Kent amanliq mudiri: «chetelge chiqip kirgenler zeherlinidu, terbiyelishimiz shert»

Muxbirimiz shöhret hoshur
2017-10-02
Élxet
Pikir
Hembehr
Print
  • Print
  • Hembehr
  • Pikir
  • Élxet
Türmige élip kiriliwatqan uyghur siyasiy mehbuslar.
Türmige élip kiriliwatqan uyghur siyasiy mehbuslar.
Social Media

Melum bolushiche, uyghur aptonom rayonidiki dairiler yéqinqi aylarda chetelde sayahet qilip kirgenlerni özini melum qilishqa buyrughan we özini melum qilghanlarning kengchilik bilen bir terep qilinidighanliqini uqturghan idi. Emma éniqlishimiz dawamida korlaning qara yulghun yéza arabughra kentidin ilgiri chetelge sayahetke chiqqan 13 kishi özlirini melum qilghan bolsimu, yenila «yépiq terbiyelesh merkizi» ge qamap qoyulghan. Ziyaritimizni qobul qilghan bir kent sékrétari chetelge chiqqanlarning idiye jehettin zeherlinidighanliqini, shunga terbiyelinishining shert ikenlikini ilgiri sürdi.

Uyghur rayonidiki dairiler bu yilning béshida chetelde oquwatqan oqughuchilarni yurtigha qaytishqa buyrush bilen birlikte, yene chetelde sayahette bolup kelgenlernimu özini melum qilishqa buyrughan. Eng yéqinda ashkarilanghan bir uqturushta özini melum qilghuchilargha kengchilik qilinidighanliqi eskertilgen.

Igilishimizche, dairiler wediside turmighan. Chetelge sayahetke chiqipla kirgen herqandaq bir uyghurni «terbiyelesh merkizi» ge aparghan we «mesile tapshurush» qa qistighan. Korla shehirige qarashliq qara yulghun yézisining ara bughra kentide türkiye qatarliq döletlerge sayahetke bérip kelgen 13 kishi tutqun qilinghan we «terbiyelesh merkizi» ge apirilghan.

Arabughra kent sékrétari, chetelge chiqip kirgenlerdin shikayet qilip mundaq deydu: «bular chetelge chiqip kirip rast gépini démeydu. U yerning yaman tereplirini tilgha almastin, yaxshi tereplirini maxtishidu. Özlirining béshidin kechürgen yaman künlirini yoshuridu, bu arqiliq chüshinish sewiyisi yéterlik bolmighan puqralarni qaymuqturidu».

Bu sékrétar yene chetelge chiqip kirgen sayahetchining choqum belgilik derijide yaman idiye bilen yuqumlinidighanliqini we shu sewebtin az dégende 15 kün terbiyelinishi shert ikenlikini ilgiri sürdi. Emma ashkarilinishiche, mezkur kenttiki sabiq sayahetchi ikki ay awwal «terbiyelesh merkizi» ge apirilghan bolsimu, téxiche qoyup bérilmigen؛ ularning ichidiki öz aldigha sayahet qilghanlirimu, sayahet shirkitining yétekchilikide sayahet qilghanlirimu oxshashla atalmish terbiyelinish qismitidin xaliy bolalmighan.

Melum bolushiche, korlaning qara yulghun yéza arabughra kentide tutup turulup terbiyeliniwatqan 80 nechche kishidin 13 nepiri sabiq sayahetchi؛ korla boyiche «yépiq terbiyelesh merkizi» ge yighiwélinghan 2100 che kishi ichide qanche neper sabiq sayahetchi barliqi melum emes.

Toluq bet