27 - ﺳﯧﻨﺘﻪﺑﯩﺮ ﻛﯜﻧﻰ ﺋﯘﻳﻐﯘﺭ ﺋﺎﭘﺘﻮﻧﻮﻡ ﺭﺍﻳﻮﻧﻠﯘﻕ ﭘﺎﺭﺗﻜﻮﻣﻨﯩﯔ ﺗﻪﺷﻪﺑﺒﯘﺳﻰ ﯞﻩ ﺋﻮﺭﯗﻧﻼﺷﺘﯘﺭﯗﺷﻰ ﺑﯩﻠﻪﻥ ﺋﯜﺭﯛﻣﭽﯩﺪﻩ ﺋﺎﻣﯧﺮﯨﻜﺎ، ﻓﺮﺍﻧﺴﯩﻴﻪ، ﺋﻪﻧﮕﯩﻠﯩﻴﻪ، ﮔﯧﺮﻣﺎﻧﯩﻴﻪ ﻗﺎﺗﺎﺭﻟﯩﻖ ﺑﯩﺮ ﻗﯩﺴﯩﻢ ﺋﻪﻟﻠﻪﺭﺩﯨﻜﻰ ﺑﯩﺮ ﻗﺎﻧﭽﻪ ﺧﯩﺘﺎﻱ ﺗﯩﻠﻰ ﯞﻩ ﺑﺎﺷﻘﺎ ﺗﯩﻠﻼﺭﺩﺍ ﭼﯩﻘﯩﺪﯨﻐﺎﻥ ﮔﯧﺰﯨﺘﻠﻪﺭﻧﯩﯔ ﺗﻪﻫﺮﯨﺮﻟﯩﺮﻯ ﻳﯩﻐﯩﻠﯩﭗ، ﺋﺎﭘﺘﻮﻧﻮﻡ ﺭﺍﻳﻮﻧﻠﯘﻕ ﭘﺎﺭﺗﻜﻮﻡ ﺗﻪﺷﯟﯨﻘﺎﺕ ﺑﯚﻟﯜﻣﻰ ﺑﯩﻠﻪﻥ ﻗﺎﻧﺪﺍﻕ ﻗﯩﻠﻐﺎﻧﺪﺍ، ﺑﯘﻧﯩﯖﺪﯨﻦ ﻛﯧﻴﯩﻦ ﺷﯩﻨﺠﺎﯕﻨﻰ ﻳﺎﺧﺸﻰ ﺗﻪﺷﯟﯨﻖ ﻗﯩﻠﯩﺶ ﻣﻪﺳﯩﻠﯩﻠﯩﺮﯨﻨﻰ ﻣﯘﺯﺍﻛﯩﺮﻩ ﻗﯩﻠﻐﺎﻥ ﺷﯘﻧﯩﯖﺪﻩﻙ ﻳﺎﯞﺭﻭﭘﺎﺩﺍ ﭼﯩﻘﯩﺪﯨﻐﺎﻥ " ﻳﺎﯞﺭﻭﭘﺎ ﯞﺍﻗﺘﻰ ﮔﯧﺰﯨﺘﻰ"' ﺋﺎﻣﯧﺮﯨﻜﯩﺪﯨﻜﻰ "ﻣﯘﻫﺎﺟﯩﺮﻻﺭ" ﮔﯧﺰﯨﺘﯩﻨﯩﯔ ﻣﻪﺧﺴﯘﺱ "ﺷﯩﻨﺠﺎﯕﻐﺎ ﻧﻪﺯﻩﺭ" ﺳﻪﻫﯩﭙﯩﺴﯩﻨﻰ ﺋﯧﭽﯩﭗ، ﺟﻪﻣﺌﯩﻲ 1000 ﺳﺎﻥ ﭼﯩﻘﺎﺭﻏﺎﻧﻠﯩﻘﯩﻨﻰ ﺗﻪﺑﺮﯨﻜﻠﯩﮕﻪﻥ.
