Shi péypuning esli jinsi er bolsimu, lékin u ayal qiyapitide otturigha chiqip, fransiyining béyjingdiki diplomati bérnard borsikut bilen tonushqan hem uning bilen muhebbetleshken.

Bu weqe 1960 - Yillardiki "medeniyet inqilabi" dewride yüz bergen bolup, shi péypu borsikutni xitay bixeterlik orgini üchün ishleshke köndürgen idi. Fransiyilik diplomat 1967 - Yili xitaydin ayrilip dölitige qaytqandin kéyin, béyjingda qalghan shi péypu fransiyilik "söygini" bilen alaqisini üzmigen. Borsikut fransiyige qaytip uzun ötmey shi péypu uninggha xet yézip, özining hamildar bolup qalghanliqini bildürgen hem ürümchidiki bir doxturxanidin sétiwalghan bir uyghur bowaqni fransiyilik diplomattin tughulghan "oghli" qilip östürgen idi.

Borsikut 1977 - Yildin 1979 - Yilghiche fransiyining mongghuliyidiki elchixanisida xizmet qilghan mezgilide, xitayda qalghan "söygini" shi péyfuni mexpiy axbarat bilen teminlep turghan. Lékin borsikut shi péypuning esli bir erkek ikenlikidin xewersiz idi. Shi péypu 1982 ‏- Yili ürümchidin sétiwalghan "oghli" bértrand bilen fransiyige köchüp bérip, "söygini" bérnard borsikut bilen jem bolghan, lékin uzun ötmey qolgha élinghan. U 1987‏ - Yili fransiye prézidénti mitrandning kechürüm qilishigha ériship qoyup bérilgendin béri parizhda yashawatqan idi.

Pikir - Qarashliringizni otturigha qoyung

Pikir - Bayanliringiz tor bashqurghuchisi teripidin testiqlinishi kérek bolup, tor bette shu zaman élan qilinmaydu. Bir az waqittin kéyin, pikir - Bayanliringizning testiqlanghan yaki testiqlanmighanliqini qayta tekshürüp körüshigizni soraymiz. Pikir - Qarashliringizni töwendiki jedwel arqiliq, uyghur kona yéziqi boyiche yolliyalaysiz.

Isim (ixtiyar)

Sheher (ixtiyar)

Pikir - Qarashliringiz