خىتاي، جەنۇبىي رايونلارنىڭ قۇرۇلۇش پىلانىغا زور مىقداردا مەبلەغ ئاجراتتى
ﻣﯘﺧﺒﯩﺮﯨﻤﯩﺰ ﺋﯜﻣﯩﺪﯞﺍﺭ
2009.01.04
2009.01.04
خىتاينىڭ شىنخۇا ئاگېنتلىقىنىڭ خەۋەر قىلىشىچە، مەزكۇر پىلان لايىھىسى 2009 - يىلىدىن 2013 - يىلىغىچە ئەمەلگە ئاشۇرۇلۇش قارار قىلىنغان بولۇپ، بۇ پىلان جەنۇبتىكى ئۈچ ۋىلايەتنىڭ ئىقتىسادىنى راۋاجلاندۇرۇش، ئېكولوگىيىلىك مۇھىت قۇرۇلۇشى، خەلق تۇرمۇشىنى ياخشىلاشقا كېرەك بولغان ئاساسىي قۇرۇلۇش ھەم باشقىلارنى ئۆز ئىچىگە ئالىدىكەن.
خەۋەردە قەشقەر، خوتەن ۋە قىزىلسۇنىڭ ئۇيغۇر ئاپتونوم رايونىدىكى ئىقتىسادى ئەڭ ئارقىدا قالغان جايلار ئىكەنلىكى كۆرسىتىلگەن. قەشقەر، خوتەن ۋە قىزىلسۇ قىرغىز ئاپتونوم ئوبلاستى ھەمدە ئاقسۇ ۋىلايىتى تەڭرى تاغلىرىنىڭ جەنۇبىدىكى ئۇيغۇرلار ئەڭ كۆپ ۋە زىچ ئولتۇراقلاشقان جايلار بولۇپ، ئۇيغۇرلار زىچ ئولتۇراقلاشقان ناھىيىلەر، ئۇيغۇر ئېلى بويىچىلا ئەمەس بەلكى پۈتۈن خىتاي بويىچە ئەڭ كەمبەغەل جايلار ھېسابلىنىدۇ.
بۇ جايدىكى ئۇيغۇر دېھقانلىرى تېخىمۇ كەمبەغەل. ئىقتىسادشۇناسلارنىڭ ئېيتىشىچە، جەنۇبتىكى ئۇچ ۋىلايەتنى راۋاجلاندۇرۇش شوئارى مەيدانغا چىققاندىن بۇيان قەشقەر، خوتەن، قىزىل سۇ تەۋەسىدىكى خىتايلار نوپۇسى تېز سۈرەتتە ئاشماقتا ئىكەن.