ئۇيغۇر‎ > خەۋەرلەر > ﺑﯜﮔﯜﻧﻜﻰ ﻗﯩﺴﻘﺎ ﺧﻪﯞﻩﺭﻟﻪﺭ

ﺧﯩﺘﺎﻳﺪﺍ ﺑﯘ ﻳﯩﻞ 12 ﻣﯩﻠﻴﻮﻥ ﺧﯩﺰﻣﻪﺕ ﺋﯩﺰﺩﯨﮕﯜﭼﻰ ﺧﯩﺰﻣﻪﺕ ﺗﺎﭘﺎﻟﻤﺎﻳﺪﯨﻜﻪﻥ

ﻣﯘﺧﺒﯩﺮﯨﻤﯩﺰ ﺟﯜﻣﻪ

2009-08-23

ﺧﯩﺘﺎﻳﺪﺍ ﺑﯘ ﻳﯩﻞ 24 ﻣﯩﻠﻴﻮﻥ ﺋﺎﺩﻩﻡ ﺧﯩﺰﻣﻪﺕ ﺋﯩﺰﺩﻩﻳﺪﯨﻐﺎﻥ ﺑﻮﻟﯘﭖ، ﺑﯘﻻﺭﻧﯩﯔ ﭘﻪﻗﻪﺕ ﻳﯧﺮﯨﻤﻰ ﺩﯦﮕﯜﺩﻩﻛﻼ، ﺧﯩﺰﻣﻪﺗﺴﯩﺰ ﻗﯩﻠﯩﺸﻰ ﻣﯘﻣﻜﯩﻦ ﺋﯩﻜﻪﻥ. ﺧﯩﺘﺎﻱ ﮔﯧﺰﯨﺘﯩﺪﻩ ﻛﯚﺭﺳﯩﺘﯩﺸﻜﻪ، ﺋﻪﮔﻪﺭ ﺧﯩﺘﺎﻱ ﺋﯩﻘﺘﯩﺴﺎﺩﯨﺪﺍ ﺑﯘ ﻳﯩﻞ 8 ﭘﯩﺮﺳﻪﻧﺘﻠﯩﻚ ﺋﯚﺳﯜﺵ ﻫﺎﺳﯩﻞ ﻗﯩﻠﯩﻨﻐﺎﻥ ﺗﻪﻗﺪﯨﺮﺩﯨﻤﯘ، ﻳﻪﻧﻪ 12 ﻣﯩﻠﻴﻮﻥ ﺧﯩﺰﻣﻪﺕ ﺋﯩﺰﺩﯨﮕﯜﭼﻰ ﺧﯩﺰﻣﻪﺕ ﺗﺎﭘﺎﻟﻤﺎﻳﺪﯨﻜﻪﻥ.

ﺧﻪﯞﻩﺭﺩﻩ، ﺧﯩﺘﺎﻱ ﺋﯩﺠﺘﯩﻤﺎﺋﯩﻲ ﻛﺎﭘﺎﻟﻪﺕ ﯞﻩ ﺋﻪﻣﮕﻪﻙ ﻣﯩﻨﯩﺴﺘﯩﺮﻯ ﻳﯩﻦ ﯞﯦﻴﻤﯩﻨﻨﯩﯔ ﺋﯧﻴﺘﻘﺎﻧﻠﯩﺮﯨﺪﯨﻦ ﻧﻪﻗﯩﻞ ﺋﯧﻠﯩﭗ ﻛﯚﺭﺳﯩﺘﯩﺸﯩﭽﻪ، ﺧﯩﺘﺎﻳﺪﺍ ﺋﻪﻣﮕﻪﻙ ﻛﯜﭼﯩﮕﻪ ﺑﻮﻟﻐﺎﻥ ﺋﯧﻬﺘﯩﻴﺎﺝ ﺑﯩﻠﻪﻥ ﺧﯩﺰﻣﻪﺗﺴﯩﺰ ﺋﻪﮔﻤﻪﻙ ﻛﯜﭼﻠﯩﺮﻯ ﺋﺎﺭﯨﺴﯩﺪﯨﻜﻰ ﻧﯩﺴﺒﻪﺕ ﺋﯚﺗﻜﻪﻥ ﻳﯩﻠﺪﯨﻜﯩﺪﯨﻦ ﻛﯚﭖ ﺯﻭﺭﯨﻴﯩﭗ ﻛﻪﺗﻜﻪﻥ.

ﺋﯚﺗﻜﻪﻥ ﻳﯩﻠﺪﯨﻦ ﺑﺎﺷﻼﭖ ﺩﯗﻧﻴﺎ ﺋﯩﻘﺘﯩﺴﺎﺩﯨﺪﺍ ﻛﯚﺭﯛﻧﮕﻪﻥ ﺩﺍﯞﺍﻟﻐﯘﺵ ﺳﻪﯞﻩﺑﯩﺪﯨﻦ، ﺧﯩﺘﺎﻳﻨﯩﯔ ﺋﯧﻜﺴﭙﻮﺭﺕ ﻗﯩﻤﻤﯩﺘﻰ ﻛﯚﺭﯛﻧﻪﺭﻟﯩﻚ ﺩﻩﺭﯨﺠﯩﺪﻩ ﺗﯚﯞﻩﻧﻠﯩﮕﻪﻥ. ﻧﻪﺗﯩﺠﯩﺪﻩ ﻛﯚﭘﻠﯩﮕﻪﻥ ﺧﯩﺘﺎﻱ ﺯﺍﯞﯗﺗﻠﯩﺮﻯ ﺗﺎﻗﺎﻟﻐﺎﻥ ﺑﻮﻟﻐﺎﭼﻘﺎ 30 ﻣﯩﻠﻴﻮﻧﺪﻩﻙ ﻛﯚﭼﻤﻪﻥ ﺋﯩﺸﭽﻰ ﺧﯩﺰﻣﯩﺘﯩﺪﯨﻦ ﺋﺎﻳﺮﯨﻠﻐﺎﻥ ﺋﯩﺪﻯ.

ﺧﯩﺘﺎﻱ ﺩﺍﺋﯩﺮﯨﻠﯩﺮﻯ ﺧﯩﺘﺎﻱ ﺋﯩﭽﯩﺪﻩ ﺋﯩﻘﺘﯩﺴﺎﺩﻧﻰ ﺋﯩﻠﮕﯩﺮﻯ ﺳﯜﺭﯛﺵ ﺋﯘﭼﯘﻥ 586 ﻣﯩﻠﻴﺎﺭﺩ ﺩﻭﻟﻼﺭ ﻣﻪﺑﻠﻪﻍ ﺳﺎﻟﻐﺎﻥ ﺑﻮﻟﺴﯩﻤﯘ، ﺋﻪﻣﻤﺎ ﺑﯘﻧﯩﯔ ﺧﯩﺘﺎﻳﺪﯨﻜﻰ ﺧﯩﺰﻣﻪﺗﺴﯩﺰﻟﯩﻚ ﻧﯩﺴﺒﯩﺘﯩﻨﻰ ﻛﯚﺭﯛﻧﻪﺭﻟﯩﻚ ﺗﯚﯞﻩﻧﻠﯩﺘﻪﻟﻤﯩﮕﻪﻧﻠﯩﻜﻰ ﺋﯩﻠﮕﯩﺮﻯ ﺳﯜﺭﯛﻟﻤﻪﻛﺘﻪ.