Amanliq mudiri: chetelge chiqqanlar pushayman sözi yazghandin kéyin qoyup bérilidu

Muxbirimiz shöhret hoshur
2017-10-04
Élxet
Pikir
Hembehr
Print
  • Print
  • Hembehr
  • Pikir
  • Élxet
Aqtu nahiye pilal yéza taziliq kentidiki «ammini agahlandurush yighini». 2017-Yil 3-Iyul, aqtu pilal yézisi.
Aqtu nahiye pilal yéza taziliq kentidiki «ammini agahlandurush yighini». 2017-Yil 3-Iyul, aqtu pilal yézisi.
xjakt.gov.cn

Uyghur rayonida keng kölemde tesis qilinghan yépiq terbiyilesh merkezliride konkrét néme ishlar boluwatidu? atalmish kursant yeni tutqunlar qaysi xildiki tekshürüsh yaki soal-Soraqlargha duch kéliwatidu?

Muxbirimizning bu heqtiki éniqlashliri dawamida chetelge sayahet chiqqanliqi üchün terbiyiliniwatqanlarning cheteldiki uyghur teshkilatliri bilen uchriship-Uchrashmighanliqi qatarliq bir qatar soraqlar we tenqid-Tenbihlerdin kéyin, chetelge chiqqinigha pushayman bayanati yazidighanliqi we pushayminini qanaetlinerlik ipadilimigiche qoyuwétilmeydighanliqi ashkarilandi.

Biz yépiq terbiyilesh merkizidiki chetelge chiqqanlarning qandaq soraq-Soraqlargha duch kélidighanliqi heqqide yerlik dairilerdin melumat soriduq.

Korla qara yulghundiki amanliq mudirining bayan qilishiche, terbiyilesh merkizide tutup turuluwatqan sabiq sayahetchiler aldi bilen chetelde némilerni körgenliki heqqide soraqqa tartilidu. Arqidin körgenliri heqqide tesiratini bayan qilishqa mejburlinidu. 

Yene bu amanliq mudirining déyishiche, chetelge chiqqanlar terbiyilesh merkizide qanun-Tüzüm terbiyisini körgendin kéyin, öz qilmishining, yaki tesiratining we yaki bu tesiratini qolum-Qoshnilirigha bildürüshining toghra bolmighanliqini hés qilidu we pushayman qilghanliqini bildüridu. Eger kursantlar pushayman bayanati yazmisa we yaki pushayman ipadisi yéterlik bolmisa, taki pushayminini dairiler qanaetlengüdek derijide yazghangha qeder terbiyilinidu.  

Melum bolushiche, dunyada insanlarning dem élishigha, tebiet we jemiyettin huzurlinishigha, bilim dairisini kéngeytishige wesile boluwatqan seyle-Sayahet ishliri, uyghur jemiyitide köp sanliq kishilerge nésip bolmighanning üstige, bu purset nésip bolghan az bir qisim kishiler uningdin riyazet chekmekte. Yeni seyle-Sayahet ishliri ularning turmushigha awarichilik, hetta palaketchilik élip kelmekte.

Melum bolushiche, bezi jaylarda kishiler chetelge sayahet qilghanliqi üchünla emes, hetta pasportqa iltimas sunghanliqi yaki pasportigha wiza qoydurghanliqi üchünmu tutulghan.

Ilgiriki éniqlashlirimizdin melum bolushiche, yopurgha yekshenbe bazarda tutup terbiyilengen 12 yashliq emrullahning ikki taghisi türkiyeni ziyaret qilghanliqi üchün nöwette qamaqta. Ghulja nahiyisining qash yézisidiki abduréshit jélil malayshiyani sayahet qilghanliqi we türkiyediki oghlini körgini barghanliqi üchün qamaqta.

Toluq bet