯩﻨﻰ ﻣﯘﺯﺍﻛﯩﺮﻩ ﻗﯩﻠﯩﺸﺘﺎ ﭼﯩﯔ ﺗﯘﺭﯗﯞﺍﺗﻘﺎﻥ ﺑﻮﻟﯘﭖ، ﺧﯩﺘﺎﻱ ﺗﻪﺭﻩﭖ ﺗﯩﺒﻪﺗﻠﻪﺭﻧﯩﯔ ﻳﯩﻐﯩﻨﺪﺍ ﺋﯚﺯ ﭘﯩﻼﻧﯩﻨﻰ ﺗﺎﭘﺸﯘﺭﺳﺎ ﺑﻮﻟﯩﺪﯨﻐﺎﻧﻠﯩﻘﻰ، ﻟﯧﻜﯩﻦ ﺑﯘ ﺳﯚﻫﺒﻪﺕ ﻣﻪﺯﻣﯘﻧﯩﻐﺎ ﻛﯩﺮﻣﻪﻳﺪﯨﻐﺎﻧﻠﯩﻘﯩﻨﻰ ﺗﻪﻛﯩﺘﻠﯩﮕﻪﻥ.

ﻟﻮﺩﻯ ﮔﻴﺎﺭﻯ، ﺋﻪﮔﻪﺭ ﺧﯩﺘﺎﻱ ﻛﯧﻠﻪﺭ ﻧﯚﯞﻩﺗﻠﯩﻚ ﺳﯚﻫﺒﻪﺕ ﻧﻪﺗﯩﺠﯩﮕﻪ ﺋﯧﺮﯨﺸﻪﻟﻤﯩﺴﻪ 11 ‏ - ﺋﺎﻳﺪﯨﻜﻰ ﻗﯘﺭﯗﻟﺘﺎﻳﻨﯩﯔ ﺳﯚﻫﺒﻪﺗﻨﻰ ﺩﺍﯞﺍﻣﻼﺷﺘﯘﺭﯗﺵ ﻳﺎﻛﻰ ﺗﻮﺧﺘﯩﺘﯩﺶ ﻣﻪﺳﯩﻠﯩﺴﯩﻨﻰ ﻣﯘﺯﺍﻛﯩﺮﻩ ﻗﯩﻠﯩﺪﯨﻐﺎﻧﻠﯩﻘﻰ، ﺋﻪﮔﻪﺭ ﻗﯘﺭﯗﻟﺘﺎﻱ ﺳﯚﻫﺒﻪﺗﻨﻰ ﺗﻮﺧﺘﯩﺘﯩﺶ ﻗﺎﺭﺍﺭﻯ ﭼﯩﻘﺎﺭﺳﺎ ﺑﯘﻧﯩﯖﻐﺎ ﺋﻪﻣﻪﻝ ﻗﯩﻠﯩﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﮔﻪﻥ.

ﺧﯩﺘﺎﻱ ﻫﯚﻛﯜﻣﯩﺘﻰ ﺑﯩﺮ ﺗﻪﺭﻩﭘﺘﯩﻦ، ﺩﺍﻻﻱ ﻻﻣﺎﻧﯩﯔ ﯞﻩﻛﯩﻠﻠﯩﺮﻯ ﺑﯩﻠﻪﻥ ﺳﯚﻫﺒﻪﺕ ﺋﯧﻠﯩﭗ ﺑﺎﺭﺳﺎ، ﻳﻪﻧﻪ ﺑﯩﺮ ﺗﻪﺭﻩﭘﺘﯩﻦ، ﺩﺍﻻﻱ ﻻﻣﺎﻧﻰ "ﺑﯚﻟﮕﯜﻧﭽﯩﻠﯩﻚ" ﺑﯩﻠﻪﻥ ﺋﻪﻳﯩﺒﻠﯩﻤﻪﻛﺘﻪ. ﺧﯩﺘﺎﻱ ﺩﯙﻟﻪﺕ ﻛﺎﺑﯩﻨﺘﻰ ﭘﻪﻳﺸﻪﻧﺒﻪ ﻛﯜﻧﻰ ﺋﯧﻼﻥ ﻗﯩﻠﻐﺎﻥ " ﺗﯩﺒﻪﺕ ﻣﻪﺩﻩﻧﯩﻴﯩﺘﯩﻨﻰ ﻗﻮﻏﺪﺍﺵ ﯞﻩ ﺗﻪﺭﻩﻗﻘﻰ ﻗﯩﻠﺪﯗﺭﯗﺵ" ﺗﻮﻏﺮﯨﺴﯩﺪﯨﻜﻰ ﺋﺎﻕ ﺗﺎﺷﻠﯩﻖ ﻛﯩﺘﺎﺑﺘﺎ ﺩﺍﻻﻱ ﻻﻣﺎﻧﻰ ﺗﯩﺒﻪﺗﺘﻪ ﻗﯘﻟﻠﯘﻕ ﺗﯜﺯﯛﻣﻨﻰ ﺗﯩﺮﯨﻠﺪﯛﺭﻣﻪﻛﭽﻰ، ﺩﻩﭖ ﺋﻪﻳﯩﺒﻠﯩﮕﻪﻥ.