Ши пейпуниң әсли җинси әр болсиму, лекин у аял қияпитидә оттуриға чиқип, франсийиниң бейҗиңдики дипломати бернард борсикут билән тонушқан һәм униң билән муһәббәтләшкән.

Бу вәқә 1960 - Йиллардики "мәдәнийәт инқилаби" дәвридә йүз бәргән болуп, ши пейпу борсикутни хитай бихәтәрлик оргини үчүн ишләшкә көндүргән иди. Франсийилик дипломат 1967 - Йили хитайдин айрилип дөлитигә қайтқандин кейин, бейҗиңда қалған ши пейпу франсийилик "сөйгини" билән алақисини үзмигән. Борсикут франсийигә қайтип узун өтмәй ши пейпу униңға хәт йезип, өзиниң һамилдар болуп қалғанлиқини билдүргән һәм үрүмчидики бир дохтурханидин сетивалған бир уйғур бовақни франсийилик дипломаттин туғулған "оғли" қилип өстүргән иди.

Борсикут 1977 - Йилдин 1979 - Йилғичә франсийиниң моңғулийидики әлчиханисида хизмәт қилған мәзгилидә, хитайда қалған "сөйгини" ши пейфуни мәхпий ахбарат билән тәминләп турған. Лекин борсикут ши пейпуниң әсли бир әркәк икәнликидин хәвәрсиз иди. Ши пейпу 1982 ‏- Йили үрүмчидин сетивалған "оғли" бертранд билән франсийигә көчүп берип, "сөйгини" бернард борсикут билән җәм болған, лекин узун өтмәй қолға елинған. У 1987‏ - Йили франсийә президенти митрандниң кәчүрүм қилишиға еришип қоюп берилгәндин бери парижда яшаватқан иди.

Пикир - Қарашлириңизни оттуриға қойуң

Пикир - Байанлириңиз тор башқурғучиси тәрипидин тәстиқлиниши керәк болуп, тор бәттә шу заман елан қилинмайду. Бир аз вақиттин кейин, пикир - Байанлириңизниң тәстиқланған йаки тәстиқланмиғанлиқини қайта тәкшүрүп көрүшигизни сораймиз. Пикир - Қарашлириңизни төвәндики җәдвәл арқилиқ, уйғур кона йезиқи бойичә йоллийалайсиз.

Исим (ихтийар)

Шәһәр (ихтийар)

Пикир - Қарашлириңиз