غۇلجا ۋەقەسىنىڭ 15 يىللىقى مۇناسىۋىتى بىلەن ئەنقەرەدە مۇخبىرلارنى كۈتۈۋېلىش يىغىنى چاقىرىلدى

غۇلجا ۋەقەسىنىڭ 15 يىللىقى مۇناسىۋىتى بىلەن تۈركىيىنىڭ پايتەختى ئەنقەرە شەھرىدە مۇخبىرلارنى كۈتۈۋېلىش يىغىنى چاقىرىلدى. تۈركىيە كادىرلار ئۇيۇشمىسىنىڭ يىغىن زالىدا چاقىرىلغان مۇخبىرلارنى كۈتۈۋېلىش يىغىنىغا تۈركىيىنىڭ ئەڭ چوڭ تېلېۋىزىيە، رادئىئو ۋە گېزىت - جۇرناللىرىمنىڭ مۇخلىسلىرى، تۈركىيە كادىرلار ئۇيۇشمىسىنىڭ رەھبەرلىرى، ئەزالىرى ۋە ئەنقەرەدىكى ئۇيغۇرلاردىن بولۇپ كۆپ ساندا كىشى قاتناشتى.
ئىختىيارى مۇخبىرىمىز ئەركىن تارىم
2012.02.05
kadirlar-oyushmisida-muxbirlarni-kutiwelish-yighini-305.jpg كادىرلار ئۇيۇشمىسىدا مۇخبىرلارنى كۈتۈۋېلىش يىغىنى. 2012-يىلى 5-فېۋرال، ئەنقەرە.
RFA/Erkin Tarim
مۇخبىرلارنى كۈتۈۋېلىش يىغىنىدا ئالدى بىلەن تۈركىيىنىڭ ئەڭ چوڭ ئاممىۋى تەشكىلاتلىرىدىن بىرى بولغان كادىرلار ئۇيۇشمىسىنىڭ رەئىسى ئىسمايىل قونجۇق ئەپەندى سۆز قىلدى. ئۇ سۆزىدە غۇلجا ۋەقەسىنىڭ 15 يىللىقى خاتىرلىنىۋاتقان بۈگۈنكى كۈندە خىتاينىڭ شەرقىي تۈركىستانلىقلارغا ئېلىپ بېرىۋاتقان بېسىم سىياسىتىنىڭ كۈنسايىن كۈچىيىۋاتقانلىقىنى، تۈركىيە جۇمھۇرىيىتى دۆلىتىنىڭ خىتاينى بۇ بېسىمنى توختىتىشقا چاقىرىشى كېرەكلىكىنى، خىتاينىڭ بۇ بېسىم سىياسىتىنى تۈركىيە كادىرلار ئۇيۇشمىسى بولۇش سۈپىتى بىلەن 450 مىڭ ئەزاسى نامىدىن شۇنداقلا 74 مىليون تۈرك خەلقى نامىدىن قاتتىق ئەيىبلەيدىغانلىقىنى ئېيتتى.
kadirlar-oyushmisida-muxpirlarni-kutiwelish-385.jpg
كادىرلار ئۇيۇشمىسىدا مۇخبىرلارنى كۈتۈۋېلىش يىغىنىدىن كۆرۈنۈشى. 2012-يىلى 5-فېۋرال، ئەنقەرە.
RFA/Erkin Tarim


كېيىن غۇلجا ۋەقەسىنىڭ 15 يىللىقى مۇناسىۋىتى بىلەن مۇخبىرلارنى كۈتۈۋېلىش يىغىنىنى ئۇيۇشتۇرغان شەرقىي تۈركىستان مەدەنىيەت ۋە ھەمكارلىق جەمىيىتى رەئىسى خەيرۇللاھ ئەفەندىگىل ئەپەندى مەتبۇئات باياناتىنى ئوقۇپ ئۆتتى.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.