ئۇيغۇر‎ > خەۋەرلەر > ﺑﯜﮔﯜﻧﻜﻰ ﻗﯩﺴﻘﺎ ﺧﻪﯞﻩﺭﻟﻪﺭ

ﻳﺎﭘﻮﻧﯩﻴﻪ ﺑﺎﺵ ﻣﯩﻨﯩﺴﺘﯩﺮﻯ ﻣﯩﻜﻮﯓ ﺭﺍﻳﻮﻧﯩﻐﺎ 5 ﻣﯩﻠﻴﺎﺭﺩﺍ 600 ﻣﯩﻠﻴﻮﻥ ﺋﺎﻣﯧﺮﯨﻜﺎ ﺩﻭﻟﻠﯩﺮﻯ ﻳﺎﺭﺩﻩﻡ ﺑﻪﺭﻣﻪﻛﭽﻰ

ﻣﯘﺧﺒﯩﺮﯨﻤﯩﺰ ﯞﻩﻟﻰ

2009-11-07

ﺑﯩﺮﻟﻪﺷﻤﻪ ﺋﺎﮔﯧﻨﺘﻠﯩﻘﯩﻨﯩﯔ ﺑﺎﻳﺎﻥ ﻗﯩﻠﯩﺸﯩﭽﻪ، ﻳﺎﭘﻮﻧﯩﻴﻪ ﺑﺎﺵ ﻣﯩﻨﯩﺴﺘﯩﺮﻯ ﻳﯘﻛﯩﺌﻮ ﺧﺎﺗﻮﻳﺎﻣﺎ ﻣﯩﻜﻮﯓ ﺩﻩﺭﻳﺎﺳﻰ ﺭﺍﻳﻮﻧﯩﺪﯨﻜﻰ ﯞﯦﺘﻨﺎﻡ، ﺗﺎﻳﻼﻧﺪ، ﻻﯞﯗﺱ، ﻛﺎﻣﺒﻮﺩﯨﻴﻪ، ﺑﯧﺮﻣﺎ ﺩﯙﻟﻪﺕ ﺑﺎﺷﻠﯩﻘﯩﻠﯩﺮﻯ ﺑﯩﻠﻪﻥ، ﺧﯩﺘﺎﻳﻨﯩﯔ ﺑﯘ ﺭﺍﻳﻮﻧﺪﯨﻜﻰ ﻛﯜﻧﺴﯧﺮﻯ ﺋﯚﺳﯜﯞﺍﺗﻘﺎﻥ ﺗﻪﺳﯩﺮﯨﻨﻰ، ﺷﯘﻧﺪﺍﻗﻼ ﺋﺎﻣﯧﺮﯨﻜﯩﻨﯩﯔ ﺑﯘ ﺭﺍﻳﻮﻧﺪﯨﻜﻰ ﻣﻪﻧﭙﻪﺋﻪﺗﻠﯩﺮﯨﻨﻰ ﺋﯚﺯ ﺋﯩﭽﯩﮕﻪ ﺋﺎﻟﻐﺎﻥ 'ﺧﻪﻟﻘﺌﺎﺭﺍ ﯞﻩﺯﯨﻴﻪﺕ'ﻧﻰ ﺋﯚﺯﮔﻪﺭﺗﯩﺶ ﻫﻪﻗﻘﯩﺪﻩ ﺋﯩﻜﻜﻰ ﻛﯜﻥ ﺳﯚﻫﺒﻪﺗﻠﻪﺷﻜﻪﻧﺪﯨﻦ ﻛﯧﻴﯩﻦ، ﻣﯧﻜﻮﯓ ﺭﺍﻳﻮﻧﯩﻐﺎ 5 ﻣﯩﻠﻴﺎﺭﺩﺍ 600 ﻣﯩﻠﻴﻮﻥ ﺋﺎﻣﯧﺮﯨﻜﺎ ﺩﻭﻟﻠﯩﺮﻯ ﻳﺎﺭﺩﻩﻡ ﺑﯧﺮﯨﺸﻜﻪ ﯞﻩﺩﻩ ﺑﻪﺭﺩﻯ.

ﺑﯩﺮﻟﻪﺷﻤﻪ ﺑﺎﻳﺎﻧﺎﺗﺘﺎ ﺋﯧﻴﺘﯩﻠﯩﺸﯩﭽﻪ، ﻳﺎﭘﻮﻧﯩﻴﻪ ﺑﯧﺮﯨﺪﯨﻐﺎﻥ ﺑﯘ ﻳﺎﺭﺩﻩﻡ ﺑﯩﻠﻪﻥ ﺋﻪﻣﺪﻯ ﻣﯩﻜﻮﻥ ﺭﺍﻳﻮﻧﯩﺪﺍ ﺩﯦﯖﯩﺰ ﭘﻮﺭﺗﻠﯩﺮﯨﻨﻰ، ﺋﺎﻳﺮﯨﺪﺭﻭﻣﻼﺭﻧﻰ، ﺋﯧﻠﯩﻜﺘﯩﺮ ﻗﯘﯞﯨﺘﻰ ﺳﯧﺴﺘﯩﻤﯩﻠﯩﺮﯨﻨﻰ ﻛﯧﯖﻪﻳﺘﯩﭗ ﻗﯘﺭﯗﺵ ﻗﺎﺗﺎﺭﻟﯩﻖ 63 ﭼﻮﯓ ﻗﯘﺭﯗﻟﯘﺵ ﺑﺎﺷﻠﯩﻨﯩﺪﯨﻜﻪﻥ، ﺑﯘﻧﯩﯖﻐﺎ ﺷﯘ ﺭﺍﻳﻮﻧﺪﯨﻦ 30 ﻣﯩﯔ ﺧﯩﺰﻣﻪﺗﭽﻰ ﺗﻪﻛﻠﯩﭗ ﻗﯩﻠﯩﻨﯩﺪﯨﻜﻪﻥ.

ﺏ ﺏ ﺱ ﻧﯩﯔ ﺑﺎﻳﺎﻥ ﻗﯩﻠﯩﺸﯩﭽﻪ، ﻳﺎﭘﻮﻧﯩﻴﻪ ﺋﺎﯞﯨﺌﺎﺗﺴﯩﻴﻪ ﺷﯩﺮﻛﯩﺘﻰ ﺑﯜﮔﯜﻥ ﻳﻪﻧﻪ، ﺧﯩﺘﺎﻳﻨﯩﯔ ﺧﺎﯕﺠﯘ، ﭼﯩﯖﺪﺍﯞ، ﺷﺎﻣﯧﻦ ﻗﺎﺗﺎﺭﻟﯩﻖ ﺋﯜﭺ ﺷﻪﻫﯩﺮﯨﮕﻪ ﻗﺎﺗﻨﺎﻳﺪﯨﻐﺎﻥ ﻳﯘﻟﯘﭼﻰ ﺋﺎﻳﺮﯗﭘﯩﻼﻧﻠﯩﺮﯨﻨﻰ 12 ‏ - ﺋﺎﻳﻨﯩﯔ 7 ‏ - ﻛﯜﻧﯩﺪﯨﻦ ﺑﺎﺷﻼﭖ ﺗﻮﺧﺘﯩﺘﯩﺪﯨﻐﺎﻧﻠﯩﻘﯩﻨﻰ ﺟﺎﻛﺎﺭﻟﯩﺪﻯ.