چۈنكى، بېيجىڭ ئۇنىۋېرسىتېتىنىڭ پروفېسسورى لىئۇ شاۋبو مەزكۇر " 08 نىزامنامىسى"نى تەييارلىغانلىقى بىلەن ئەيىبلىنىپ، ئۇنىڭغا "دۆلەتنى ئاغدۇرۇشقا ئۇرۇنغان"، دېگەن جىنايەت ئارتىلىپ، ئۇزۇن مۇددەتلىك تۈرمىگە تاشلىنىش خەۋپىگە دۇچ كەلگەن ئىدى. خىتاي ھۆكۈمىتى خىتاينىڭ كىشىلىك ھوقۇق ۋە دېموكراتىيىنى ئىلگىرى سۈرۈشنى مەقسەت قىلغان مەزكۇر نىزامنامىنى چەكلىگەن بولۇپ، شۇ سەۋەبلىك ئۆكتىچى پىكىردىكى لىئۇ شاۋبو تۇتقۇن قىلىنغان ئىدى.
بۇ مەسىلە خەلقئارا جەمئىيەتنىڭ دىققىتىنى تارتقان بولۇپ، 300 دىن ئارتۇق ئادەم ئۆزلىرىنىڭ بىرلەشمە باياناتىدا "ئەگەر لىئۇ شاۋبو ئەيىبلىنىدىغان بولسا، '08 نىزامنامىسى'غا ئىمزا قويغۇچى ھەر بىر ئادەم بۇ دېلونىڭ بىر تەركىبىي قىسمىدۇر" دەپ كۆرسەتكەن شۇنىڭدەك يەنە "ئەگەر لىئۇ شاۋبوغا جىنايەت تۇرغۇزۇلۇپ، ھۆكۈم ئېلان قىلىنسا، بۇ بىز ھەر بىرىمىزنىڭمۇ جىنايىتى بارلىقى بىلەن باراۋەر. بىز پەقەت لىئۇ شاۋبو ئەپەندى بىلەن ئورتاق جازالىنىشنى زېممىمىزگە ئالىمىز" دەپ جاكارلىغان.
ئامېرىكا ئاۋازىنىڭ خەۋەر قىلىشىچە، يېقىندا ئامېرىكىنىڭ بېيجىڭدا تۇرۇشلۇق ئەلچىسى بەش نەپەر خىتاي ھوقۇق قوغدىغۇچىسىنى ئەلچىخانىدا قوبۇل قىلىپ، سۆزلەشكەن ئىكەن.