 
ﺷﯩﻨﺨﯘﺍ ﺋﺎﮔﯧﻨﺘﻠﯩﻘﯩﻨﯩﯔ ﺑﯘ ﻫﻪﻗﺘﯩﻜﻰ ﺋﯘﭼﯘﺭﻟﯩﺮﯨﺪﯨﻦ ﻣﻪﻟﯘﻡ ﺑﻮﻟﯘﺷﯩﭽﻪ، ﺑﯘ ﭘﺎﺋﺎﻟﯩﻴﻪﺗﻜﻪ ﭘﺎﺭﺗﻜﻮﻡ ﺗﻪﺷﯟﯨﻘﺎﺕ ﺑﯚﻟﯜﻣﻰ ﺑﺎﺷﻠﯩﻘﻰ ﻟﯩﭽﻰ ﻗﺎﺗﻨﺎﺷﻘﺎﻥ. ﺋﯘ، ﭼﻪﺗﺌﻪﻟﻠﯩﻚ ﮔﯧﺰﯨﺘﭽﯩﻼﺭﺩﯨﻦ "ﭼﻪﺕ ﺋﻪﻟﻠﻪﺭﺩﻩ ﺷﯩﻨﺠﺎﯕﻨﻰ ﭼﯜﺷﯩﻨﯩﺸﻨﻰ ﺗﯧﺨﯩﻤﯘ ﻛﯧﯖﻪﻳﺘﯩﺶ، ﺷﯩﻨﺠﺎﯕﻨﯩﯔ ﺗﺎﺭﯨﺨﻰ ﯞﻩ ﻫﺎﺯﯨﺮﻗﻰ ﺋﻪﻫﯟﺍﻟﯩﻨﻰ ﺑﯩﻠﺪﯛﺭﯛﺵ ﻫﻪﻣﺪﻩ ﺷﯘ ﺋﺎﺭﻗﯩﻠﯩﻖ ﺋﻮﺑﻴﯧﻜﺘﯩﭗ، ﺭﯦﺌﺎﻝ ﺷﯩﻨﺠﺎﯕﻨﯩﯔ ﺋﻮﺑﺮﺍﺯﯨﻨﻰ ﺗﯩﻜﻠﻪﺵ ﻛﯧﺮﻩﻛﻠﯩﻜﯩﻨﻰ "ﺗﻪﻛﯩﺘﻠﯩﮕﻪﻥ.

ﺑﯘﻧﯩﯖﺪﯨﻦ ﺋﯩﻠﮕﯩﺮﻯ ﺋﺎﭘﺘﻮﻧﻮﻡ ﺭﺍﻳﻮﻥ ﺭﻩﺋﯩﺴﻰ ﻧﯘﺭ ﺑﻪﻛﺮﻯ ﻛﺎﺩﯨﺮﻻﺭ ﻳﯩﻐﯩﻨﯩﺪﺍ ﺳﯚﺯﻟﯩﮕﻪﻧﺪﻩ، ﺭﺍﺑﯩﻴﻪ ﻗﺎﺩﯨﺮ ﺑﺎﺷﻠﯩﻖ ﺩﯗﻧﻴﺎ ﺋﯘﻳﻐﯘﺭ ﻗﯘﺭﯗﻟﺘﯩﻴﯩﻨﯩﯔ ﭼﻪﺗﺌﻪﻟﻠﻪﺭﺩﻩ ﺋﯧﻠﯩﭗ ﺑﯧﺮﯨﯟﺍﺗﻘﺎﻥ ﭘﺎﺋﺎﻟﯩﻴﻪﺗﻠﯩﺮﯨﻨﻰ ﻛﯚﺭﺳﯩﺘﯩﭗ، ﺋﺎﺗﺎﻟﻤﯩﺶ "ﻣﯩﻠﻠﯩﻲ ﺑﯚﻟﮕﯜﻧﭽﯩﻠﻪﺭﻧﯩﯔ ﺋﯘﻳﻐﯘﺭﻻﺭﻧﯩﯔ ﺋﻪﻫﯟﺍﻟﯩﻨﻰ ﺑﯘﺭﻣﯩﻠﯩﻐﺎﻧﻠﯩﻘﻰ" ﻧﻰ ﺋﻪﻳﯩﺒﻠﯩﮕﻪﻥ ﻫﻪﻣﺪﻩ ﺑﯘﻧﯩﯖﺪﯨﻦ ﻛﯧﻴﯩﻦ ﺗﻪﺷﯟﯨﻘﺎﺗﻨﻰ ﻛﯜﭼﻪﻳﺘﯩﺸﻨﻰ ﺗﻪﻟﻪﭖ ﻗﯩﻠﻐﺎﻥ ﺋﯩﺪﻯ.

ﻧﯚﯞﻩﺗﺘﻪ، ﭼﻪﺗﺌﻪﻟﻠﻪﺭﺩﯨﻜﻰ ﺋﺎﺗﺎﻗﻠﯩﻖ ﺋﺎﺧﺒﺎﺭﺍﺕ ﯞﺍﺳﯩﺘﯩﻠﯩﺮﻯ ﺏ ﺏ ﺱ، ﺋﺎﻣﯧﺮﯨﻜﺎ ﺋﺎﯞﺍﺯﻯ، ﺭﻭﻳﺘﯧﺮﺱ، ﺑﯩﺮﻟﻪﺷﻤﻪ ﺋﺎﮔﯧﻨﺘﻠﯩﻘﻰ، ﺱ ﻥ ﻥ، ﺋﻪﺭﻛﯩﻦ ﺋﺎﺳﯩﻴﺎ ﺭﺍﺩﯨﺌﻮﺳﻰ ﻗﺎﺗﺎﺭﻟﯩﻘﻼﺭ ﺩﺍﺋﯩﻢ ﺩﯦﮕﯜﺩﻩﻙ ﺋﯘﻳﻐﯘﺭﻻﺭﻧﯩﯔ ﻫﺎﺯﯨﺮﻗﻰ ﺋﯧﻐﯩﺮ ﯞﻩﺯﯨﻴﯩﺘﻰ، ﺗﯜﺭﻟﯜﻙ ﻣﻪﺳﯩﻠﯩﻠﯩﺮﻯ ﻫﻪﻗﻘﯩﺪﻩ ﻣﻪﻟﯘﻣﺎﺕ ﺑﯧﺮﯨﭗ ﺗﯘﺭﯗﺵ ﺑﯩﻠﻪﻥ ﺧﻪﻟﻘﺌﺎﺭﺍﺩﺍ ﺋﯘﻳﻐﯘﺭﻻﺭ ﻫﻪﻗﻘﯩﺪﯨﻜﻰ ﺋﯘﭼﯘﺭﻻﺭ ﻛﯚﭘﻪﻳﻤﻪﻛﺘﻪ.

ﺋﯩﻨﻜﺎﺳﻼﺭﺩﯨﻦ ﻗﺎﺭﯨﻐﺎﻧﺪﺍ، ﺧﯩﺘﺎﻱ ﺋﻪﺭﻛﯩﻦ ﺋﺎﺳﯩﻴﺎ ﺭﺍﺩﯨﺌﻮﺳﻰ ﻫﻪﻣﺪﻩ ﭼﻪﺗﺌﻪﻟﻠﻪﺭﺩﯨﻜﻰ ﻣﯘﺳﺘﻪﻗﯩﻞ ﻣﻪﺗﺒﯘﺋﺎﺗﻼﺭﻧﯩﯔ ﺧﻪﯞﻩﺭﻟﯩﺮﯨﻨﻰ ﻗﺎﻣﺎﻝ ﻗﯩﻠﯩﺸﻨﯩﻤﯘ ﻛﯜﭼﻪﻳﺘﻤﻪﻛﺘﻪ.